Hai cercato la parola
bilingue monolingue
Hai cercato la parola
fruttare
Torna indietro

bilingue

fruttare ,
  • 1

    v.intr. butâ, produsi, frutâ Copia

    [CO] (produsi pomis, fâ)
    ha fruttato quest'anno il pero? = aial frutât chest an il piruçâr?
    i meli hanno fruttato molto = i miluçârs a àn butât cetant
  • 2

    v.intr. butâ, rindi, reonâ, frutâ Copia

    [AU] (dâ un redit, un profit)
    la vendita ha fruttato bene = la vendite e à reonât oppure frutât ben
    un'attività che non frutta = une ativitât che no rint

    v.intr. butâ, reonâ Copia

    (sei util, zovâ)
    quest'incontro mi ha fruttato davvero = chest incuintri mi à reonât pardabon
  • 3

    v.tr. dâ, butâ, fâ, produsi Copia

    [CO] (dâ tant che pome)
    quel campo non frutta che erbacce = chel cjamp al bute dome che jerbatis
    quel terreno ha fruttato molte patate = chel teren al à butât oppure dât cetantis patatis
  • 4

    v.tr. butâ, rindi, frutâ Copia

    [CO] (produsi tant che rendite o tant che util)
    un investimento che frutta pochi interessi = un invistiment che al bute pôcs interès
    un lavoro che frutta molti soldi = un lavôr che al rint cetancj bêçs

    v.tr. butâ, rindi, frutâ Copia

    (ancje fig., dâ un pro)
    lo studio gli ha fruttato molte soddisfazioni = il studiâ i à frutadis cetantis sodisfazions

monolingue

produsi v.tr.
(pro-du-si)
Fâ nassi e svilupâ, furnî tant che risulte di un procès naturâl (ancje ass.)
sinonimi
dâ, fâ
esempi
"lis plantutis a son stadis metudis tal cjamp e cressudis par doi agns. Al tierç an a àn scomençât a produsi ue"
da "Storie curte de vît in Friûl" di Enrico Peterlunger
"un blec di tiere che e prodûs sì e no un zei di pomodoros o fasûi"
da "La veretât e va ben simpri dite" di Pieri Somede dai Marcs
Vedi anche: produzi, pradusi, prudusi
produsi v.tr.
(pro-du-si)
Realizâ tant che risultât di un lavôr agricul, artesanâl o industriâl o ancje artistic, mentâl, creatîf e v.i. (ancje ass.)
sinonimi
fâ, fabricâ, realizâ, creâ
esempi
"o vin tacât cun sîs mil butiliis fin a rivâ aes setantesîs mil che o produsìn in dì di vuê"
da "Il paleontolic dal vin furlan" di Redazion il Diari
"il persut di Sant Denêl al ven ancjemò produsût cu lis tecnichis di une volte"
da "Un persut unic par un lûc unic" di Oscar Puntel
" jê e cognosseve la sô nature di furmie e di âf, nassude par lavorâ, produsi, creâ, e tornâ a scomençâ dopo ogni batoste e ogni disgracie"
da "Ombris tal infinît" di Carlo Sgorlon
produsi v.tr.
(pro-du-si)
Dâ un risultât o efiet di un procès biologjic, fisic, chimic e v.i.
sinonimi
creâ, dâ, disvilupâ, fâ, svilupâ
esempi
"intal pancreas a son ciertis glandulis che a produsin la insuline e che cheste sostance e mancje o si sbasse intai diabetics"
da "Scuvierzi il diabete" di Guglielmo Pitzalis
"lis lesions al lobi parietâl di drete a puedin produsi ancje une paralisi dal braç e de gjambe di çampe"
da "La evoluzion dal cerviel e de cussience tai vertebrâts" di Franc Fari
produsi v.tr.
(pro-du-si)
Dâ un efiet, une consecuence, e v.i. in gjenerâl
sinonimi
adusi, causâ, determinâ, procurâ, promovi, proviodi, provocâ, puartâ, puartâ dongje, sincirâ
esempi
"lis tecnologjiis, che a son dal om, se di une bande a svilupin soluzions, di chê altre, a produsin gnûfs contescj e gnûfs problemis"
da "La tecnologjie e devente cjalde" di Erika Adami
"e je une cjosse infalibile che la insinceritât sistematiche e prodûs la incredulitât sistematiche"
da "Il pietin e il grop" di Josef Marchet
produsi v.tr.
(pro-du-si)
Di un lûc, ambient artistic, culturâl, e v.i., fâ vignî fûr personis di une cierte sorte (fig.)
sinonimi
fiâ, procreâ, prolî
esempi
"il nestri paîs di mil e sietcent animis in trê frazions, al à produsût e al prodûs cjochelis, barabis, imbroions, massepassûts, bogns di nuie"
da "Lis predicjis dal muini" di Josef Marchet
produsi v.tr.
(pro-du-si)
Inmaneâ e prudelâ la realizazion di une opare cinematografiche, televisive, e v.i.
esempi
"il prin film di finzion par furlan al è Maria Zef di Vittorio Cottafavi che al ven produsût de sede RAI pal Friûl - Vignesie Julie tal 1981"
da "Il cine furlan" di Fabian Ros
produsi v.intr.
(pro-du-si)
Vê un aspiet, une someance
sinonimi
someâ, parê
esempi
"biel al pradûs al baràs blanc sflandorôs, bielon al piarsolâr colôr di rosa"
da "Al mandolâr" di Ugo Pellis
"e la bocje prodûs perle e rubin"
da "I, 188" di Ermes di Colorêt
"cheste Italie che e sta scjadint, mi prodûs un malât sidiât di un disordin di miedis che a tirin fûr une medecule daûr chê altre"
da "E ce aviliment?, cheste biade Italie!" di Josef Marchet
Torna in Cima
Torna in Cima