Hai cercato la parola
bilingue monolingue
Hai cercato la parola
guardare
Torna indietro

bilingue

guardare ,
  • 1

    v.intr. cjalâ Copia

    [FO] (lâ a cirî)
    se cerchi il libro prova a guardare sul tavolo = se tu ciris il libri prove cjale su la taule
  • 1a

    v.tr. cjalâ Copia

    (ancje ass.)
    guardare dalla finestra = cjalâ dal barcon

    v.tr. cjalâ Copia

    [FO] (indreçâ il voli su alc)
    guardare un dettaglio = cjalâ un detai
  • 1b

    v.tr. cjalâ Copia

    [FO] (lâ a viodi un spetacul)
    guardare una rappresentazione = cjalâ une rapresentazion
  • 1c

    v.tr. cjalâ, passâ Copia

    [FO] (passâ svelts pagjinis o cjartis)
    guardare un giornalino = cjalâ un gjornalut
  • 2

    v.intr. cjalâ, lâ a cjalâ Copia

    [FO] (cirî cun atenzion)
    guardare sul dizionario = cjalâ tal dizionari
  • 2a

    v.tr. cjalâ Copia

    [FO] (contemplâ)
    guardare un monumento = cjalâ un monument
  • 2b

    v.tr. cjalâ Copia

    [FO] (verificâ)
    guardami i conti per piacere = cjalimi i conts par plasê
    guardare le entrate = cjalâ lis jentradis
  • 3

    v.tr. cjalâ Copia

    [FO] (considerâ)
    guardare le cose con gli occhi di un bambino = cjalâ lis robis cui voi di un frut

    v.tr. cjalâ, viodi Copia

    (in loc.pragm., par pandi maravee)
    guarda caso! = viôt ce cumbinazion!
    guarda che roba! = cjale ce robis!

    v.tr. cjalâ Copia

    (mostrâ interès par cdn.)
    può fare quello che vuole che nessuno lo guarda = al pues fâ ce che al vûl che nissun no lu cjale

    v.intr. cjalâ, lâ daûr, stâ daûr Copia

    [FO] (considerâ)
    non guarda le regole = nol cjale regulis
    non guarda troppo alla forma = nol va masse daûr de forme

    v.intr. viodi, stâ atent Copia

    (fâ in maniere)
    guarda di non farmi perdere la pazienza = viôt di no fâmi pierdi la pazience

    v.intr. cjalâ, viodi Copia

    (espression par tirâ la atenzion)
    guarda che mi arrabbio! = cjale oppure viôt che mi inrabii!
  • 4

    v.tr. cjalâ, vuardâ, viodi Copia

    [FO] (tignî a ments)
    guardare i bambini = viodi dai fruts oppure vuardâ i fruts

    v.intr. cjalâ, viodi Copia

    [FO] (riferîsi cul pinsîr)
    guardano a lui come a un salvatore = lu viodin tant che un salvadôr
  • 5

    v.tr. vuardâ Copia

    [CO] (difindi, protezi, in formulis di auguri o di sconzûr)
    Dio ce ne guardi! = Diu nus vuardi!

    v.intr. dâ, dreçâsi, indreçâsi Copia

    [FO] (jessi orientât intune cierte direzion)
    la finestra della cucina guarda sul cortile = il barcon de cusine al da sul curtîl

locuzioni

    guardare a vista
  • vuardiâ a visteCopia
    [CO] (tignî a ments alc o cdn. cence molâ di cjalâlu)
    guardare a vista i prigionieri = vuardiâ a viste i presonîrs
    • guardare al microscopio
  • [CO] (vedi guardare per il sottile)
  • cjalâ cul microscopiCopia
    [CO] (esaminâ cul microscopi)
    • guardare con tanto d'occhi
  • discocolâ i voi, voglonâ, tirâ i voiCopia
    [CO] (spalancâ i voi par maravee, sturniment, e v.i.)
    • guardare di sbieco
  • [CO] (vedi guardare in cagnesco)
    • guardare di traverso
  • [CO] (vedi guardare in cagnesco)
    • guardare il, al minuto
  • sclapâ il minûtCopia
    [CO] (jessi puntiliôs)
    • guardare in cagnesco
  • cjalâ di brut, cjalâ di brut cei, cjalâ di neri, cjalâ in stuart, cjalâ par traviers, cjalâ losc, cjalâ di stosCopia
    [CO] (cjalâ cun ostilitât)
    • guardare in faccia
  • cjapâ di pet, cjalâ in muse, cjalâ in ghigne, cjalâ in bocjeCopia
    [CO] (frontâ)
    guardare in faccia il nemico = cjalâ in ghigne il nemì
    • guardare in tralice
  • cjalâ di stuart, cjalâ di stosCopia
    [CO] (cjalâ cun suspiet)
    • guardare in viso
  • [CO] (vedi guardare in faccia)
    • guardare in, per aria
  • stâ dibant, durmî sui ûfs, cjalâ par aiar, pierdi timp, dandanâsi, pendolâ, pendolâsi, poltronâ, gratâsi, fâ nuie, fâ un colp di nuie, rondolâsi, niçulâsi, pierdisi, no fâ un colp, bibiâ, remenâsi, clucîCopia
    [CO], [TS] (no fâ nuie)
    mi pare che tu stia guardando per aria invece di scrivere = mi pâr che tu sedis daûr a niçulâti impen di scrivi muoviti, non guardare in aria = moviti, no stâ a pierditi oppure no stâ a rondolâti
    • guardare le spalle
  • cjalâ daûr, cjalâ par daûr, parâ lis spalis, parâ la schene, cjalâ lis spalis, cjalâ la schene, vuardiâ, vuardâ lis spalis, vuardâ la schene, parâCopia
    [CO] (tal lengaç di soldâts e polizais, difindi di un pericul)
    guardami le spalle = parimi
  • difindi, cjalâ daûr, cjalâ par daûr, parâ lis spalis, parâ la schene, cjalâ lis spalis, cjalâ la schene, vuardâ lis spalis, vuardâ la schene, parâCopia
    [CO] (protezi)
    • guardare male
  • [CO] (vedi guardare in cagnesco)
    • guardare per il sottile
  • [CO] (vedi andare per il sottile)
    • guardare storto
  • [CO] (vedi guardare in cagnesco)
    • non guardare in faccia a nessuno
    non guardare in faccia nessuno
  • no cjalâ in muse nissun, no cjalâ in bocje a nissun, passâ denant di ducj, passâ parsore a ducjCopia
    (smirâ un travuart di rivâ, ancje passant parsore di altre int)
    è arrivato dove è arrivato non guardando in faccia a nessuno = al è rivât dulà che al è rivât passant denant di ducj
  • no cjalâ in muse nissun, no cjalâ in bocje a nissunCopia
    [CO] (no vê preferencis)
    • stare a guardare
  • stâ dibant, stâ a cjalâ, stâ cui braçs in crôsCopia
    [CO], [TS] (cjalâ e no fâ nuie)
    invece di stare a guardare avresti potuto aiutarmi = invezit di stâ a cjalâ tu varessis podût judâmi
    • stare a guardare le mosche che volano
  • stâ a cjalâ il soreli che al va a montCopia
    [CO] (stâ cence fâ nuie)

monolingue

cjalâ v.tr.
(cja-lâ)
Indreçâ il voli su alc cuntune cierte precision, intenzionalitât, atenzion
sinonimi
calumâ, cucâ, lumâ, olmâ, osservâ, spiâ
esempi
"i gjermaneots che a partivin, a cjalavin cul voli di amôr e di dolôr la lôr aghe e le saludavin cidins, par puartâsi daûr, vie pes stradis cence fin dai Furlans, un slambri di chel colôr celest, come une memorie di cjase tal cûr"
da "La aghe da pît la cleve" di Dino Virgili
"Toni al veve cjapât la coriere e al cjalave lis monts ancjemò blancjis di nêf"
da "Il dì celest" di Checo Tam
"le consolave lui, timit e inamorât, e disint cussì le cjalave cun doi voi plens di sperance"
da "Un bosc cence colôrs" di Franca Mainardis
"Faitsi dongje, cjare mari, / cun chel vuestri biel bambin; / che jo lu cjali, che jo lu tocj, / che jo lu bussi, chel ninin."
da "Ave o Vergjine" di Zuan Batiste Gallerio
cjalâ v.tr.
(cja-lâ)
Jessi spetatôr
sinonimi
viodi
esempi
"o passi lis zornadis a fâ compits, a studiâ e, par straviâmi, o cjali la television"
da "Sul florî" di AAVV
"lui al leve a cjalâ lis partidis di balon e le lassave bessole, cussì jê e vignive a confuartâsi cun me"
da "Sense" di Checo Tam
cjalâ v.tr.
(cja-lâ)
Dâ atenzion cui voi a alc o cdn. cirint di preseâ dutis lis sôs carateristichis
sinonimi
contemplâ, cucâ, esaminâ, osservâ, spiâ
esempi
"intant che Laurinç al jere te loze, denant de sale dai imperadôrs, a cjalâ lis statuis colôr verderam dal Barberosse e di un dai Vielms, a cjaval, il cidinôr al tornà a vinci dut"
da "Un cidinôr todesc" di Agnul di Spere
"al cjalà inmò chei cuadris e al viodè che sul font si podeve amirâ, scuasit in ducj, la Mont Grande cu la sô crete sclapade"
da "Cretevierte" di Roberto Ongaro
cjalâ v.tr.
(cja-lâ)
Tignî controlât cui voi par garantî la sigurece
sinonimi
controlâ, vuardiâ, vuardâ, viodi
esempi
"lis vuardiis a cjalin la puarte de bancje"
cjalâ v.tr.
(cja-lâ)
Jessi interessât
esempi
"eh, se o ves di diti ogni volte che i fantats mi cjalin, o varès di sentâmi chi a contâti, par une setemane!"
da "Cretevierte" di Roberto Ongaro
"cumò come cumò, no abadi al caratar des frutis, ma o cjali altris robis"
da "Sul florî" di AAVV
cjalâ v.tr.
(cja-lâ)
Ancje ass., lâ a cirî
sinonimi
cirî, cucâ, dâ un cuc, dâ une cjalade, scrusignâ, viodi, scandaiâ, spiâ
esempi
""Vêso migo chescj bregons ancje de taie 48?" "Un moment, cumò o cjali""
"o vês une ore par fâ la traduzion e se no savês cualchi peraule o podês cjalâ tal dizionari"
cjalâ v.tr., v.intr.
(cja-lâ)
Fâ une valutazion (fig.)
esempi
"se la Jugoslavie e volès fâ alc cuintri di nô e cjalarès lis sôs cundizions militârs e diplomatichis e no si romparès il cjâf a cirî lis resons juridichis"
da "Ce che a vuelin" di Josef Marchet
"cjalant tal complès ce che al stave sucedint in chei agns cu la cognossince che o vin cumò, la soluzion juste e sarès stade chê di limitâ lis emissions no dome di solfar ma ancje di anidride carboniche"
da "Clime e incuinament: prime l'ûf o la gjaline?" di Dario Bianchini Giaiotti, Fulvio Stel
cjalâ v.tr.
(cja-lâ)
Cjapâ in esam, controlâ la coretece
sinonimi
scrutinâ, esaminâ, notâ, scandaiâ, stazâ, tamesâ, vandi
esempi
"la mestre e à dite che e cjalarà ducj compits par vinars"
"cuant che tu âs finît di scrivi la letare passile al diretôr che le cjali se e va ben e le firmi"
"la sô specialitât e jere chê di fâ il zîr des ostariis cuntune cjarte di cent mate dal dut. L'ostîr le cjalave chê cjarte, le voltave, le cjalave cuintri lûs, po je tornave. Ma intant lui, il vin lu veve za scolât"
da "Cercandui" di Alan Brusini
cjalâ v.tr.
(cja-lâ)
Fâ une revision, un control, e se al covente comedâ alc
sinonimi
comedâ, justâ, messedâ, regolâ, viodi
esempi
"cualchi canâl si cjape mâl, al covente di fâ cjalâ il televisôr"
cjalâ v.tr.
(cja-lâ)
Fâ une visite mediche
sinonimi
viodi, visitâ
esempi
"al rivà il miedi e, dopo di vêlu cjalât un momentin, al declarà che a puartâlu vie in chê maniere e jere stade une polmonite"
da "Il fi de Rosse" di Pieri Menis
cjalâ v.tr., v.intr.
(cja-lâ)
Impegnâsi, stâ atent par rivâ un ciert obietîf o par no vê ciertis consecuencis
sinonimi
badâ, viodi, tignî a ments, procurâ, proviodi
esempi
"«Puedio cjoli [tal cjast] dut ce che mi ocor?» «Sì. Sta atent però che robe a 'nd è ancje dai Feruis. Cjale di no fâ confusion»"
da "Prime di sere" di Carlo Sgorlon
cjalâ v.tr., v.intr.
(cja-lâ)
Abadâ, tignî di voli
sinonimi
abadâ, tignî ad a ments, tignî di voli, viodi
esempi
"cjalâ che i fruts no si fasin mâl"
"judimi un moment, par plasê, cjalimi la polente che no si tachi"
"e tu Zanut sta chi cul cjan / a cjalâ , che il lôf no fasi dan / e guviarne lis pioris cui agnei / e darâs dal sâl ancje ai vidiei "
da "II, 118" di Ermes di Colorêt
cjalâ v.tr.
(cja-lâ)
In funzion. interietive, in diviersis locuzions o espressions, par riclamâ la atenzion
esempi
"ma cjale ce pretesis che tu âs di dâmi conseis!"
da "L'avocat e la luianie" di Pieri Somede dai Marcs
"cjalait, fruts, tornait dentri e disêt che plui sot di chel impuart no podìn lâ"
da "Interviste a Manlio Collavino" di Christian Romanin
"cjale, mo. Jo no sai se a son veris dutis chês storiis dal paradîs, dal infier, di Diu, dal diaul e cussì. Nissun mai al è tornât indaûr a contâ"
da "La salamandrie tal fûc" di Carlo Tolazzi
"o sarìn cussì un popul che, rispietantsi, a si fâs rispietâ. In non di Diu, cjalait: pretindi che nus rispietin a no je une brute robe, parcè che chel che no si rispiete no lu rispietaran"
da "In non di Diu scomençait!" di Francesc Placerean
cjalâ v.tr., v.intr.
(cja-lâ)
Tal imperatîf, tant che rimant a notis o a altris tocs intun test
sinonimi
viodi, spiâ
esempi
"une altre reson a pro di chê ipotesi ca e ven dal pronon obiet diret aton di tierce persone dal plurâl, che al è pardut «ju» < «glu» (cjale 5.3.2. )"
da "Cualchi ipotesi sul furlan di prin di scrivilu" di Zorç Cadorin
cjalâ v.tr., v.intr.
(cja-lâ)
Vê une cierte considerazion, percezion, classificazion mentâl (fig.)
sinonimi
calcolâ, cjapâ, considerâ, contâ, interessâsi, lâ daûr, misurâ, stazâ, stimâ, tignî, valutâ, vandi, viodi
esempi
"di in chê volte, al veve cjalât cun altris voi dutis lis jerbis e, là sù dal Plevan Boneti, cuant che al lave par canoniche a judâ, si incjantave parsore un libri plen di fueis, rosis e lidrîs dissegnadis dal naturâl"
da "Il Bide di Miot" di Maria Forte
"to pari, che mi cjale tant che la ribine tal cjamp, al scugnarà ricrodisi "
da "Il muc" di Roberto Ongaro
"cumò o cjali il mont e la umanitât cun mancul di inocence e cun plui di tolerance"
da "Trê feminis" di Gianni Gregoricchio
"ancje se lui nol ves podût jessî de sô cundizion di mascli, che almancul al ves cjalât a la mê solitudin cun amôr"
da "Trê feminis" di Gianni Gregoricchio
cjalâ v.tr., v.intr.
(cja-lâ)
Vê tant che pont di riferiment (fig.)
esempi
"a chei zovins ur àn simpri insegnât a cjalâ a la Italie e a Rome come al… bugnigul dal mont…!"
da "Int di masnade" di Alviero Negro
"i fîs intant si spatussavin. La Linute e Gjovanin. E si usavin a cjalâ plui ae mari che al pari"
da "Mabile la Lunghine" di Maria Forte
cjalâ v.tr., v.intr.
(cja-lâ)
Calcolâ tant che obietîf impuartant (fig.)
sinonimi
viodi, smicjâ, volê, bramâ, cirî
esempi
"chel li al cjale dome ai bêçs"
cjalâ v.tr., v.intr.
(cja-lâ)
Dâ impuartance, dâ pês (fig.)
sinonimi
viodi
esempi
"sì, ma ancje tu, no stâ a cjalâ dome i aspiets bruts, no mo?"
cjalâ v.tr., v.intr.
(cja-lâ)
Di un edifici o di une sô part, o ancje di un cualchi puest o di une struture naturâl tant che une mont, une culine e v.i., jessi devant di alc
sinonimi
dâ
esempi
"une puarte e un barcon cjalin sul ort e viers la strade"
da "Resurezion a Pontinie" di Pieri Somede dai Marcs
"la famee di Pelôs e jere tornade a stâ a Tresesin ai prins dal '700, comprât il lûc dai conts di Conti, palaç dal '500, cjase Licaro di vuê, su la place che e cjale lis montagnis"
da "Come tai romançs" di Alan Brusini
"là sù, par vecjonon, si jere incjasât un trop di pagans, in chel splaç vert che al va dal çuc fintremai al bosc e al creton che al cjale dal alt il paîs e che cumò si clame Prençâs"
da "I pagans di Muine" di Josef Cjargnel
proverbi
"a cjaval donât no si cjalii in bocje"
"al pâr che la sô crôs a sedi la plui grande ma se si cjale chê di chei altris si torne a cjoli sù la sô"
"bisugne cjalâ abàs prin di mudâ il pas"
"cjale il to trâf intant che tu cjalis il gno cjaveli"
"cjalimi e lassimi par chel che o soi"
"cjase tante di stâ, braide tante di coltâ, prât tant di cjalâ"
"cuant che no ti impuarte no stâ cjalâ se e va drete o stuarte"
"cui che al à a cjase donzelis, che nol cjali lis stelis"
"cui che al cjale la lune, nol fâs fortune"
"cui che al cjale ogni nûl no si met mai in viaç"
"cui che si cjale se stes no i vanze timp di cjalâ chei altris"
"dal taiepiere no stâ cjalâ, in farie no stâ tocjâ, in speziarie no stâ cerçâ"
"fâs il ben cence cjalâ a cui"
"i fruts no disin papà biel e mame biele ma a cjalin se a 'nd è te scudiele"
"i voi a son fats par cjalâ"
"l'amôr nol cjale diferencis"
"la fantate no cjale il gjalinâr ma il gjal"
"no covente cjalâ il laip, covente cjalâ il purcit"
"no mi cjalâ di Avrîl che o soi intal covîl, cjalimi di Mai e se no ven, vai"
"no si cjalii in bocje al cjaval donât"
"ognidun che al cjali a cjase sô"
"plui des robis bielis bisugne cjalâ e preseâ chês utilis"
"prin di dî mâl dai altris, cjale te stes"
"se si vûl savê la zornade, si cjale la matine"
"se tu ti cjalis te, no ti vanze timp di cjalâmi me"
"se tu vûs cognossi la fie, cjale la mari"
"vuarditi di cui che al cjale la ponte des scarpis"
Torna in Cima
Torna in Cima