Tu âs cirût la peraule
bilengâl monolengâl
Tu âs cirût la peraule
irto
torne indaûr

bilengâl

irto adi.
  • 1

    adi. dûr, dret Copie

    [CO] (di barbe, cjavei, pêi e sim., grês e dret)
    aveva la barba irta = al veve la barbe dure oppure drete

    adi. dret Copie

    (dal pêl dai animâi, che si drece tant che segnâl di pôre o di menace)
    il gatto ha il pelo irto = il gjat al à il pêl dret
  • 2

    adi. spinôs Copie

    [CO] (che al beche)
    rovi bassi e irti = baraçs bas e spinôs
  • 3

    adi. plen, fis Copie

    [CO] (di superficie, che e à tantis prominencis e pontis a spiç)
    la cima è irta di arbusti = la cime e je fisse di sterps
  • 4

    adi. plen, fis, infolcjât Copie

    [CO] (di un scrit, di un discors e v.i., che al à tancj elements avonde dificii)
    un testo irto di termini specialistici = un scrit plen di tiermins specialistics
  • 5

    adi. plen, fis Copie

    [CO] (che al à tancj elements negatîfs o dificii)
    una avventura irta di ostacoli = une aventure plene di ostacui
  • 6

    adi. salvadi, ruspiôs Copie

    [BU] (di cdn., che al à un caratar intratabil)
  • 7

    adi. ruspi Copie

    [TS] bot. (di orghin vegjetâl, cuviert di pêi fis e drets)

monolengâl

dûr adi.
Che al resist a pression, tai, incision e deformazion
esemplis
"la neif a è deventada dura, a criça sot i peis"
gjavât fûr di "Un pari da conossi" di Novella Cantarutti
"no poltronis ergonomichis… mi plasin lis cjadreis di len dûr"
gjavât fûr di "Kalundborg" di Checo Tam
"[mans] grandis e disformadis dal lavôr, cui cai dûrs tant che capelis di claut e cu lis venis gruessis tant che vuarbisinis"
gjavât fûr di "Il muc" di Roberto Ongaro
dûr adi.
Pôc elastic, fof e v.i.
esemplis
"[dopo operâts tal cjâf dal femur] doprâ un jet dûr (alt plui o mancul 65-70 cm). No doprâ jets bas"
gjavât fûr di "Protesi dal ombul" di Aministrazion Publiche
dûr adi.
Di barbe, cjavei, pêi, che a tocjâ a dan o a daressin une sensazion di ruspi
esemplis
"un çamar di cjavei neris e dûrs come sublis"
gjavât fûr di "Il fi de Rosse" di Pieri Menis
"Bernart al veve la muse ruane di frêt sot de barbe rare e dure"
gjavât fûr di "Frêt" di Agnul di Spere
"il biât om al veve la panze sglonfe e tirade, cuvierte fin al bugnigul di pêi dûrs e grîs"
gjavât fûr di "Tal ospedâl" di Amedeo Giacomini
"la jerbe alte e dure che e nulive di mente salvadie e di camamilats"
gjavât fûr di "Cjase di Dalban" di Maria Forte
dûr adi.
Dal cuarp o di une sô part, fis, tonic
sinonims
fis, salt, sodât, stagn, tonic
esemplis
"e veve scuasit pôre di gjavâ i vistîts e di tocjâ il so cuarp crot. Lu sintive plen sot dal corpet e de cotule, dûr di zoventût"
gjavât fûr di "Trê feminis" di Gianni Gregoricchio
dûr adi.
Dal ses masculin, in erezion
esemplis
"pôc ce fâ: a bighe dure no si resone"
dûr adi.
Di une part dal cuarp, che no rive a movisi pal frêt, pe fadie, par paralisi e v.i.
esemplis
"il nestri alpin al veve [...] lis gjambis duris fin ai zenoi"
gjavât fûr di "Zilugne" di Pieri Menis
dûr adi.
Di cdn. o di part dal cuarp, che no si môf o che par un pôc nol rive a reagjî pal straneament, pe pôre e v.i.
sinonims
cantesemât, crudulît, imbacuchît, incantesemât, inmatunît, interdet, sbarlufît, scaturît, stranît, strassomeât
esemplis
"la bocja di Deneila a restà dura, dome a i sbatevin li ceis come ali in poura"
gjavât fûr di "Il Bolp" di Novella Cantarutti
dûr adi.
Dal cuarp muart, cjapât dal rigor mortis
esemplis
"nissun veve nancje sintût a dî che Selmo al fos stât malât; e cumò al jere li, sul jet, dûr come un trâf"
gjavât fûr di "Il fi de Rosse" di Pieri Menis
"dôs pernîs blancji e un cator picjâts, dûrs, cul bec in stuart"
gjavât fûr di "Sacrup" di Novella Cantarutti
dûr adi.
No masse cuet o ancje no avonde cuet
esemplis
"ten sù il rîs ancjemò un minût che al è un fîl masse dûr"
dûr adi.
Di robe di mangjâ, che si fâs fadie a mastiâle
esemplis
"une bisteche dure come une suele di scarpe"
dûr adi.
Massime dal pan, che al à pierdût la consistence fofe parcè che nol è no fresc
sinonims
sec, stantît, vecjo
esemplis
"tal sac, leât su la schene, al veve une cjamese rote, un pâr di çavatis [...] e une pagnoche di pan dûr"
gjavât fûr di "Bandiere" di Pieri Somede dai Marcs
dûr adi.
Dal ûf, cuet intîr te aghe bulinte, in gjenar par 7-9 minûts, di mût che sedi il blanc che il ros a sedin salts
esemplis
"lis fameis si sentavin ta la ombrene a mirindâ lidric cul poc e ûfs dûrs e salam gnûf a pene disniçât"
gjavât fûr di "La aghe da pît la cleve" di Dino Virgili
dûr adi.
Massime cuntune specificazion, che al fâs resistence, che al fâs fâ un sfuarç prime di fâ alc (ancje fig.)
sinonims
restîf, lunc, tart
esemplis
"al veve une fionde cui elastics dûrs di tirâ e pronts come un sbâr di mûl"
gjavât fûr di "Par stradis lungjis" di Alan Brusini
"un vizi une vore dûr di corezi"
gjavât fûr di "Lenghe e lenghis in Italie" di Josef Marchet
"po no âstu capît, tu sês dûr di coce…"
gjavât fûr di "Tripoli bel sol d'amore" di Pieri Somede dai Marcs
"[la int dal Friûl] libare e dure di lassâsi pleâ e meti in rie, epûr ordenade dentri vie"
gjavât fûr di "Il Friûl al è nassût cussì" di Josef Cjargnel
"un cjaval dûr di bocje"
dûr adi.
Dispès in costruzions impers., ancje tal feminin, che al à pocje pussibilitât di sucedi (fig.)
sinonims
dificil, grivi
esemplis
"o pensi che la Italie e podarà dî la sô, ancje se mi somee dure che e rivedi a puartâ a cjase la Cope dal Mont"
gjavât fûr di "Interviste a Dino Zoff" di Christian Romanin
dûr adi.
Che al domande impegn, fadie e v.i. (fig.)
sinonims
impegnatîf, sfadiôs, dificil, imbroiôs, osteôs, osteât, pesant
esemplis
"ce che a rivin a meti in bande dopo cualchi an di lavôr dûr, nol ripaie des tantis vitis che la silicosi si à puartât vie"
gjavât fûr di "La emigrazion dal Friûl - Vignesie Julie tai Stâts Unîts" di Javier Grossutti
dûr adi.
Caraterizât di rigôr, dissipline, intransigjence e v.i. (fig.)
sinonims
intransigjent, rigjit
esemplis
"Taresie e parà indaûr il compatiment e, dure, e le indenant a finî il so discors"
gjavât fûr di "Trê feminis" di Gianni Gregoricchio
"sù ancje tu Bepo, cambie pinsîr, no stâ fâti viodi cussì dûr"
gjavât fûr di "Resurezion a Pontinie" di Pieri Somede dai Marcs
dûr adi.
Che al ten lis sôs opinions cence lassâsi divoltâ (fig.)
sinonims
cjanin, crût, impinionôs, insensibil, ledrôs, mastin, restîf, testart, ustinât
esemplis
"fra la Anzuline e Sandri si jere metude di mieç la çucje dure di siore Anute di Nardon che e veve mil pretesis sul avignî de fie"
gjavât fûr di "Cjase di Dalban" di Maria Forte
"il Nino i diseve che al jere dûr come un mûl"
gjavât fûr di "Prime di sere" di Carlo Sgorlon
dûr adi.
Caraterizât di alc di negatîf, tant che dolôr, mancjance di bêçs, sfortune e v.i. (fig.)
sinonims
disgrât, displasevul, dolorôs, garp, grivi, lagrimôs, lancurôs, malabiât, mareôs, pelôs, penôs, pesant
esemplis
"al pâr propit che, cuant che la vite si fâs plui dure e dificil, al sedi il moment che l'amôr al deventi plui grant e profont"
gjavât fûr di "Il muc" di Roberto Ongaro
"il moment plui dûr al jere stât partî lassant li chei voi a cjalâlu, plens di lagrimis"
gjavât fûr di "Faliscjis" di Cristina Noacco
"si cjatà a supâsi dute la vuere e dut ce che al capità tai agns dûrs dopo la vuere"
gjavât fûr di "Pre Pitin" di Antoni Beline
dûr adi.
Di confront, caraterizât di determinazion, agressivitât, violence e v.i. (fig.)
sinonims
barbar, cjanin, dispietât, feroç, incindiôs, mastin, salvadi, scontrôs, violent
esemplis
"organizâ il moviment intune struture di partît che al varès vût di frontâ une lote dure e lungje intal timp"
gjavât fûr di "Tal non di Fausto Schiavi" di Adrian Cescje
"students e pulizais a vevin fat une sorte di bataie, ancjemò plui dure di chê di une setemane prin"
gjavât fûr di "In viaç di domenie" di Agnul di Spere
dûr adi.
Dit, pandût cence delicatece (fig.)
sinonims
imburît, risolût, sburît, sec
esemplis
"al veve vût peraulis duris ancje par jê"
gjavât fûr di "La tiere di Lansing" di Maria Forte
dûr adi.
Di clime o element atmosferic, che al fâs patî, massime par vie dal frêt (fig.)
sinonims
frêt, crût
esemplis
"tieris cuntun clime dûr, pocje fertilitât e tante aghe e tante ploie"
gjavât fûr di "Protostorie e storie romane in Friûl" di AAVV
dûr adi.
Spec. di linie de muse o dal cuarp, drete, cence tenarece, cence finece (fig.)
sinonims
dret, cuadri, cuadrât
esemplis
"i siei pipins cun chês liniis cussì duris, ma cun chês espressions cussì vivis"
gjavât fûr di "Gno barbe Sisto" di Lucio Perès
dûr adi.
Pôc melodic (fig.)
esemplis
"un rock dûr"
dûr adi.
Di gust, soredut dal vin, fuart e no ben ecuilibrât, ancje cun masse aciditât (fig.)
esemplis
"[il vin de Pulie] si doprave par “taiâ” i vins locâi, che in chê epoche a jerin mancul alcolics, cun plui tanin e plui dûrs"
gjavât fûr di "Storie curte de vît in Friûl" di Enrico Peterlunger
dûr adi.
Che al pues scossâ cui che al è sensibil (fig.)
sinonims
fuart, penç
esemplis
"une mostre fotografiche interessante, e ancje dure, sui manicomis"
dûr adi.
Di cualchi cundizion o situazion, che e je caraterizade di plenece, reisistence e v.i. (fig.)
esemplis
"si inçussive a bugadis fin a cjapâ sium - cui lu varessial mai dite - un sium dûr come une piere"
gjavât fûr di "Come tai romançs" di Alan Brusini
dûr s.m.
Robe no tenare, elastiche, fofe e v.i
esemplis
"[sclesis di granade] batint su lis cretis, a saltavin come la tampieste co e bat sul dûr"
gjavât fûr di "Cemût che o soi restât caporâl" di Pieri Menis
"co si jere sveât si cjalave ator ta chel barcjon mai viodût, cu la schene rote par vê durmît sul dûr"
gjavât fûr di "Par stradis lungjis" di Alan Brusini
dûr s.m.
Teren salt
sinonims
salt
esemplis
"la piere e jere pastanade tal dûr, a sbighet"
gjavât fûr di "La aghe da pît la cleve" di Dino Virgili
dûr s.m.
Persone sigure dal so fat (fig.)
esemplis
"se tu âs voie di mantignî il puest, tu âs di jessi un dûr, âstu capît?"
gjavât fûr di "Un pugn di moscjis" di Pieri Somede dai Marcs
"il zovenut al è un dûr, nuie ce dî"
gjavât fûr di "Ah! la provincie" di Sandri Di Suald
dûr s.m.
Persone o situazion che a presentin elements dificii di risolvi (fig.)
sinonims
grop, vues
esemplis
"se al cjate il dûr, si romp i cuars e po al devente bon tant che un agnelut"
gjavât fûr di "Lis predicjis dal muini" di Josef Marchet
dûr s.m.
Ande di resistence o difidence (fig.)
esemplis
"cuant che jê e capî di vê slargjât il varc tal dûr de prime opinion, si sintì, pardabon, a cjase sô"
gjavât fûr di "Mabile la Lunghine" di Maria Forte
dûr av.
Cun impegn, cun dissipline
sinonims
fuart, fis, salt
esemplis
"i miei gjenitôrs a lavorin dûr"
gjavât fûr di "Sul florî" di AAVV
dûr av.
In maniere secje, cence finece (fig.)
sinonims
brusc, ruspi, sec
esemplis
"al fevelave dûr come un todesc"
gjavât fûr di "Come tai romançs" di Alan Brusini
detulis
"a bighe dure no si resone"
"dûr cun dûr no si fâs mûr"
"dûr cun dûr nol fâs bon mûr"
"il pan dai altris, chel plui bon, al à siet crostis e chel plui dûr ind à nûf"
"l'ûf al vûl nec durum nec tenerum sed basotum"
"la cite rote e je chê che e ten dûr"
"nol è miluç tant dûr che cul timp nol deventi madûr"
torne sù
torne sù