Hai cercato la parola
bilingue monolingue
Hai cercato la parola
maglia
Torna indietro

bilingue

maglia
  • 1a

    s.f. pont Copia

    [FO] (ognidun dai grops o ponts che a son ingropâts in plui manieris diferentis e cun tecnichis diferentis, cun fiers di gucje o machinis a gusiele, e a formin un tiessût)
    aumentare le maglie = cressi i ponts
    calare le maglie = calâ i ponts

    s.f. gucje, maie Copia

    (te espression 'lavorare a maglia')
    lavorare a maglia = lavorâ a maie oppure di gucje oppure gucjâ
  • 1b

    s.f. gucje, maie Copia

    [FO] (tiessût fat cu la tecniche dal lavôr a maie)
    gonna di maglia = cotule di gucje oppure fate a gucje oppure fate a maie
  • 2a

    s.f. maie Copia

    [FO] (vistiari par solit di lane che al cuvierç il bust e i braçs)
    prendi la maglia con le maniche corte = cjol la maie cu lis maniis curtis
    togliersi la maglia = gjavâsi la maie
  • 2b

    s.f. maie Copia

    [TS] (chel vistiari metût sù di un atlete cui colôrs de sô scuadre, a voltis cuntun numar segnât sore)
  • 3a

    s.f. maie, maie di fier Copia

    [TS] (tiessidure di brucjis, anei e cercluts metalics che te Ete di Mieç a formavin une protezion pai vuerîrs e pai cjavai tal combatiment)
  • 3b

    s.f. maie, maie di fier Copia

    [TS] (part de armadure che e cuvierzeve il bust)
  • 4a

    s.f. maie Copia

    [CO] (intune rêt fate di une trame di fîi, ognidun dai segments jenfri i grops dongje e il poligon che al risulte delimitât dai fîi)
    la rete è a maglie larghe = la rêt e je a maiis largjis
  • 4b

    s.f. maie Copia

    [CO] (anelut di une cjadene o di une golaine)
    si è rotta una maglia della catenina = si è rote une maie de cjadenute
  • 5

    s.f. ingredei, maie Copia

    [CO] (situazion che no si rive a scjampâ)
    restare preso nelle maglie di un intrigo = restâ cjapât tes mais oppure tai ingredeis di une traine
  • 6a

    s.f. maie Copia

    [TS] (percors di liniis di une rêt di condutôrs eletrics che a scomencin e a finissin intal stes grop)
  • 6b

    s.f. maie Copia

    [TS] (la rêt di circuits di une cierte zone urbane)
  • 8

    s.f. maie Copia

    [TS] (part di superficie di une cjarte gjeografiche cuvierte di une rêt di meridians e di paralêi)
  • 9

    s.f. maie Copia

    [TS] (intun sisteme di coordenadis curvadis, cuadrangul delimitât di cuatri liniis dal sisteme che al à tant che lâts segments di curve)

locuzioni

    maglia gettata
  • maie butadeCopia
    [CO], [TS] (tai lavôrs di gucje, fîl che si fâs passâ tal fier)
    • punto a maglia
  • pont di maie, pont di gucjeCopia
    [CO] (pont lavorât di gucje)
    • tessuto a maglia
  • tiessût a maie, maie, gucjeCopia
    [CO], [TS] (tiessût fat di fîi lavorâts a gucje o crossè, o ancje a machine ma cun efiet simil)

monolingue

pont s.m.
Segn grafic fat di un piçul cercli plen
esempi
"il pont fer che al siere la frase"
da "Corpus linguistics" di Vladimir Petkevic
"une rie, un pont, letaris che no son peraulis, peraulis che no son lenghe"
da "Kebar krossè" di Stiefin Morat
pont s.m.
Cualsisei robe avonde piçule che si puedi viodi
esempi
"si viôt tal cîl parsore chei trê dincj che e scusse Mont Cjanine un piçul pont neri, e un ucielut imburît come une clapade al ven jù tai prâts di Solescjan"
da "L'ucielut de Mont Cjanine" di Catarine Percude
pont s.m.
[TS] (gjeom.) Element primitîf cence estension definît dai postulâts
esempi
"considerìn il pont individuât dai ponta A, B e C"
pont s.m.
[TS] (telecom.) Segn convenzionâl intal alfabet Morse fat di un impuls che al dure pôc
pont s.m.
Lûc, puest determinât
esempi
"il nestri pont di cunvigne al restave Colorêt"
da "Trê feminis" di Gianni Gregoricchio
pont s.m.
Lûc esat di un test, di un discors
sinonimi
articul, cantin, pas
esempi
"si scuen dî che Livius, in chest pont [dulà che al fevele de fondazion di Aquilee], al scrîf robis impussibilis o contrastantis"
da "Cuintristorie dal Friûl fin sot la Italie" di Josef Marchet
pont s.m.
Cuistion specifiche, argoment particolâr
sinonimi
argoment, articul, cantin, cantin articul, cuistion, nucli, probleme, element
esempi
"il Friûl orientâl al à une esperience di vite autonomistiche durade dal 1860 al 1918 che il Friûl Udinês nol à. E su chest pont il Friûl Orientâl al à une sensibilitât che noaltris no podìn trascurâ"
da "In cercje di democrazie" di Josef Marchet
"la liste si podarès slungjâle, ma chest nol menarès dongje ponts gnûfs pal nestri studi"
da "Cualchi ipotesi sul furlan di prin di scrivilu" di Zorç Cadorin
"un dai ponts di fonde di ogni tutele linguistiche al jere stât tes nestris convinzions l'insegnament de lenghe intes scuelis"
da "Memoriis di politiche linguistiche" di Adrian Cescje
pont s.m.
Moment determinât
sinonimi
moment
esempi
"a di un pont si sint a vuicâ i cancars de puarte che e da su la strade"
da "La ombrene" di Meni Ucel
pont s.m.
Grât determinât
sinonimi
grât, nivel
esempi
"la dificoltât mostre e consist tal cognossi el pont just de bulidure e tal savê ben dosâ la cuantitât dai rîs e dai sesarons"
da "Viaç a Vignesie" di Arturo Feruglio
pont s.m.
Tonalitât minime di colôr
sinonimi
bave, gradazion, ninin, pêl, ponte, spêl, at
esempi
"e jere une vere sagre di ros, di blanc, di narancin, di blu, di ogni pont di colôr"
da "Un bosc cence colôrs" di Franca Mainardis
"ogni colôr di fûc al dave tant cjalt; plui fuart o plui morentât. E par une arzile al voleve chel pont e par chê altre ancjemò un altri"
da "La tiere di Lansing" di Maria Forte
pont s.m.
Situazion li che al è rivât un procès dinamic, une ativitât, un lavôr, une esistence, un fenomen e v.i.
sinonimi
fase, situazion, cundizion, nivel, grât
esempi
"in chest mondat, cun tantis rivoluzions e cun tante democrazie che si predicje, o sin simpri a chel pont: di une bande la siorie e di chê altre la puare int"
da "Lis predicjis dal muini" di Josef Marchet
"a ce pont jerino i programs di iluminament public a Udin?"
da "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini
pont s.m.
Trate di fîl che e passe par dôs busutis fatis de gusiele tal cusì, tal mendâ, tal comedâ e v.i.
sinonimi
norie, pontât
esempi
"tirâ la gusiele cent e cent, mil e plui voltis, passe e torne passe, pont daûr pont su chei cotulons di regadin, sui gjachetins di bavele e fîl stuart"
da "Marum" di Pieri Menis
"marcjanzie par contadins che no fasevin riflès su la lungjece dai ponts, ni come che a jerin metûts sù i tacons"
da "Il bal spasimât des ombrenis" di Maria Forte
pont s.m.
Ogni unitât convenzionâl doprade par esprimi une valutazion, une cuantificazion e v.i.
esempi
"dopo la sperimentazion il grât di acuardi al è calât di cuasi un pont"
da "Une esperience di plurilinguisim inte didatiche de matematiche" di Carlo Cecchini, Matteo Fogale
pont s.m.
Ognidune des unitâts dopradis par esprimi un vantaç in sports, zûcs o sim.
esempi
"Zuanin al puartà cjartis, zes, e la breute dai ponts"
da "La aghe da pît la cleve" di Dino Virgili
"Gusto al saveve di vê il capon (la briscule) a la ultime man e cun chel a jerin 59 ponts"
da "Se ti perdi tuo danno" di Checo Tam
pont s.m.
Unitât in licencis, permès, ativitâts e v.i. che a previodin un massim e un minim
esempi
"«Âstu pierdût ducj i ponts de patente? »"
da "Faliscjis" di Cristina Noacco
"o vin fate cuote e vuadagnât 5000 ponts in cheste stagjon di cjace"
da "Sense" di Checo Tam
pont s.m.
Bolin o sim. dât cun prodots di consum, che, dongje di un ciert numar di altris intune cierte dade di timp, al da dirit a vê premis, sconts, promozions e v.i.
esempi
"fâ la racuelte dai ponts dal supermarcjât"
pont s.m.
Segn grafic che, ancje in maniere aprossimative, al rapresente un sun di une lenghe
sinonimi
letare, segn
esempi
"sô mari, che no jere buine di lei, la puartà a une comari di li dongje preantle di lei i ponts di chê letare"
da "Sul agâr" di Pieri Menis
"cumò i ponts de scriture a jerin nûts su la piere sgrifignade"
da "La aghe da pît la cleve" di Dino Virgili
pont s.m.
[TS] (mar.) Posizion là che e je une nâf intal mâr in rapuart cu la longjitudin e la latitudin
sinonimi
posizion
proverbi
"cui che al scjampe un pont, ind scjampe mil"
"cui che nol fâs il grop al piert il pont"
"cui che tal fîl nol fâs il grop al piert il pont"
"lis feminis ind san un pont plui dal diaul"
"tirâ il pont tant che si po, ma dâi a ognidun il so"
"trê feminis a puedin dâi un pont al diaul"
Torna in Cima
Torna in Cima