A prin colp si podarès pensâ a une italianizazion di mèche che, stant al NP, al sta par “persone pedante, plene di esitancis; persone masse delicade". Cun altris peraulis, une plaie. A (Dieç in comun di Tumieç) il cognon si pronunzie, però, Mècje e non Mèche. E la grafie Mecchia e previôt propit une pronunzie Mècje. Par chest, no sin bogns di dâ une esplicazion che e convinci ad in plen. Viodi ancje De Stefani 2003.
Cognon ben rapresentât in Cjargne (Preon, Soclêf, Davâr, Tumieç), ma di divignince asìne stant che al è ancjemò presint tal comun di Vît (tancj asìns si son spostâts in Cjargne puartantsi daûr cognons come Zannièr, Peressón, e v.i.).
Si lu cjate ancje a Udin, Pordenon, Monfalcon, Triest.
fonts
1581, ai 10 di Otubar Pietro q. Leon. della Mecchia di Clauzeto marito di Giovannina q. Filippo Concina (ANU 3923); 1721, ai 17 di Març Sig. Giacomo Mecchia oste e locandiere in S. Daniele (AB); 1664 Martin q. M.° Zuane Mechia di questa Villa di Clauzetto (ASU CRS 189/1); 1734 m.° Pietro q. Martin Mecchia di Clauzzetto, teste in Toppo (ASU CRS 523); 1745, ai 29 di Lui Sig. G.B. Mecchia aveva bottega di scarpe in S. Daniele in cui lavorava giovine Ser Valent. Peverino – mandava partite di scarpe in Istria (Filze); 1768 M.° Zuane Mechia oriundo di Clauzetto, habita in Pratto, teste (ASU CRS 397/2); 1777 Pietro Mecchia q. Giovanni notaio da Rive d’Arcano (ASU); 1815 Anna Mechia nata in Mieli in Cargna ora sartora in Fauglis, figlia di Martino di Mieli ora sartore domic. in Fauglis, sposa Gio. Batta Fabris, sartore dom. in Fauglis, figlio di Antonio di Gonars ora domic. a Malisana, gastaldo (A.P. Favuîs); 1816 Sig. Giacomo Mecchia di Gio. Batta nato in S. Daniele nel 1795, possidente betoliere in S. Daniele, sposa la Sig.a Teresa Miotti nata a Udine nel 1798, figlia dell’Ecc.mo Sig.r Canciano medico fisico di Udine (A.P. Udin Redentôr); 1907 al rive a Basandiele Giovanni Battista Mecchia, muredôr, nassût tal 1881 a Davâr (Fantini e Romanello, 2002).
[TS] tecn. (ponte di trapin di açâl par forâ il len)