Hai cercato la parola
bilingue monolingue
Hai cercato la parola
mormorio
Torna indietro

bilingue

mormorio
  • 1

    s.m. murmui, mormorili Copia

    [CO] (un bruntulâ lunc, o un sunsûr debil, continui e plasevul)
    era romantico stare seduti sulla spiaggia e ascoltare il mormorio delle onde che si infrangevano sugli scogli = al jere romantic stâ sentâts su la splaze e sintî il murmui oppure il mormorili des ondis che a batevin sui scois

    s.m. murmuiament, cisicament, bruntulament Copia

    (rumôr bas di une o plui vôs umanis e che no si rivin a distingui)
    in classe c'è un continuo mormorio durante la lezione = te classe al è un cisicament oppure un murmuiament continui vie pe lezion
  • 2

    s.m. vôs, murmuiament, peteç, cjacare, peçot, babeç Copia

    [BU] (vôs che si conte ator)
    sul tuo conto ho sentito diversi mormorii = su di te o ai sintût plui murmuiaments oppure cjacaris

monolingue

cjacare s.f.
(cja-ca-re)
Massime tal pl., discors di pocje impuartance, fat par passâ il timp
sinonimi
babade, babeç, cjacareç, naine, peteç, cjacarade, tabaiade
esempi
"no mi va di misturâmi a cierte int parcè che lis lôr cjacaris no mi interessin pont e cussì mi cjati dispès a zirâ di bessôl"
da "Sense" di Checo Tam
"mari sante, cetantis cjacaris che al mi à fatis!"
da "Lis predicjis dal muini" di Josef Marchet
"une di chês zornadis plenis di fastidis e di cjacaris che a sglonfin cence cumbinâ nuie"
da "Interès malandret" di Pieri Somede dai Marcs
"fasile curte, Orgnan! O soi stuf di scoltâti! La tô cjacare mi jemple dut chest univiers..."
da "Sense" di Checo Tam
cjacare s.f.
(cja-ca-re)
Notizie no vere o no confermade che si dîs ator
sinonimi
bale, bausie, bufule, luianie, pantiane, peteç, pitintane, sflandogne, sflocje
esempi
"in paîs si sunsurave che al ves puartât incà un tesaur di aur; e intor di cheste cjacare a vevin ricamât une vore"
da "Trê feminis" di Gianni Gregoricchio
"[te biele stagjon] lis primis sagris, int che si maridin, oms che a partissin pe Gjermanie. Forsit la ultime stagjon, pes cjacaris di vuere che si sintin"
da "Par stradis lungjis" di Alan Brusini
cjacare s.f.
(cja-ca-re)
Robe che si dîs daûr di cdn., ancje cun malignitât
sinonimi
babeç, chic, cic, cjampane, clamade, maldicence, mormorazion, passarat, peçot, peteçarie, slengaçade, slengament, soflet, sunôr, ves, vesse, voghe, vôs
esempi
"lis cjacaris a disin che Clare e sarès cjapade di fuarte simpatie… che e sarès cuete…"
da "Vieri e gnûf" di Pieri Piçul
"a meti fûr la cjacare e jere stade Nene Carete une vedrane lengone e triste"
da "I siops" di Pieri Menis
"cuant che e salte fûr une cjacare sul plevan, ancje i plui catolics a disin suspirant che «di nuie nol ven nuie» e «se la int e cjacare, alc di vêr al scuen jessi»"
da "Sant Jacum, là che al finìs il mont" di Antoni Beline
cjacare s.f.
(cja-ca-re)
Facilitât di peraule, buine fevele
sinonimi
batule, bardele
esempi
"al à une cjacare che al podarès fâ l'avocat"
proverbi
"a lis cjacaris des feminis no si abade"
"a valin plui i fats che no lis cjacaris"
"cjacare no pas gjat"
"cjacaris no fasin lasagnis"
"cjacaris no passin"
"cu lis cjacaris no si conclût nuie"
"cu lis cjacaris no si jemple i budiei"
"cu lis cjacaris no si jemple la panze"
"cu lis cjacaris no si paie debits"
"fâs ce che tu âs di fâ e lis cjacaris de int no stâ abadâ"
"feminis e passaris un grant scjalâr di cjacaris"
"l'om si cognòs cui fats e no cu lis cjacaris"
"l'om si scuvierç cui fats e no cu lis cjacaris"
"la panze no si implene cu lis cjacaris"
"lis cjacaris lungjis a fasin la gnot curte"
"pocjis cjacaris e putrops fats"
"tropons a son amîs a cjacaris e pôcs a fats"
Torna in Cima
Torna in Cima