Cognon une vore difondût e cuntun significât clâr di “persone cu la piel scure" o “cui cjavei neris".
Come non di persone al è documentât tal NA cuntun Moro stacionarius. Tal 1422, a Cividât, Mathia lu Moro si ha dat quinç di vin pignol XVII e selo uno e 1⁄2...
Al è une vore rapresentât a Udin, Pordenon, Vildiflum, Puart, Çarvignan, Lignan, Cordenons, Cjaurlis, Codroip (i Moro di Basandiele di Cjampfuarmit a son rivâts tal 1889 cun Santo Moro di Passarian tal comun di Codroip), Sudri e Priôle (1692 messer Zuanne Moro giuratto dell’onorando comune di Nojarys); avonde frecuent a Gruâr, Sacîl, San Vît dal Tiliment, Tumieç, Trep di Cjargne, Paulâr, Montenârs (documentât dal 1591), San Stin, e vie indenant.
Pe Cjargne, Puntel 1998 al scrîf: “La esistence de famee Moro e je documentade a Liussûl, so lûc di origjin, fin de fin dal secul XIV. Di fat, fin dai prins agns dal 1400 o cjatìn un esponent intun at notarîl dal presbiteri Stefano q. Francesco di Resiutta, vicjari di San Denêl di Paluce. In chest manuscrit a son tant che testemonis Iacobus filius Mori et Iacobus q. Murucutti de Ligosulo. Ducj i Moro presints in Cjargne a àn un antentât comun leât propit a cheste famee. Tal 1655 Agostino Moro da Cueste si trasferìs, cu la femine, di Liussûl a Trep, dant cussì origjin ai Moro di cheste localitât. I Moro di Sudri e Priôle a son i dissendents di Pietro Moro che tor dal 1660 di Liussûl si jere stabilît a Sudri. I Moro a son vignûts jù di Paluce in plui moments, massime tai secui XV e XVI, e li a àn dât vite a une des fameis plui numerosis e sioris dal puest: cumò no son plui, ma cualchi lôr dissendent si lu cjate a Tumieç".
A Glemone tal 1571 Joannes Baptista filius Leonardi vocato lo Moro, tal 1584 Jacobi More de villa Sutri contrade Carnea (Tomat, 2001). ... La famee Moro di Liussûl e je stade ancje protagoniste di une vicende storiche e economiche impuartante che e met in evidence il snait e la voie di fâsi un avignî miôr ancje lontan dal paîs li che a jerin nassûts. Di fat, tal '700, in Cjargne, tal setôr tessil nol jere puest par gnovis ativitâts imprenditoriâls di là di chê di Jacopo Linussio, che si jere za afermade. Cussients de realtât locâl e determinâts a valorizâ e a meti in vore lis lor abilitâts e competencis te fabricazion des stofis, i doi fradis Cristoforo e Giovanni a emigrin in Austrie tal 1779 e tal 1784 in Carintie a vierzin une fabriche che e darà un grant sburt a dute la industrie tessile austriache. Po dopo, la fabriche e vignarà trasferide di Klagenfurt a Viktring e chest al puartarà a une produzion di nivel industriâl. E jere tant impuartante che l’imperadôr Francesc Josef al de ae famee plui ricognossiments nobiliârs (Puntel, 1998).
I cognons che a fasin part dal stes cjamp semantic a son une vore difondûts. Ancje Màuro al pues stâi dentri, magari a la largje: il non di persone che al à dât il cognon al sarà stât peât ae "simpatie" par cualchi San Mauro ma, in principi, Maurus al jere etnic o sorenon di persone (come Moro plui tart). Compagn par Màur, Màuri, Màurig, Maurino, Maurutto. Il non Mauritius, che di chel al ven il personâl Maurizio, ancjemò difondût, e ancje il cognon identic, al è un derivât di Maurus (San Maurizi al è stât un martar tal secul III). No son, invezit, influencis di gjenar agjionimic tai tancj Negro, Negri, Negretti, Del Negro, Neri, Del Nèri, ducj cuntun progjenitôr che si jere vuadagnât il sorenon par vie che al veve une piel di colôr mediterani. Compagn, cela va sans dire, pai francês Negron, Néret, Nérot, Nègre, Noir, Noiret (simpri di là des Alps o cjatìn Moris, Mauris, Meuris, Morize, Morice, Morisse, Murice, Maurin, Morin, Moreil, Morelle, Morille, e v.i.).
E clâr, anzit of course, pai britanics Black, Blackie, Blake, Blakey, e vie indenant; ancje di là dal Canâl, aben che a la largje, a son i derivâts di Maurus; o citìn Moor, Moore, Morrell, Morris cu la variante Morse, Morrison.
Plui dongje di nô, dilunc dal confin orientâl, o cjatìn Cernèt, Cernétig, Cernic, Cérnigoi, Cerno, Cernóia, Cernòtta e l’ ibrit Moriélaz. Infûr che l'ultin, che al à une base (neo)latine, si puedin assimilâ ducj ai cecs Cerny e Cernik. Tra i cognons todescs Schwartz, Schwarz, Schwarzkopf.
E o podìn sierâ cuntune sinfonie di Moro: Moràs, Morassi, Morassùt, Morassutti, Morassutto, Moratti, Moratto, Morelli, Morello, Morés, Morét, Moretti, Morettìn, Moretto, Morettón, Moretuzzo, Mori, Moriélaz, Morìn, Morini, Morinelli, Morossi, Moruzzi...
fonts
1463 Antonius q. Johannis Mor de Luusulo (o Lurisulo) Canalis S. Petri Carnea, in Zuglio (ASU CRS 847/1); 1468, ai 22 di Avost ... fatta perciò una rigorosa inchiesta con processo in Pordenone, fu con decreto di Cristoforo Moro, diretto al luogotenente di Udine delegato, commessa la restituzione della roba predata e l’invio a Venezia dei predoni... (Candiani 1902); 1536, ai 28 di Març Angelo del Moro q. Giac. de Livussul = Ligosullo compra biade a S. Daniel (ANU 3902); 1543 Jacomo detto Moro et Bortolomio detto Bottan F.lli e figlioli del q. Falcomer del Barbier da Chions, cedono ai nobb. Panigai Terra posto in loco detto La del Maian (ASU Panigai 215); 1548 Sebastiano Moro f. di Ser Bernardino q. Ser Vitale de Locatellis da Bergamo abit. Codroipo – notaio (AB); 1557 Agostino Moro da Cividale – trombetta del Provveditore (Osp.242); 1557, ai 26 di Avost dott. Patrizio Moro abit. Venezia affitta terre in Concordia (ACR 479); 1564, ai 2 di Jugn Pietro Galant di Giac. di Percût adun cun Gio. Maria Moro dal stes paîs, par vê robât vin al nobil Fabricio della Frattina, a vegnin condanâts “a star appesi per le mani alla finestra della Curia, con due boccali al collo ciascuno e la domenica dalla mattina a mezzodì a star legati a un albero sulla piazza di Percoto con detti boccali al collo” (Fantini e Romanello, 2002); 1573 Meni Moro de Udene fittuale Coo. Ottelio (ASU Romano 5); 1575, ai 3 di Dicembar Antonio figlio di Leonardo detto Moro da Ligosullo (Filze); 1578 Dario di Pietro q. Bernardino Moro da Codroipo non vuol sposare Valentina Mazzoleni di Sebastiano (Filze); 1579 Ser Zanella Moro fittuale della Fraterna di S.ta Maria dei Battuti di Codroipo (ASU CRS 191/7); 1582, ai 28 di Novembar Ser Odorico del Mor q. Ser Floreano di Paluzza – testa – legati alla moglie in secondi votis Caterina – erede la figlia Margarita “magris intellectus” purchè assista il figlio Leonardo e la figlia Colussia nati scemi che non sapevan neppure parlare, ai quali destina dei beni se essa non penserà (Filze); 1593 Rev. Baptista Moro di Meriano (ACAU 716/2); 1599 Culau di Menia della Mora di Sequals fitt. nobb. Spilimbergo (ASU Spil. I part 33); 1599, ai 20 di Avrîl Ursula del Moro da S. Martino di Valvasone accusata di necromanzia (ACAU – Inc. pr. 360); 1605, ai 19 di Març Margherita Moro da Pordenone accusata di magia terapeutica e amorosa (ACAU – Inc. pr. 579); 1609 Matthio di Mor di Faijplano, teste (ASU Barnaba 19.15); 1624 Iacomo di Dom. q. Iacomo q. Andri del Moro di Ligosullo sp. Aloisia q. Costantino Molinaro di ivi (Filze); 1626, ai 21 di Fevrâr Rugier Moro da Cordovado accusato di magia (ACAU – Inc. pr. 834); 1626 Valintina Mora (o Moro), fittuale in Zompicchia del Monastero di S.ta Maria di Aquileia (ASU CRS 60); 1632 Francesco del Moro fittuale in Panigai dei nobb. Panigai (ASU Panigai 7); 1633 Steffano di Domenego Moro da Blessano (A.P. Vissandon); 1638 Sebastiano q. Ser Mattio del’Angelo d.° Moro di Marsuris (ASU CRS 277/1); 1639, ai 19 di Setembar Sig. Giovanni Carrara già custode delle carceri sul castello Udine – sua moglie donna Fabiana esige £ 110 da don Pietro Moro di Paluzza per spese fatte mentre era in carcere (Patriarcalis); 1642 Andrea del Moro decano in Vicinia di Varmo (ASU Perusini 703.1); 1643 divisione tra Ser Val., Carlo, Pietro e Franc. f.lli Moro da Udine borgo Villalta (ACR 758/1); 1643, ai 21 di Avost Sig. Nicolò q. Sig. Girolamo Moro da S. Daniele compera mangano in Udine androna Ospedale per duc. 1400 da Sig. Bernardo Narno manganer di Venezia (ACR 761/2/11); 1654 Agostino di Leonardo q. Agostino Moro sp. Domenica da Riu di Cercivento (Filze); 1655, ai 29 di Avost don Domenico di G. Batta Moro di Paluzza eletto dal Consiglio delle Ville della pieve parr. di Paluzza (Filze); 1678 Zuanne del Moro d’Istrago, teste in Tesis (ASU CRS 521); 1679 Ser Giacomo Moro, debitore Fraterna B.V. del Carmine di Latisanotta (ASU CRS 250/3); 1679 Maso di Zuanne Moro dell’Abbazia di Sumaga, in Cinto (ASU CRS 498/2); 1681 Bernardin Moro detto il Bastardo di Prodolon fitt. nobb. Colloredo (ASU Coll.-Mels III part 23); 1685 Andrea q. Marin Moro di Coja, teste in Tarcento (ASU CRS 516); 1687 Antonio Moro notaio da Codroipo (ASU); 1689, ai 8 di Lui Sig. Gio. Batta Foresti da Venezia – in lite col Sig. Mattio Moro da S. Vito al Tagliamento (Civilium); 1702 Antonio Giorgio Moro, cameraro della Fraterna di S.ta Maria della Neve di Pontebba Veneta (ASU CRS 352); 1702 Franc. q. Steffano Moro di Blessano, debitore nobb. Zucco (ASU Zucco 27); 1706 Marco Moro oste nella Villa di Felettis acquista Vino dai nobb. Colloredo (ASU Perusini 691.12); 1709 m.° Zuanne del Moro di Travesio, teste in docum. della Chiesa della B.V. del Carmine di Toppo (ASU CRS 523); 1710 Mistro Pietro Moro di Udine, teste in Ravosa (ASU CRS 401/1); 1715 Domenica di Giuseppe q. Franc. q. Giac. Moro di S.M. Sclaunicco sposa Giac. di Pier Antonio Gomboso (Filze); 1718 Marco Moro, cameraro Fraterna di S. Valent. di Felettis (ASU CRS 220/4); 1718 M.° Zuanne Moro di Tavagnaco, Priore Fraterna B.V. di Consolazione di Reana (ASU CRS 401/2); 1728, ai 5 di Avrîl don Nicolò Moro da Sutrio curato di Sigilletto – eletto parroco di Sutrio (Filze); 1732 m.° Zuane et Angeli del Moro di Tavagnacco (ASU CRS 518); 1738 Daniel Moro di Udine acq. Botte Vino da Fam. Martina (ASU Martina 551.7); 1747 Giuseppe Moro notaio e perito pubbl. di S. Vito al Tagl. e cancelliere di Sesto (AB); 1752 Sig. Pietro Moro q. Zaccaria della Vicinia di S. Paulo (ASU CRS 447); 1753 m.° Carlo Moro q. Antonio, cameraro Fraterna B.V. dei Battuti di Tarcento (ASU CRS 514/4); 1753 Antonio Moro, gastaldo in Barcis (ASU CRS 25); 1756 Dom.co q. Gio. Maria Moro di Bevorchia, fittuale Chiesa SS. Maria a Giuliana di Aviano (ASU CRS 16); 1763 Giuseppe Moro, Esattore Fraterna della B.V. di Gruaro (ASU CRS 248); 1763 Nadal Moro d’Anni 40 da Cusano ora abit. in Marzine (ASU Perusini 725.2); 1764 al mûr l’abât, gjeolic e educadôr Anton Lazzaro Moro. Al jere nassût a San Vît dal Tiliment tal 1687 (Angelillo 2002); 1773 Sig. Franc. Moro, Gastaldo Fraterna B.V. Carmine Portogr.° (ASU CRS 386/1); 1776 Gio. Pietro Moro q. Pietro notaio da Sutrio (ASU); 1780 Pietro e Gius. Moro fittuali in Percotto dei nobb. Caiselli (ASU Perusini 274); 1780 Venanzio e Pietro Moro in Borgo Villalta di Udine, fittuali nobb. Caiselli (ASU Perusini 274); 1783 Rev. Matteo Moro oriundo del Fortilizio di Palma, Paroco di Perteole, afferma “Num.° dei Fanciulli incapaci della S. Comunione 400 c. Num.° degli Adulti 850 c.” (e sarès la sume des Animis di Parteulis 528, Sacîl 469, Alturis 172, Mortesinis 157); 1815 Bernardo Moro di Vincenzo nato in Tavagnacco nel 1789, agricoltore, sposa Anna Gregorina figlia di Pietro Gregorino da Tavagnacco (A.P. Reane dal Roiâl); 1815 Gio. Battista Urli nato in S. Maria Sclaunico nel 1784, figlio di Giacomo Urli da Bilirs e qui domic., agricoltore possidente, sposa Giacoma Moro di Leonardo nata nel 1789 a S. Maria Sclaunico, villica (A.P. Sante Marie di Sclaunic); 1815 Lucia Zecchini di Pietro nata nel 1794 in Palma, Donna di Famiglia, sposa Domenico Moro nato in S. Lorenzo nel 1795, Marangone domic. in questa Fortezza, figlio di Valent. Moro agricoltore di Feletis (A.P. Palme); 1817 Giovanna Farra di Biagio agricoltore da Chiasottis, sposa Valentino Moro di Giovanni da Felettis domic. a Bicinicco (A.P. Risan); 1818 Angelo Moro di Pietro Moro detto Tonet, Villico di Forminiga, domic. a Castel Roganzuolo, sposa Domenica Benedetti di Santo detto Ros da S. Cassiano domic. a Sacile (A.P. Sacîl); 1823 i Moro a son presints a Cjanive, oriunts di Brugnere e di Davian (Luchini 1997); 1889 al rive a Basandiele Santo Moro di Pietro, manovâl, nassût a Passarian di Codroip (Fantini e Romanello, 2002); 1904 al rive a Cjampfuarmit Antonio Moro fi di Angelo, nassût tal 1869 a Pasian Sclavanesc (Fantini e Romanello, 2002); 1933 Antonio Moro di Domanins, oriunt di Fossalte de Plâf (Luchini 1982).
[TS] stor. (dai Môrs)