Hai cercato la parola
bilingue monolingue
Hai cercato la parola
parola
Torna indietro

bilingue

parola
  • 1a

    s.f. peraule Copia

    (realizazion fonetiche di chê unitât)
    fatica a pronunciare bene le parole che non conosce = al fâs fature di pronunziâ ben lis peraulis che nol cognòs
    mangiarsi le parole = mangjâsi lis peraulis

    s.f. peraule Copia

    (rapresentazion grafiche di chê unitât)
    qualsiasi parola scriviate, va controllata attentamente! = cualsisei peraule che o scrivês, e va controlade une vore ben!

    s.f. peraule Copia

    [FO] (unitât distinguibile intes frasis de lenghe scrite o fevelade)
    una frase di dieci parole = une frase di dîs peraulis
  • 1b

    s.f. peraule Copia

    [TS] (entitât di un o plui morfs, che la unitât des sôs silabis e je marcade, tes polisilabichis, dal acent, che e presente une libertât relative di setâsi dentri te frase, che no lasse che i jentrin altris entitâts analighis tal significant)
  • 2

    s.f. peraule Copia

    [FO] (discors che al à un intindiment precîs, fat a une persone par convincile di alc)
    basterà una parola e lo convinceremo = ancjemò une peraule e lu convinçarìn
    dire una parola a favore di un amico = dî une peraule a pro di un amì

    s.f. peraule Copia

    (spec. tal pl., ce che si dîs, discors)
    le tue parole mi confortano = lis tôs peraulis mi dan cûr

    s.f. peraule Copia

    (in espressions che si doprin in circostancis particolârs par esprimi plasê, emozion grande e v.i.)
    non trovo le parole per esprimere il mio piacere di vederlo = no ai peraulis par pandi il gno plasê di viodilu
  • 3

    s.f. peraule, cjacare Copia

    [FO] (spec. tal pl., ce che si dîs, al contrari di ce che si fâs)
    da adesso fatti! Basta con le parole! = di cumò fats! Vonde cjacaris!

    s.f. peraule, cjacare Copia

    (tabaiade)
    non mi lasciava venir via, mi ha ubriacato di parole = no mi lassave vignî vie, mi à incjocât di cjacaris
  • 4

    s.f. peraule Copia

    (cun riferiment ae religjon cristiane, toc dal Vanzeli)
    parola del Signore = peraule dal Signôr

    s.f. peraule Copia

    [FO] (insegnament)
    è sempre un piacere sentire le parole di quel professore = al è simpri un plasê scoltâ lis peraulis di chel professôr
  • 5

    s.f. peraule, lenghe Copia

    [FO] (facoltât di tabaiâ)
    avrai mica perso la parola? = no tu varâs mighe pierdude la lenghe?
    gli manca solo la parola = i mancje dome la peraule
  • 6

    s.f. peraule Copia

    [FO] (mût, capacitât di esprimisi)
    avere la parola sempre pronta = vê la peraule simpri pronte
  • 7

    s.f. peraule Copia

    [FO] (espression libare di ce che si pense)
    all'opposizione viene data la libertà di parola = ae oposizion i ven dade la libertât di peraule oppure di fevelâ

    s.f. peraule Copia

    (pussibilitât di intervignî intune cunvigne, intune assemblee, e v.i.)
    al consigliere venne concesso di prendere la parola per difendersi = al conseîr i fo dât il permès di vê la peraule par difindisi
  • 8

    s.f. peraule Copia

    [FO] (mot)
    non una parola, con alcuno! = no une peraule, cun dinissun!
  • 9

    s.f. peraule Copia

    [FO] (promesse)
    hai la mia parola = tu âs la mê peraule
    non mi sono rimangiato la parola nemmeno per un secondo = no ai tirade indaûr la peraule nancje par un secont
  • 10

    s.f. peraule Copia

    [TS] (sucession di bit, considerade tant che une unitât singule te memorie)

locuzioni

    avere una sola parola
  • jessi di peraule, vê dome une perauleCopia
    [CO] (tignî la peraule, tignî lis promessis)
    c'è da fidarsi, è un uomo che ha una parola sola = al è ce fidâsi, al è un om di peraule
    • buona parola
  • buine perauleCopia
    (racomandazion)
    un santo in paradiso ha messo una buona parola per lui = un santul al à metude une buine peraule par lui
  • buine perauleCopia
    [CO] (une peraule afetuose)
    ha sempre una buona parola per tutti = al à simpri une buine peraule par ducj
    • di parola
  • di perauleCopia
    [CO], [TS] (di cdn. che al manten la peraule)
    è un uomo di parola = al è un om di peraule
    • in parola
  • in perauleCopia
    [CO] (in acuardi cun cdn.)
    è in parola con gli amici per aiutarli = al è in peraule cui amîs par judâju
  • che si feveleCopia
    [CO], [TS] (che si è daûr a tabaiâ)
    la persona in parola è appena entrata = la persone che si fevele e je a pene jentrade
    • in una parola
  • in curt, in fin dai fats, intune perauleCopia
    [CO] (cence tantis peraulis)
    in una parola, me ne vado! = in curt, o voi vie!
    • l'ultima parola
  • la ultime perauleCopia
    [CO], [TS] (decision definitive, finâl)
    l'ultima parola sulla questione tocca al presidente = la ultime peraule su la cuistion i tocje al president
    • liturgia della parola
  • liturgjie de perauleCopia
    [TS] (part de messe là che si lein lis leturis)
    • mancare di parola
  • mancjâ di perauleCopia
    [CO] (no mantignî une promesse)
    • mettere la parola fine
  • meti finCopia
    [CO] (fâ terminâ in mût definitîf)
    mettere la parola fine a una relazione = meti fin a une relazion
    • mezza parola
  • mieze perauleCopia
    [CO] (peraule dite a mieç, tant che alusion)
    gli è sfuggita una mezza parola su quello che sta tramando = i è scjampade une mieze peraule su ce che al è daûr a filâ
    • nel vero senso della parola
  • tal sens vêr de peraule, in peraule, pardabonCopia
    [CO] (par visâ che une cualitât atribuide a cdn. o a alc no je metaforiche ma reâl, e par dâ fuarce a une afermazion)
    è un ladro nel vero senso della parola = al è un lari pardabon oppure tal sens vêr de peraule è un tipo sveglio, nel vero senso della parola! = al è une persone sveade, peraule!
    • non dire una parola
  • no dâ un cic, no di nuieCopia
    [CO] (tasê)
    mentre parlavo non ha detto una parola = intant che o cjacaravi nol à dât un cic oppure nol à dite nuie
    • non fare parola
  • no fâ peraule, no dî un cic, no vierzi bocjeCopia
    [CO] (fâ di mancul di fevelâ di alc)
    non ho fatto parola su quello che mi hai riferito = no ai dit un cic su ce che tu mi âs contât
    • parola d'onore
  • perauleCopia
    (ancje tant che esclamazion)
    parola d'onore! = peraule mê!
  • perauleCopia
    [CO] (promesse)
    dare la propria parola d'onore = meti la sô peraule
    • parola d'ordine
  • peraule di ordin, sprocCopia
    (frase che e pant une intese, un acuardi)
    la parola d'ordine era combattere fino all'ultimo = la peraule di ordin e jere lotâ fin ae fin
  • lose, peraule di ordinCopia
    [CO] (frase che e covente tant che segnâl di ricognossiment tra militârs)
    • parola grammaticale
  • [TS] (vedi parola vuota)
    • parola magica
  • peraule magjicheCopia
    [CO] (ancje fig.)
    la parola magica con lui è 'per piacere' = la peraule magjiche cun lui e je 'par plasê'
  • peraule magjicheCopia
    [CO] (peraule doprade par fâ striaments)
    • parola per parola
  • par fîl e par pont, pont par pont, peraule par perauleCopia
    [CO], [TS] (compagn di cemût che lu àn dit)
    ripetimi tutto, parola per parola = torne a dîmi dut, peraule par peraule
    • parola piena
  • peraule pleneCopia
    [CO], [TS] (peraule de categorie dai nons, adietîfs, verps, pronons e averbis tes lenghis flessivis, che a àn significât autonom, che nol dipent de posizion te frase)
    • parola vuota
  • peraule vueide, peraule gramaticâlCopia
    [CO], [TS] (peraule che no à un significât autonom ma dentri de frase e à une funzion prin di altri sintatiche tant che la coniunzion e la preposizion)
    • passare parola
  • passâ perauleCopia
    [CO], [TS] (dî a un altri alc che si à savût e che si vûl fâ cognossi, par che lu disin a altris ancjemò)
    • prendere in parola
  • cjapâ in perauleCopia
    [CO] (crodi, fidâsi)
    • sulla parola
  • su la peraule, in perauleCopia
    [CO] (fidantsi dome di une promesse verbâl)
    se fosse per me ti crederei sulla parola! = se al fos par me ti crodarès su la peraule!

monolingue

peraule s.f.
(pe-rau-le)
Singule unitât intes frasis de lenghe scrite o fevelade, che si pues distingui di chês altris stant che e à un significât e une funzion
esempi
"Minut, inglotint la salive e sbassant il cjâf, al leiè [...] e ogni peraule de cjarte e di Minut si incjarnave tun moviment de muse di Cuesim"
da "La aghe da pît la cleve" di Dino Virgili
"par meti in vore lis primis fasis dal progjet si à destinât di rivâ a etichetâ un corpus di prove di 100.000 peraulis"
da "La elaborazion di un corpus etichetât de lenghe furlane scrite: esperiments e prospetivis" di Sandri Carrozzo, Franz Feregot
Vedi anche: paraule
peraule s.f.
(pe-rau-le)
Discors, fevelade, spec. cun ciertis carateristichis o cun cierts intindiments, specificâts o che si capissin dal contest
sinonimi
dit
esempi
"mai une barufe o une peraule stuarte, un matrimoni fortunât"
da "Come tai romançs" di Alan Brusini
"simpri tal mieç di ducj, poiât al so baston, e simpri une peraule par ducj"
da "Cjase di Dalban" di Maria Forte
"Matia, Matia, al à rason. Diseit vû na peraula! Diseitghi che i Turcs a no stan ducju insiemit, ma che a si dividaran in tancju scjaps [...]"
da "I Turcs tal Friûl" di Pier Paolo Pasolini
peraule s.f.
(pe-rau-le)
Spec. tal pl., ce che si dîs, al contrari di ce che si fâs
sinonimi
cjacare
esempi
"[il guvier] al varès di fâ mancul sunsûr e plui lavôr (mancul peraulis e plui fats)"
da "La scrassigne" di Josef Marchet
peraule s.f.
(pe-rau-le)
Ce che si dîs par insegnâ, conseâ e v.i.
sinonimi
inscuelament, insegnament, consei
esempi
"tu puedis dâur un messaç, une peraule, un piçul insegnament che a tignaran a ments"
da "Faliscjis" di Cristina Noacco
"[sant Zuan] lu àn metût in preson, i àn taiât il cjâf, ma la sô peraule e je restade"
da "La rosade di sant Zuan" di Catarine Percude
peraule s.f.
(pe-rau-le)
Facoltât di fevelâ
sinonimi
fevele, vôs
esempi
"vigniva fûr spissulant un fîl di aga che al colava sui claps e pareva che al fevelàs; ma propria, savêso, come che al ves vût la peraula"
da "Catinuta" di Ugo Pellis
peraule s.f.
(pe-rau-le)
Espression di ce che si pense
esempi
"libertât di peraule, di pinsîr e di stampe"
da "Cuintristorie dal Nûfcent 1940-1950" di Angelo Floramo
peraule s.f.
(pe-rau-le)
Informazion, ancje a pene motivade, aprossimative, no complete
esempi
"e veve un ciert mût di cjalâmi come par motivâ: «Bocje tâs!… No une peraule su chel che ti ai contât. Che al resti un segret jenfri di nô.»"
da "Il dolfin" di Carlo Sgorlon
peraule s.f.
(pe-rau-le)
Il dî che si fasarà alc, che si rispietarâ un pat e v.i.
sinonimi
promesse, impegn
esempi
"i trê delegâts che a jerin lâts a fevelâ cun lui i vevin dade la peraule che no varessin fatis dimostrazions di proteste"
da "Memoriis di politiche linguistiche" di Adrian Cescje
"e infin farai del dut, ti doi peraule, / che tu seis ben tratât e ben servût"
da "A Tite Bas conseîr di Paulâr" di Pieri Çorut
proverbi
""se" e "ma" e "cuissà", a son trê peraulis di ponderâ"
"a bon intindidôr, pocjis peraulis i bastin"
"a valin plui i fats che no lis peraulis"
"ancjemò su lis peraulis no son dazis ni tassis"
"bielis peraulis e cjatîfs fats a incjanin savis e mats"
"cu lis bielis peraulis e i bruts fats si ingjane savis e mats"
"cu lis bielis peraulis no si jemple la panze"
"cuntune peraule si po ofindi"
"dulà che al sta un pan e sta ancje une peraule"
"dulà che e sta une bocjade di pan e po stâ ancje une peraule"
"dutis lis letaris no van a la pueste, dutis lis peraulis no mertin rispueste"
"i umign si cjapiju pe peraule, i bûs pai cuars"
"la miôr e la piês robe e je la peraule"
"la peraule che e scjampe e sa indulà che e va"
"la peraule e fâs l'om"
"la peraule e je chê che e vâl"
"la peraule e svole, la cjarte e reste"
"lis feminis si leilis pe peraule, lis vacjis pe cjadene"
"lis peraulis a son des feminis, i fats a son dai umign"
"lis peraulis a son feminis, i fats a son umign"
"mancul peraulis e plui fats"
"mieze la robe e sta te peraule"
"miôr tasê che no vê la peraule vueide"
"no si pense mai a dutis lis peraulis che si dîs"
"ogni peraule no merte rispueste"
"peraulis e blestemis no fasin pôre"
"prin di dî une peraule, bisugne bati la ale tant che il gjal"
"une peraule ben dite e juste une malegracie mâl fate"
"une peraule des voltis e coste cjare"
"une peraule e tire chê altre"
Torna in Cima
Torna in Cima