Tu âs cirût la peraule
monolengâl
torne indaûr

monolengâl

cjacare s.f.
(cja-ca-re)
Massime tal pl., discors di pocje impuartance, fat par passâ il timp
sinonims
babade, babeç, cjacareç, naine, peteç, cjacarade, tabaiade
esemplis
"no mi va di misturâmi a cierte int parcè che lis lôr cjacaris no mi interessin pont e cussì mi cjati dispès a zirâ di bessôl"
gjavât fûr di "Sense" di Checo Tam
"mari sante, cetantis cjacaris che al mi à fatis!"
gjavât fûr di "Lis predicjis dal muini" di Josef Marchet
"une di chês zornadis plenis di fastidis e di cjacaris che a sglonfin cence cumbinâ nuie"
gjavât fûr di "Interès malandret" di Pieri Somede dai Marcs
"fasile curte, Orgnan! O soi stuf di scoltâti! La tô cjacare mi jemple dut chest univiers..."
gjavât fûr di "Sense" di Checo Tam
cjacare s.f.
(cja-ca-re)
Notizie no vere o no confermade che si dîs ator
sinonims
bale, bausie, bufule, luianie, pantiane, peteç, pitintane, sflandogne, sflocje
esemplis
"in paîs si sunsurave che al ves puartât incà un tesaur di aur; e intor di cheste cjacare a vevin ricamât une vore"
gjavât fûr di "Trê feminis" di Gianni Gregoricchio
"[te biele stagjon] lis primis sagris, int che si maridin, oms che a partissin pe Gjermanie. Forsit la ultime stagjon, pes cjacaris di vuere che si sintin"
gjavât fûr di "Par stradis lungjis" di Alan Brusini
cjacare s.f.
(cja-ca-re)
Robe che si dîs daûr di cdn., ancje cun malignitât
sinonims
babeç, chic, cic, cjampane, clamade, maldicence, mormorazion, passarat, peçot, peteçarie, slengaçade, slengament, soflet, sunôr, ves, vesse, voghe, vôs
esemplis
"lis cjacaris a disin che Clare e sarès cjapade di fuarte simpatie… che e sarès cuete…"
gjavât fûr di "Vieri e gnûf" di Pieri Piçul
"a meti fûr la cjacare e jere stade Nene Carete une vedrane lengone e triste"
gjavât fûr di "I siops" di Pieri Menis
"cuant che e salte fûr une cjacare sul plevan, ancje i plui catolics a disin suspirant che «di nuie nol ven nuie» e «se la int e cjacare, alc di vêr al scuen jessi»"
gjavât fûr di "Sant Jacum, là che al finìs il mont" di Antoni Beline
cjacare s.f.
(cja-ca-re)
Facilitât di peraule, buine fevele
sinonims
batule, bardele
esemplis
"al à une cjacare che al podarès fâ l'avocat"
detulis
"a lis cjacaris des feminis no si abade"
"a valin plui i fats che no lis cjacaris"
"cjacare no pas gjat"
"cjacaris no fasin lasagnis"
"cjacaris no passin"
"cu lis cjacaris no si conclût nuie"
"cu lis cjacaris no si jemple i budiei"
"cu lis cjacaris no si jemple la panze"
"cu lis cjacaris no si paie debits"
"fâs ce che tu âs di fâ e lis cjacaris de int no stâ abadâ"
"feminis e passaris un grant scjalâr di cjacaris"
"l'om si cognòs cui fats e no cu lis cjacaris"
"l'om si scuvierç cui fats e no cu lis cjacaris"
"la panze no si implene cu lis cjacaris"
"lis cjacaris lungjis a fasin la gnot curte"
"pocjis cjacaris e putrops fats"
"tropons a son amîs a cjacaris e pôcs a fats"
torne sù