Tu âs cirût la peraule
bilengâl monolengâl
Tu âs cirût la peraule
parole
torne indaûr

bilengâl

parole s.f.inv.
  • 1

    s.f.inv. parole Copie

    [ES], [TS] ling. (te teorie di F. de Saussure, ogni at singolâr che al manifeste la langue, che al è il sisteme de lenghe cun dute la sô struture fonetiche, fonologjiche, morfologjiche, sintatiche e lessicâl)
  • 2

    s.f.inv. peraule, parole Copie

    [ES], [TS] zûcs (tal poker, formule che al dîs il zuiadôr che al lasse al compagn che i ven daspò il dirit di tacâ a tornâ a butâ sù)

locuzions

    arrotare le parole
  • fevelâ scussant i dincjCopie
    [BU], [CO] (fevelâ cu la bocje strete, cun ande di menace)
    • buttare le parole
  • straçâ flât, spaçâ flâtCopie
    [CO] (tabaiâ dibant)
    parlare con lui è come buttare le parole = tabaiâ cun lui al è tant che spaçâ flât
    • di poche parole
  • sut di peraulis, di pocjis peraulisCopie
    [CO] (di un, che al tabaie pôc)
    è sempre stato di poche parole = al è simpri stât sut di peraulis
    • dosare le parole
  • [BU], [CO] (cjale pesare le parole)
    • giocare con le, sulle parole
  • fâ zûcs di peraulisCopie
    [CO] (fevelâ cun alusions e zûcs di peraulis)
    non giocare con le parole, dimmi chiaramente quello che pensi = no stâ a fâmi zûcs di peraulis, disimi a clâr ce che tu pensis
    • gioco di parole
  • zûc di peraulis, zîr di peraulisCopie
    [CO] (peraulis cun sens dopli)
    • giro di parole
  • zîr di peraulisCopie
    [CO] (perifrasi)
    ha fatto tutto un giro di parole che non ho capito niente = al à fat dut un zîr di peraulis che no ai capît un dret
    • in altre parole
  • vâl a dî, ven a stâi, in altris peraulis, cun di dî, cun altris peraulis, cun peraulis diferentis, in peraulis diferentis, in altris tierminsCopie
    [CO] (disint cun peraulis diferentis)
    dire in altre parole = dî cun peraulis diferentis in altre parole abbandona l'impresa = ven a stâi che al mole sù dut
    • in parole povere
  • in struc, in pocjis peraulis, in cuatri peraulisCopie
    (cuant che si vûl sclarî ce che altris a àn cirût di no dî)
    in parole povere la questione è questa = in struc la cuistion e je cheste
  • in struc, in pocjis peraulis, in cuatri peraulisCopie
    [CO] (dit in mût sempliç e curt)
    dillo in parole povere = dilu in cuatri peraulis
    • largheggiare di parole
  • doprâ masse peraulis, fâ un stranfum di peraulis, no tignî la lenghe tra i dincjCopie
    [CO] (prometi alc cence jessi sigûrs di mantignîlu)
    molti politici sono soliti largheggiare di parole = tancj politics a son usâts a doprâ masse peraulis
    • le ultime parole famose
  • [CO] (par dî di une afermazion dineade dai fats)
    queste sono le ultime parole famose = chestis a son lis ultimis peraulis di Bortul
    • levare le parole di bocca
  • gjavâ lis peraulis di bocjeCopie
    [CO] (dî propit ce che un altri al jere par dî)
    la sua risposta mi ha tolto le parole di bocca = la sô rispueste mi à gjavât lis peraulis di bocje
    • parole crociate
  • peraulis in crôsCopie
    [CO] (zûc di enigmistiche, par solit doprât come passetimp)
    • parole grosse
  • peraulonisCopie
    [CO] (malis peraulis, insolencis)
    durante il comizio sono volate parole grosse = intal comizi a son svoladis peraulonis
    • parole incrociate
  • [CO], [TS] (cjale parole crociate)
    • pesare le parole
  • pesâ lis peraulisCopie
    [CO] (stazâ ce che si dîs, dî alc cun judizi)
    pesare le parole è buona regola quando ci si presenta in un ambiente nuovo = pesâ lis peraulis e je buine robe cuant che si va intun puest gnûf
    • prendere a male parole
  • cjapâ a malis peraulisCopie
    [CO] (svilanâ)
    • senza parole
  • a mût, cence peraulis, a la muteCopie
    [CO] (stât psicologjic di cui che denant di un event o masse biel o masse brut nol rive a dî ce che al volarès dî)
    sono rimasto senza parole = o soi restât cence peraulis
    • sprecare le parole
  • [CO] (cjale sprecare il fiato)
    • sprecare parole
  • [CO] (cjale sprecare il fiato)
    • togliere le parole di bocca
    troncare le parole in bocca
  • dâ su la perauleCopie
    [CO] (gjavâ la peraule a cdn. fevelant parsore)
    troncare le parole in bocca non è educazione = a dâ su la peraule no je educazion
    • vendere parole
  • vendi fumCopie
    [CO] (fâ discors, promessis e v.i. cence puartâju insom)
    • venire a parole
  • cjatâ peraulis, cjatâ da dîCopie
    [CO] (litigâ, discuti cun cdn.)
    è venuto a parole con la suocera = al à cjatât peraulis cun sô madone

monolengâl

peraule s.f.
(pe-rau-le)
Singule unitât intes frasis de lenghe scrite o fevelade, che si pues distingui di chês altris stant che e à un significât e une funzion
esemplis
"Minut, inglotint la salive e sbassant il cjâf, al leiè [...] e ogni peraule de cjarte e di Minut si incjarnave tun moviment de muse di Cuesim"
gjavât fûr di "La aghe da pît la cleve" di Dino Virgili
"par meti in vore lis primis fasis dal progjet si à destinât di rivâ a etichetâ un corpus di prove di 100.000 peraulis"
gjavât fûr di "La elaborazion di un corpus etichetât de lenghe furlane scrite: esperiments e prospetivis" di Sandri Carrozzo, Franz Feregot
Viôt ancje: paraule
peraule s.f.
(pe-rau-le)
Discors, fevelade, spec. cun ciertis carateristichis o cun cierts intindiments, specificâts o che si capissin dal contest
sinonims
dit
esemplis
"mai une barufe o une peraule stuarte, un matrimoni fortunât"
gjavât fûr di "Come tai romançs" di Alan Brusini
"simpri tal mieç di ducj, poiât al so baston, e simpri une peraule par ducj"
gjavât fûr di "Cjase di Dalban" di Maria Forte
"Matia, Matia, al à rason. Diseit vû na peraula! Diseitghi che i Turcs a no stan ducju insiemit, ma che a si dividaran in tancju scjaps [...]"
gjavât fûr di "I Turcs tal Friûl" di Pier Paolo Pasolini
peraule s.f.
(pe-rau-le)
Spec. tal pl., ce che si dîs, al contrari di ce che si fâs
sinonims
cjacare
esemplis
"[il guvier] al varès di fâ mancul sunsûr e plui lavôr (mancul peraulis e plui fats)"
gjavât fûr di "La scrassigne" di Josef Marchet
peraule s.f.
(pe-rau-le)
Ce che si dîs par insegnâ, conseâ e v.i.
sinonims
inscuelament, insegnament, consei
esemplis
"tu puedis dâur un messaç, une peraule, un piçul insegnament che a tignaran a ments"
gjavât fûr di "Faliscjis" di Cristina Noacco
"[sant Zuan] lu àn metût in preson, i àn taiât il cjâf, ma la sô peraule e je restade"
gjavât fûr di "La rosade di sant Zuan" di Catarine Percude
peraule s.f.
(pe-rau-le)
Facoltât di fevelâ
sinonims
fevele, vôs
esemplis
"vigniva fûr spissulant un fîl di aga che al colava sui claps e pareva che al fevelàs; ma propria, savêso, come che al ves vût la peraula"
gjavât fûr di "Catinuta" di Ugo Pellis
peraule s.f.
(pe-rau-le)
Espression di ce che si pense
esemplis
"libertât di peraule, di pinsîr e di stampe"
gjavât fûr di "Cuintristorie dal Nûfcent 1940-1950" di Angelo Floramo
peraule s.f.
(pe-rau-le)
Informazion, ancje a pene motivade, aprossimative, no complete
esemplis
"e veve un ciert mût di cjalâmi come par motivâ: «Bocje tâs!… No une peraule su chel che ti ai contât. Che al resti un segret jenfri di nô.»"
gjavât fûr di "Il dolfin" di Carlo Sgorlon
peraule s.f.
(pe-rau-le)
Il dî che si fasarà alc, che si rispietarâ un pat e v.i.
sinonims
promesse, impegn
esemplis
"i trê delegâts che a jerin lâts a fevelâ cun lui i vevin dade la peraule che no varessin fatis dimostrazions di proteste"
gjavât fûr di "Memoriis di politiche linguistiche" di Adrian Cescje
"e infin farai del dut, ti doi peraule, / che tu seis ben tratât e ben servût"
gjavât fûr di "A Tite Bas conseîr di Paulâr" di Pieri Çorut
detulis
""se" e "ma" e "cuissà", a son trê peraulis di ponderâ"
"a bon intindidôr, pocjis peraulis i bastin"
"a valin plui i fats che no lis peraulis"
"ancjemò su lis peraulis no son dazis ni tassis"
"bielis peraulis e cjatîfs fats a incjanin savis e mats"
"cu lis bielis peraulis e i bruts fats si ingjane savis e mats"
"cu lis bielis peraulis no si jemple la panze"
"cuntune peraule si po ofindi"
"dulà che al sta un pan e sta ancje une peraule"
"dulà che e sta une bocjade di pan e po stâ ancje une peraule"
"dutis lis letaris no van a la pueste, dutis lis peraulis no mertin rispueste"
"i umign si cjapiju pe peraule, i bûs pai cuars"
"la miôr e la piês robe e je la peraule"
"la peraule che e scjampe e sa indulà che e va"
"la peraule e fâs l'om"
"la peraule e je chê che e vâl"
"la peraule e svole, la cjarte e reste"
"lis feminis si leilis pe peraule, lis vacjis pe cjadene"
"lis peraulis a son des feminis, i fats a son dai umign"
"lis peraulis a son feminis, i fats a son umign"
"mancul peraulis e plui fats"
"mieze la robe e sta te peraule"
"miôr tasê che no vê la peraule vueide"
"no si pense mai a dutis lis peraulis che si dîs"
"ogni peraule no merte rispueste"
"peraulis e blestemis no fasin pôre"
"prin di dî une peraule, bisugne bati la ale tant che il gjal"
"une peraule ben dite e juste une malegracie mâl fate"
"une peraule des voltis e coste cjare"
"une peraule e tire chê altre"
torne sù
torne sù