Tu âs cirût la peraule
bilengâl monolengâl
Tu âs cirût la peraule
pensare
torne indaûr

bilengâl

pensare v.intr., v.tr., s.m.
  • 1

    s.m. pensâ Copie

    [FO] (dome tal sing., facoltât dal pinsîr)
    il pensare dà dignità = il pensâ al da dignitât

    v.tr. pensâ Copie

    (imagjinâ)
    pensa quanto sarebbe bello! = pense ce biel che al sarès!

    v.tr. pensâ Copie

    [FO] (esaminâ, scandaiâ cul pinsîr)
    ti penso ancora bambino = ti pensi ancjemò frut
  • 1a

    v.intr. pensâ Copie

    [FO] (doprâ la ment)
    l'essere umano pensa = l'om al pense
  • 1b

    v.intr. pensâ Copie

    [FO] (rifleti, meditâ)
    ci ho pensato un attimo e poi ho deciso di agire = i ai pensât sore un moment e po o ai decidût di agjî
    sono sempre di più le cose che costringono a pensare = a son simpri di plui lis robis che a oblein a pensâ

    v.intr. cjalâ, pensâ, viodi Copie

    (tes formis dal imperatîf, par riclamâ la atenzion su alc di particolâr)
    e io, pensa, non gli sono andato dietro come uno scemo?! = e jo, pense tu oppure no mo, no i soio lât daûr come un cocâl?!

    v.intr. pensâ Copie

    (vandi, stâ atent)
    pensarci due volte = pensâi sù dôs voltis
    senza pensarci due volte = cence pensâ sù dôs voltis

    v.intr. cjalâ, pensâ, viodi Copie

    (in loc.pragm., par pandi straneament, spec. cun significât soradin o polemic)
    ma pensa! = ma pense!
    pensa un po'! = viôt tu!

    v.intr. pensâ Copie

    (pensâ plui voltis e cun indurance)
    pensa e ripensa = pense che ti pense
    pensa e ripensa, ci sono arrivato = pense e sorepense, i soi rivât
  • 2

    v.tr. burî fûr, pensâ fûr Copie

    [FO] (cjatâ fûr, tramaiâ, urdî, mulinâ)
    che cosa avrà pensato questa volta per mettermi in difficoltà? = ce varaial pensât fûr cheste volte par metimi in dificoltât?
    una ne fa e cento ne pensa = une a 'nt fâs e cent a 'nt pense
  • 2a

    v.intr. pensâ, impensâsi Copie

    [FO] (vê tal cjâf alc o cdn.)
    a che cosa stai pensando? = ce sêstu daûr a pensâ?
    bisogna pensare al futuro = bisugne pensâ al futûr
    ti penso sempre = ti pensi simpri
  • 2b

    v.intr. pensâ, impensâsi Copie

    [FO] (ricuardâsi di alc o di cdn.)
    ai vecchi capita di pensare al tempo della giovinezza = ai viei ur capite di pensâ a cuant che a jerin zovins
  • 2c

    v.intr. pensâ, impensâsi Copie

    [FO] (imagjinâsi di alc che al à ancjemò di vignî)
    pensano già tutti alle ferie = a pensin za ducj aes feriis
  • 3a

    v.tr. pensâ, viodi, fâ calcul Copie

    [FO] (pensâ calcolant ogni pussibilitât)
    pensa bene ciò che devi affrontare = pense ben a ce che tu âs di frontâ

    v.intr. pensâ, viodi, stâ daûr Copie

    [FO] (ocupâsi di cdn., badâi)
    pensa tu all'idraulico, per favore = sta tu daûr dal idraulic, par plasê
  • 3b

    v.tr. pensâ, impensâsi Copie

    [FO] (ricuardâ, tignî a ments)
    pensa chi eri allora, e guardati adesso = pense cui che tu jeris in chê volte, e cjaliti cumò

    v.intr. fâ, pensâ, viodi, stâ daûr Copie

    [FO] (preocupâsi di alc, badâi)
    non fumare, pensa alla salute! = no stâ a fumâ, pense ae salût!
    pensa ai fatti tuoi! = fasiti i tiei fats!

    v.intr. viodi, stâ daûr Copie

    (proviodi)
    pensa alla cena, per favore = viôt de cene, par plasê
  • 3c

    v.tr. induvinâ, pensâ, fâ calcul Copie

    [FO] (previodi)
    gli esperti pensano che nel secondo trimestre le esportazioni cresceranno = i esperts a pensin che tal secont trimestri lis espuartazions a cressaran
  • 4

    v.intr. pensâ Copie

    [FO] (vê une opinion)
    che ne pensi? = ce pensistu di chê robe?
    non so che cosa pensare = no sai ce pensâ
    pensare male di un collega = pensâ mâl di un coleghe

    v.tr. pensâ, crodi, fâ calcul Copie

    [FO] (vê une opinion)
    penso che sia meglio stare zitti = o crôt che al sei miôr tasê

    v.tr. pensâ Copie

    (scrupulâ)
    non penso che si lascerà convincere = no crôt che si lassarà convinci

    v.tr. pensâ Copie

    (spietâsi)
    chi l'avrebbe pensato solo ieri! = cui lu varessial crodût ancje dome îr!

    v.tr. impensâsi, pensâsi Copie

    (ancje cu la particule pronominâl, cun valôr pleonastic)
    ma che cosa si pensava quell'ingenuo? = ma ce si impensavial chel biât?
  • 5

    v.intr. pensâ, fâ calcul Copie

    [FO] (fâ un progjet)
    pensa a un nuovo lavoro = al pense a di un altri lavôr
    pensavo ad andare al mare la prossima estate = o pensavi di lâ al mâr l'Istât cu ven

    v.tr. pensâ, fâ calcul Copie

    [FO] (destinâ, progjetâ)
    ha pensato di presentarsi all'esame nel primo appello = al à fat calcul di provâ l'esam tal prin apel

    v.tr. pensâ Copie

    (vê intenzion)
    pensavo di andare a parlarle, ma mi manca il coraggio = o pensavi di lâ a tabaiâi, ma no ai il fiât

locuzions

    dare da pensare
  • fâ bacilâ, dâ di pensâ, fâ pensâ, fâ pinsirâ, fâ boteCopie
    [CO] (preocupâ, fâ rifleti)
    che ultimamente si comporti sempre in modo scontroso, mi dà da pensare = che tai ultins timps al vedi simpri une ande rabiose, mi fâs pensâ è una ragazza che dà da pensare = e je une frutate che e fâs pinsirâ oppure che e fâs bacilâ
    • modo di pensare
  • mût di pensâ, pensâ, pensamentCopie
    [CO] (il mût di pensâ di un, il so estri mentâl)
    ha un modo di pensare che non mi piace = al à un pensâ che no mi plâs

monolengâl

viodi v.tr.
(vio-di)
Percepî cui voi, cul sens de viste, ancje cence intenzion e concentrazion precise
esemplis
"a pene bonât soreli, si viôt tal cîl parsore chei trê dincj che e scusse Mont Cjanine un piçul pont neri, e un ucielut imburît come une clapade al ven jù"
gjavât fûr di "L'ucielut de Mont Cjanine" di Catarine Percude
"tal plan grant, e jere la citât: Udin, dal biel cjistiel! Si lu viodeve là jù di adalt dai cuei"
gjavât fûr di "La aghe da pît la cleve" di Dino Virgili
"une biele dì [Maletegne] al viôt tal bosc trê grandis magnis incolaçadis te plombe dal soreli"
gjavât fûr di "Maletegne" di Andreina Nicoloso Ciceri
Viôt ancje: vedê, jodi
viodi v.tr.
(vio-di)
Vê la facoltât de viste, ancje cu la specificazion de cualitât e precision di chest sens (ancje ass.)
esemplis
"co no si viôt ben, siôr plevan, al tocje di puartâ i ocjâi"
gjavât fûr di "Lis predicjis dal muini" di Josef Marchet
viodi v.tr.
(vio-di)
Sei presints tant che spetatôr a un ciert avigniment
esemplis
"o 'nd ai viodûts tancj di concierts di musiche medievâl cjase mê ma il public di Gjermanie al è une vore plui animôs di chel furlan!"
gjavât fûr di "La maree nere" di Checo Tam
"cui à la partide di balon tal cjâf, cui à la morose di puartâ ator su la jespe, cui à di lâ a viodi cualchi cine di ca o di là"
gjavât fûr di "Lis predicjis dal muini" di Josef Marchet
viodi v.tr.
(vio-di)
Incuintrâ, cjatâ cdn.
sinonims
cjatâ, incuintrâ
esemplis
"nol voleve viodi sô mari ni vive ni muarte"
gjavât fûr di "Chei di Muraie" di Pieri Menis
"tancj a gji scrivevin che orevin viodila e cognossila"
gjavât fûr di "Catinuta" di Ugo Pellis
"tal festival de Unitât, Pino al ti cjate il Nin Clauet che al jere un pieçon che nol viodeve"
gjavât fûr di "Amîs come prime" di Alan Brusini
viodi v.tr.
(vio-di)
Cjapâ in esam
sinonims
scrutinâ, cjalâ, stazâ
esemplis
"une dì siore Chechine e veve puartât a viodi il document a un che al saveve"
gjavât fûr di "Mabile la Lunghine" di Maria Forte
viodi v.tr.
(vio-di)
Vivi di persone une esperience
sinonims
cognossi, passâ, provâ, sperimentâ
esemplis
"vô o sês zovin e se o vês timp a vivi a 'nd viodarês tantis in chest mont!"
gjavât fûr di "Sul agâr" di Pieri Menis
"jo o 'nd ai viodude une par dongje, e o sai ben ce che a son lis vueris"
gjavât fûr di "Ombris tal infinît" di Carlo Sgorlon
viodi v.tr.
(vio-di)
Figurâsi cul pinsîr, cu la imagjinazion, alc di futûr o ipotetic o cul ricuart alc di passât
esemplis
"za o viôt i titui dai gjornâi: “Investigadôr, si crôt une divinitât e al cope trê di lôr!”"
gjavât fûr di "Ah! la provincie" di Sandri Di Suald
"cuant che mi impensi o viôt ancjemò la tribune plene di siôrs e di sioris"
gjavât fûr di "Une letare par Bepo" di Pieri Menis
viodi v.tr.
(vio-di)
Fâ une prove, une verifiche, controlâ
sinonims
cjalâ, controlâ, scrutinâ
esemplis
"o vin scomençât inalore a esaminâ cualchi câs, dome par viodi cemût che si invie la discussion"
gjavât fûr di "Memoriis di politiche linguistiche" di Adrian Cescje
"al prove a muardi cui dincj la monede di arint par viodi se e je mate"
gjavât fûr di "Come tai romançs" di Alan Brusini
"anìn là di Sant Pieri, a viodi se cumò che al è vuardian dal paradîs a si ricuarde dai amîs vecjos"
gjavât fûr di "Meni Fari" di Luigi Gortani
viodi v.tr.
(vio-di)
(zûcs) Intal poker, acetâ la zuiade e controlâ i ponts dal aversari (ancje ass.)
viodi v.tr.
(vio-di)
Inacuarzisi, constatâ, notâ
sinonims
cjatâ, inacuarzisi, visâsi, notâ
esemplis
"a ogni edizion o viodìn che il festival al cres in cualitât e par numar di partecipants"
gjavât fûr di "Suns 2013" di Arlef
"se o cjalìn la date di costruzion di cuatri di chescj palaçs a Glemone o viodìn che a son ducj avonde dongje e ator dal 1660 e dal 1760"
gjavât fûr di "Studi da la evoluzion dal paisaç mediant i toponims" di Rino Gubiani
"a jerin soredut lavôrs che a vignivin finanziâts dal guvier canadês, che nus veve viodût cemût che o lavoravin"
gjavât fûr di "Interviste a Manlio Collavino" di Christian Romanin
viodi v.tr.
(vio-di)
Vê une cierte considerazion, un ciert concet
sinonims
considerâ, calcolâ, cjalâ
esemplis
"voaltris, nus disin, o viodês dut neri di ca dai confins e dut biel di là"
gjavât fûr di "Blestemis" di Josef Marchet
"a planc o jeri jentrât tal so afiet, e cussì cumò mi viodeve come un lari o un birbant che al leve vie, lassantlu di bessôl"
gjavât fûr di "Il dolfin" di Carlo Sgorlon
viodi v.tr.
(vio-di)
Cjatâsi che cdn. o alc si cjate intune cierte situazion, ancje cun subiet astrat o inanimât
esemplis
"valevie la pene che i vecjos a fasessin tancj sacrificis par viodi cumò la cjase vueide?"
gjavât fûr di "La cjase dai contents" di Roman Michelot
"al varès podût vivi fintremai che Ricardo al fos deventât grant e lât a la universitât. Salacor lu varès viodût deventâ un miedi, un inzegnîr o un professôr famôs"
gjavât fûr di "Prime di sere" di Carlo Sgorlon
"il Cinccent [...] al viôt un cambiament sostanziâl par ce che al inten l'ûs de lenghe furlane scrite che e disparìs des cjartis pratichis"
gjavât fûr di "Leterature furlane" di Cristina Cescutti
viodi v.tr.
(vio-di)
Dispès cun funzion enfatiche, tal imperatîf o in formis interogativis, par riclamâ la atenzion (enf.)
sinonims
savê, cjalâ
esemplis
"mestri Cole, viodêso, al voleve vê une Italie intune altre maniere"
gjavât fûr di "La aghe da pît la cleve" di Dino Virgili
""Par cheste reson, viodistu, ce che ti proponìn nô al va ben par ducj""
gjavât fûr di "Trê feminis" di Gianni Gregoricchio
""Viodêt mo, Nart: jo e la frute o vin fevelât e o vin decidût di dâus une rispueste daurman…""
gjavât fûr di "Cretevierte" di Roberto Ongaro
viodi v.tr.
(vio-di)
Ocupâsi di alc, impegnâsi par rivâ a un fin
sinonims
cirî, cjalâ, fâ in maniere di, fâ in mût di, provâ
esemplis
""Sì, sì, cuietiti! O viodarai jo ce che si po fâ, no stâ vê pôre…""
gjavât fûr di "Il muc" di Roberto Ongaro
"al covente che [...] si viodi di meti dongje une azion istituzionâl coordenade"
gjavât fûr di "Memoriis di politiche linguistiche" di Adrian Cescje
viodi v.intr.
(vio-di)
Vê cure di cdn. o di alc
sinonims
stâ daûr
esemplis
"o vevin di viodi dal nestri frut parcè che dispès al veve mâl di cuel e fieradis"
gjavât fûr di "Jo e Graziella" di Mario Beltramini
"e fogolave dute la matine e po in cjarie jù a puartâ di gustâ tal cjamp; e viodi des bestiis, e lavâ e netâ e sestâ par cjase"
gjavât fûr di "La division" di Dino Virgili
"siôr Bepo al viodeve ancje de filande di so pari"
gjavât fûr di "Come tai romançs" di Alan Brusini
viodi v.intr.
(vio-di)
Controlâ in ce cundizions, situazion, ativitât e v.i. che al è alc o cdn.
esemplis
"i spirts a tornin a viodi des lôr cjasis là che chei di famee a àn di vêur prontât aghe, par vie che i muarts a àn sêt di vite, e la aghe e je vite"
gjavât fûr di "Il miluç de magne" di Sandri Carrozzo
""Sta cidin, tu!" I ordenà Fonso. "Va cjase a viodi de tô femine, pitost! [...] Si è fate sbati ancje di Meni [...]""
gjavât fûr di "Tal ospedâl" di Amedeo Giacomini
viodi v.intr.
(vio-di)
Fâ in mût di cjatâ
sinonims
cirî, cjatâ, cumbinâ
esemplis
"tantis corsis, tantis oris passadis a spietâ di fûr di chês pocjis fabrichis che a vevin tornât a vierzi, par viodi di un lavôr"
gjavât fûr di "Il muc" di Roberto Ongaro
viodi s.m.
(vio-di)
Dome sing. judizi, pont di viste
esemplis
"la nestre patrie e je la tiere de int che si à; e je la int de nestre istesse lenghe, dal nestri sanc, dal nestri viodi"
gjavât fûr di "Int di masnade" di Alviero Negro
"lis mês pôris si son sfantadis cu la prime votazion, che e je stade informâl, orientative, che e je risultade pal gno viodi plui buine di ce che o vevi pensât"
gjavât fûr di "Memoriis di politiche linguistiche" di Adrian Cescje
detulis
"a viodin plui cuatri voi che no doi"
"campagne tante che si po viodi, cjase tante di stâ a sotet"
"ce che si viôt no si po scuindi"
"cjace che no si viôt e je cjace mate"
"cuant che tu viodis il lôf, no stâ lâ a cirî la ferade"
"cuatri voi a viodin plui di doi"
"cui che al viôt, sint e tâs, al è segn che al vûl vivi in pâs"
"cui che al viôt, sint e tâs, al vûl vivi in pâs"
"cui che i falin tal dî il credo tal batiâlu al viôt lis striis"
"daspò viodût ducj a son mestris"
"daspò viodût ducj sa conseâ"
"Diu al è un bon infant, al viôt e nol pant, al paie ducj e no si sa cuant"
"Diu al viôt e al proviôt"
"ducj à gust di viodi mats in place ma no dai siei"
"dulà che tu viodis cinise tu disis che al è stât il fûc"
"fra l'amôr e il fum no si viôt nancje la lum"
"grant sant che al è sant jude, pecjât che in chest mont si lasse viodi di râr"
"i gjenitôrs no vuelin viodi mai i difiets de lôr prole"
"i spaurôs a viodin il diaul plui neri di chel che al è"
"il diaul co al viôt la crôs al scjampe"
"il fum si viôt dulà che a fasin fûc"
"il mulinâr al met il Signôr difûr par che nol viodi ce che al fâs dentri"
"lis robis fatis di gnot, si lis viôt di dì"
"no bisugne impaçâsi dai fats dai altris che si à avonde di viodi dai siei"
"no mai fâ un mûr se si viôt un clap cu la ponte infûr"
"no si da al mont un vuarp plui grant di chel che nol vûl viodi"
"o cuete o crude il fûc le à viodude"
"ognidun al viôt cui siei voi"
"par cognossi il biel, bisugne viodi il brut"
"passûts che si è, nissun nol ven a viodi ce che si à te panze"
"prin viôt se tu âs la cjamese sporcje po scuintiije a di chei altris"
"se si lavore tal carnevâl piçul, si viôt madracs piçui; se si lavore tal carnevâl grant, si viôt madracs grancj"
"se tu mangjis luvins e tu ti voltis indaûr tu viodarâs cualchidun a mangjâ lis scussis"
"si viôt di vidiel ce che al devente bo"
torne sù
torne sù