Tu âs cirût la peraule
bilengâl monolengâl
Tu âs cirût la peraule
pensare
torne indaûr

bilengâl

pensare v.intr., v.tr., s.m.
  • 1

    s.m. pensâ Copie

    [FO] (dome tal sing., facoltât dal pinsîr)
    il pensare dà dignità = il pensâ al da dignitât

    v.tr. pensâ Copie

    (imagjinâ)
    pensa quanto sarebbe bello! = pense ce biel che al sarès!

    v.tr. pensâ Copie

    [FO] (esaminâ, scandaiâ cul pinsîr)
    ti penso ancora bambino = ti pensi ancjemò frut
  • 1a

    v.intr. pensâ Copie

    [FO] (doprâ la ment)
    l'essere umano pensa = l'om al pense
  • 1b

    v.intr. pensâ Copie

    [FO] (rifleti, meditâ)
    ci ho pensato un attimo e poi ho deciso di agire = i ai pensât sore un moment e po o ai decidût di agjî
    sono sempre di più le cose che costringono a pensare = a son simpri di plui lis robis che a oblein a pensâ

    v.intr. cjalâ, pensâ, viodi Copie

    (tes formis dal imperatîf, par riclamâ la atenzion su alc di particolâr)
    e io, pensa, non gli sono andato dietro come uno scemo?! = e jo, pense tu oppure no mo, no i soio lât daûr come un cocâl?!

    v.intr. pensâ Copie

    (vandi, stâ atent)
    pensarci due volte = pensâi sù dôs voltis
    senza pensarci due volte = cence pensâ sù dôs voltis

    v.intr. cjalâ, pensâ, viodi Copie

    (in loc.pragm., par pandi straneament, spec. cun significât soradin o polemic)
    ma pensa! = ma pense!
    pensa un po'! = viôt tu!

    v.intr. pensâ Copie

    (pensâ plui voltis e cun indurance)
    pensa e ripensa = pense che ti pense
    pensa e ripensa, ci sono arrivato = pense e sorepense, i soi rivât
  • 2

    v.tr. burî fûr, pensâ fûr Copie

    [FO] (cjatâ fûr, tramaiâ, urdî, mulinâ)
    che cosa avrà pensato questa volta per mettermi in difficoltà? = ce varaial pensât fûr cheste volte par metimi in dificoltât?
    una ne fa e cento ne pensa = une a 'nt fâs e cent a 'nt pense
  • 2a

    v.intr. pensâ, impensâsi Copie

    [FO] (vê tal cjâf alc o cdn.)
    a che cosa stai pensando? = ce sêstu daûr a pensâ?
    bisogna pensare al futuro = bisugne pensâ al futûr
    ti penso sempre = ti pensi simpri
  • 2b

    v.intr. pensâ, impensâsi Copie

    [FO] (ricuardâsi di alc o di cdn.)
    ai vecchi capita di pensare al tempo della giovinezza = ai viei ur capite di pensâ a cuant che a jerin zovins
  • 2c

    v.intr. pensâ, impensâsi Copie

    [FO] (imagjinâsi di alc che al à ancjemò di vignî)
    pensano già tutti alle ferie = a pensin za ducj aes feriis
  • 3a

    v.tr. pensâ, viodi, fâ calcul Copie

    [FO] (pensâ calcolant ogni pussibilitât)
    pensa bene ciò che devi affrontare = pense ben a ce che tu âs di frontâ

    v.intr. pensâ, viodi, stâ daûr Copie

    [FO] (ocupâsi di cdn., badâi)
    pensa tu all'idraulico, per favore = sta tu daûr dal idraulic, par plasê
  • 3b

    v.tr. pensâ, impensâsi Copie

    [FO] (ricuardâ, tignî a ments)
    pensa chi eri allora, e guardati adesso = pense cui che tu jeris in chê volte, e cjaliti cumò

    v.intr. fâ, pensâ, viodi, stâ daûr Copie

    [FO] (preocupâsi di alc, badâi)
    non fumare, pensa alla salute! = no stâ a fumâ, pense ae salût!
    pensa ai fatti tuoi! = fasiti i tiei fats!

    v.intr. viodi, stâ daûr Copie

    (proviodi)
    pensa alla cena, per favore = viôt de cene, par plasê
  • 3c

    v.tr. induvinâ, pensâ, fâ calcul Copie

    [FO] (previodi)
    gli esperti pensano che nel secondo trimestre le esportazioni cresceranno = i esperts a pensin che tal secont trimestri lis espuartazions a cressaran
  • 4

    v.intr. pensâ Copie

    [FO] (vê une opinion)
    che ne pensi? = ce pensistu di chê robe?
    non so che cosa pensare = no sai ce pensâ
    pensare male di un collega = pensâ mâl di un coleghe

    v.tr. pensâ, crodi, fâ calcul Copie

    [FO] (vê une opinion)
    penso che sia meglio stare zitti = o crôt che al sei miôr tasê

    v.tr. pensâ Copie

    (scrupulâ)
    non penso che si lascerà convincere = no crôt che si lassarà convinci

    v.tr. pensâ Copie

    (spietâsi)
    chi l'avrebbe pensato solo ieri! = cui lu varessial crodût ancje dome îr!

    v.tr. impensâsi, pensâsi Copie

    (ancje cu la particule pronominâl, cun valôr pleonastic)
    ma che cosa si pensava quell'ingenuo? = ma ce si impensavial chel biât?
  • 5

    v.intr. pensâ, fâ calcul Copie

    [FO] (fâ un progjet)
    pensa a un nuovo lavoro = al pense a di un altri lavôr
    pensavo ad andare al mare la prossima estate = o pensavi di lâ al mâr l'Istât cu ven

    v.tr. pensâ, fâ calcul Copie

    [FO] (destinâ, progjetâ)
    ha pensato di presentarsi all'esame nel primo appello = al à fat calcul di provâ l'esam tal prin apel

    v.tr. pensâ Copie

    (vê intenzion)
    pensavo di andare a parlarle, ma mi manca il coraggio = o pensavi di lâ a tabaiâi, ma no ai il fiât

locuzions

    dare da pensare
  • fâ bacilâ, dâ di pensâ, fâ pensâ, fâ pinsirâ, fâ boteCopie
    [CO] (preocupâ, fâ rifleti)
    che ultimamente si comporti sempre in modo scontroso, mi dà da pensare = che tai ultins timps al vedi simpri une ande rabiose, mi fâs pensâ è una ragazza che dà da pensare = e je une frutate che e fâs pinsirâ oppure che e fâs bacilâ
    • modo di pensare
  • mût di pensâ, pensâ, pensamentCopie
    [CO] (il mût di pensâ di un, il so estri mentâl)
    ha un modo di pensare che non mi piace = al à un pensâ che no mi plâs

monolengâl

cjalâ v.tr.
(cja-lâ)
Indreçâ il voli su alc cuntune cierte precision, intenzionalitât, atenzion
sinonims
calumâ, cucâ, lumâ, olmâ, osservâ, spiâ
esemplis
"i gjermaneots che a partivin, a cjalavin cul voli di amôr e di dolôr la lôr aghe e le saludavin cidins, par puartâsi daûr, vie pes stradis cence fin dai Furlans, un slambri di chel colôr celest, come une memorie di cjase tal cûr"
gjavât fûr di "La aghe da pît la cleve" di Dino Virgili
"Toni al veve cjapât la coriere e al cjalave lis monts ancjemò blancjis di nêf"
gjavât fûr di "Il dì celest" di Checo Tam
"le consolave lui, timit e inamorât, e disint cussì le cjalave cun doi voi plens di sperance"
gjavât fûr di "Un bosc cence colôrs" di Franca Mainardis
"Faitsi dongje, cjare mari, / cun chel vuestri biel bambin; / che jo lu cjali, che jo lu tocj, / che jo lu bussi, chel ninin."
gjavât fûr di "Ave o Vergjine" di Zuan Batiste Gallerio
cjalâ v.tr.
(cja-lâ)
Jessi spetatôr
sinonims
viodi
esemplis
"o passi lis zornadis a fâ compits, a studiâ e, par straviâmi, o cjali la television"
gjavât fûr di "Sul florî" di AAVV
"lui al leve a cjalâ lis partidis di balon e le lassave bessole, cussì jê e vignive a confuartâsi cun me"
gjavât fûr di "Sense" di Checo Tam
cjalâ v.tr.
(cja-lâ)
Dâ atenzion cui voi a alc o cdn. cirint di preseâ dutis lis sôs carateristichis
sinonims
contemplâ, cucâ, esaminâ, osservâ, spiâ
esemplis
"intant che Laurinç al jere te loze, denant de sale dai imperadôrs, a cjalâ lis statuis colôr verderam dal Barberosse e di un dai Vielms, a cjaval, il cidinôr al tornà a vinci dut"
gjavât fûr di "Un cidinôr todesc" di Agnul di Spere
"al cjalà inmò chei cuadris e al viodè che sul font si podeve amirâ, scuasit in ducj, la Mont Grande cu la sô crete sclapade"
gjavât fûr di "Cretevierte" di Roberto Ongaro
cjalâ v.tr.
(cja-lâ)
Tignî controlât cui voi par garantî la sigurece
sinonims
controlâ, vuardiâ, vuardâ, viodi
esemplis
"lis vuardiis a cjalin la puarte de bancje"
cjalâ v.tr.
(cja-lâ)
Jessi interessât
esemplis
"eh, se o ves di diti ogni volte che i fantats mi cjalin, o varès di sentâmi chi a contâti, par une setemane!"
gjavât fûr di "Cretevierte" di Roberto Ongaro
"cumò come cumò, no abadi al caratar des frutis, ma o cjali altris robis"
gjavât fûr di "Sul florî" di AAVV
cjalâ v.tr.
(cja-lâ)
Ancje ass., lâ a cirî
sinonims
cirî, cucâ, dâ un cuc, dâ une cjalade, scrusignâ, viodi, scandaiâ, spiâ
esemplis
""Vêso migo chescj bregons ancje de taie 48?" "Un moment, cumò o cjali""
"o vês une ore par fâ la traduzion e se no savês cualchi peraule o podês cjalâ tal dizionari"
cjalâ v.tr., v.intr.
(cja-lâ)
Fâ une valutazion (fig.)
esemplis
"se la Jugoslavie e volès fâ alc cuintri di nô e cjalarès lis sôs cundizions militârs e diplomatichis e no si romparès il cjâf a cirî lis resons juridichis"
gjavât fûr di "Ce che a vuelin" di Josef Marchet
"cjalant tal complès ce che al stave sucedint in chei agns cu la cognossince che o vin cumò, la soluzion juste e sarès stade chê di limitâ lis emissions no dome di solfar ma ancje di anidride carboniche"
gjavât fûr di "Clime e incuinament: prime l'ûf o la gjaline?" di Dario Bianchini Giaiotti, Fulvio Stel
cjalâ v.tr.
(cja-lâ)
Cjapâ in esam, controlâ la coretece
sinonims
scrutinâ, esaminâ, notâ, scandaiâ, stazâ, tamesâ, vandi
esemplis
"la mestre e à dite che e cjalarà ducj compits par vinars"
"cuant che tu âs finît di scrivi la letare passile al diretôr che le cjali se e va ben e le firmi"
"la sô specialitât e jere chê di fâ il zîr des ostariis cuntune cjarte di cent mate dal dut. L'ostîr le cjalave chê cjarte, le voltave, le cjalave cuintri lûs, po je tornave. Ma intant lui, il vin lu veve za scolât"
gjavât fûr di "Cercandui" di Alan Brusini
cjalâ v.tr.
(cja-lâ)
Fâ une revision, un control, e se al covente comedâ alc
sinonims
comedâ, justâ, messedâ, regolâ, viodi
esemplis
"cualchi canâl si cjape mâl, al covente di fâ cjalâ il televisôr"
cjalâ v.tr.
(cja-lâ)
Fâ une visite mediche
sinonims
viodi, visitâ
esemplis
"al rivà il miedi e, dopo di vêlu cjalât un momentin, al declarà che a puartâlu vie in chê maniere e jere stade une polmonite"
gjavât fûr di "Il fi de Rosse" di Pieri Menis
cjalâ v.tr., v.intr.
(cja-lâ)
Impegnâsi, stâ atent par rivâ un ciert obietîf o par no vê ciertis consecuencis
sinonims
badâ, viodi, tignî a ments, procurâ, proviodi
esemplis
"«Puedio cjoli [tal cjast] dut ce che mi ocor?» «Sì. Sta atent però che robe a 'nd è ancje dai Feruis. Cjale di no fâ confusion»"
gjavât fûr di "Prime di sere" di Carlo Sgorlon
cjalâ v.tr., v.intr.
(cja-lâ)
Abadâ, tignî di voli
sinonims
abadâ, tignî ad a ments, tignî di voli, viodi
esemplis
"cjalâ che i fruts no si fasin mâl"
"judimi un moment, par plasê, cjalimi la polente che no si tachi"
"e tu Zanut sta chi cul cjan / a cjalâ , che il lôf no fasi dan / e guviarne lis pioris cui agnei / e darâs dal sâl ancje ai vidiei "
gjavât fûr di "II, 118" di Ermes di Colorêt
cjalâ v.tr.
(cja-lâ)
In funzion. interietive, in diviersis locuzions o espressions, par riclamâ la atenzion
esemplis
"ma cjale ce pretesis che tu âs di dâmi conseis!"
gjavât fûr di "L'avocat e la luianie" di Pieri Somede dai Marcs
"cjalait, fruts, tornait dentri e disêt che plui sot di chel impuart no podìn lâ"
gjavât fûr di "Interviste a Manlio Collavino" di Christian Romanin
"cjale, mo. Jo no sai se a son veris dutis chês storiis dal paradîs, dal infier, di Diu, dal diaul e cussì. Nissun mai al è tornât indaûr a contâ"
gjavât fûr di "La salamandrie tal fûc" di Carlo Tolazzi
"o sarìn cussì un popul che, rispietantsi, a si fâs rispietâ. In non di Diu, cjalait: pretindi che nus rispietin a no je une brute robe, parcè che chel che no si rispiete no lu rispietaran"
gjavât fûr di "In non di Diu scomençait!" di Francesc Placerean
cjalâ v.tr., v.intr.
(cja-lâ)
Tal imperatîf, tant che rimant a notis o a altris tocs intun test
sinonims
viodi, spiâ
esemplis
"une altre reson a pro di chê ipotesi ca e ven dal pronon obiet diret aton di tierce persone dal plurâl, che al è pardut «ju» < «glu» (cjale 5.3.2. )"
gjavât fûr di "Cualchi ipotesi sul furlan di prin di scrivilu" di Zorç Cadorin
cjalâ v.tr., v.intr.
(cja-lâ)
Vê une cierte considerazion, percezion, classificazion mentâl (fig.)
sinonims
calcolâ, cjapâ, considerâ, contâ, interessâsi, lâ daûr, misurâ, stazâ, stimâ, tignî, valutâ, vandi, viodi
esemplis
"di in chê volte, al veve cjalât cun altris voi dutis lis jerbis e, là sù dal Plevan Boneti, cuant che al lave par canoniche a judâ, si incjantave parsore un libri plen di fueis, rosis e lidrîs dissegnadis dal naturâl"
gjavât fûr di "Il Bide di Miot" di Maria Forte
"to pari, che mi cjale tant che la ribine tal cjamp, al scugnarà ricrodisi "
gjavât fûr di "Il muc" di Roberto Ongaro
"cumò o cjali il mont e la umanitât cun mancul di inocence e cun plui di tolerance"
gjavât fûr di "Trê feminis" di Gianni Gregoricchio
"ancje se lui nol ves podût jessî de sô cundizion di mascli, che almancul al ves cjalât a la mê solitudin cun amôr"
gjavât fûr di "Trê feminis" di Gianni Gregoricchio
cjalâ v.tr., v.intr.
(cja-lâ)
Vê tant che pont di riferiment (fig.)
esemplis
"a chei zovins ur àn simpri insegnât a cjalâ a la Italie e a Rome come al… bugnigul dal mont…!"
gjavât fûr di "Int di masnade" di Alviero Negro
"i fîs intant si spatussavin. La Linute e Gjovanin. E si usavin a cjalâ plui ae mari che al pari"
gjavât fûr di "Mabile la Lunghine" di Maria Forte
cjalâ v.tr., v.intr.
(cja-lâ)
Calcolâ tant che obietîf impuartant (fig.)
sinonims
viodi, smicjâ, volê, bramâ, cirî
esemplis
"chel li al cjale dome ai bêçs"
cjalâ v.tr., v.intr.
(cja-lâ)
Dâ impuartance, dâ pês (fig.)
sinonims
viodi
esemplis
"sì, ma ancje tu, no stâ a cjalâ dome i aspiets bruts, no mo?"
cjalâ v.tr., v.intr.
(cja-lâ)
Di un edifici o di une sô part, o ancje di un cualchi puest o di une struture naturâl tant che une mont, une culine e v.i., jessi devant di alc
sinonims
dâ
esemplis
"une puarte e un barcon cjalin sul ort e viers la strade"
gjavât fûr di "Resurezion a Pontinie" di Pieri Somede dai Marcs
"la famee di Pelôs e jere tornade a stâ a Tresesin ai prins dal '700, comprât il lûc dai conts di Conti, palaç dal '500, cjase Licaro di vuê, su la place che e cjale lis montagnis"
gjavât fûr di "Come tai romançs" di Alan Brusini
"là sù, par vecjonon, si jere incjasât un trop di pagans, in chel splaç vert che al va dal çuc fintremai al bosc e al creton che al cjale dal alt il paîs e che cumò si clame Prençâs"
gjavât fûr di "I pagans di Muine" di Josef Cjargnel
detulis
"a cjaval donât no si cjalii in bocje"
"al pâr che la sô crôs a sedi la plui grande ma se si cjale chê di chei altris si torne a cjoli sù la sô"
"bisugne cjalâ abàs prin di mudâ il pas"
"cjale il to trâf intant che tu cjalis il gno cjaveli"
"cjalimi e lassimi par chel che o soi"
"cjase tante di stâ, braide tante di coltâ, prât tant di cjalâ"
"cuant che no ti impuarte no stâ cjalâ se e va drete o stuarte"
"cui che al à a cjase donzelis, che nol cjali lis stelis"
"cui che al cjale la lune, nol fâs fortune"
"cui che al cjale ogni nûl no si met mai in viaç"
"cui che si cjale se stes no i vanze timp di cjalâ chei altris"
"dal taiepiere no stâ cjalâ, in farie no stâ tocjâ, in speziarie no stâ cerçâ"
"fâs il ben cence cjalâ a cui"
"i fruts no disin papà biel e mame biele ma a cjalin se a 'nd è te scudiele"
"i voi a son fats par cjalâ"
"l'amôr nol cjale diferencis"
"la fantate no cjale il gjalinâr ma il gjal"
"no covente cjalâ il laip, covente cjalâ il purcit"
"no mi cjalâ di Avrîl che o soi intal covîl, cjalimi di Mai e se no ven, vai"
"no si cjalii in bocje al cjaval donât"
"ognidun che al cjali a cjase sô"
"plui des robis bielis bisugne cjalâ e preseâ chês utilis"
"prin di dî mâl dai altris, cjale te stes"
"se si vûl savê la zornade, si cjale la matine"
"se tu ti cjalis te, no ti vanze timp di cjalâmi me"
"se tu vûs cognossi la fie, cjale la mari"
"vuarditi di cui che al cjale la ponte des scarpis"
torne sù
torne sù