Tu âs cirût la peraule
bilengâl monolengâl
Tu âs cirût la peraule
reggere
torne indaûr

bilengâl

reggere v.tr., v.intr.
  • 1a

    v.tr. tignî, rezi Copie

    (tignî in braç)
    reggere un bambino = tignî un frut

    v.tr. rezi, tignî sù Copie

    [FO] (tignî sù cdn. par che nol coli)
    reggere un ubriaco = rezi un cjoc
  • 1b

    v.tr. rezi, tignî sù Copie

    [FO] (vê avonde fuarce par stâ in pîts)
    le forze non lo reggono = lis fuarcis no lu tegnin sù
  • 2a

    v.tr. tignî sù Copie

    [FO] (tignî alçât di tiere)
    la sposa si regge l'abito per camminare comodamente = la nuvice si ten sù il vistît par cjaminâ comude
  • 2b

    v.tr. rezi, tignî sù Copie

    [FO] (sostignî alc in mût che nol coli)

    v.tr. tignî sù Copie

    (tignî in man)
    reggimi un attimo la bicicletta = tegnimi sù un moment la biciclete
  • 2c

    v.tr. tignî, tignî sù, tignî fer Copie

    [FO] (tignî fer alc di mût che nol bali, nol nici, che nol ledi di sbris, nol scjampi)
    reggi la scala = ten sù la scjale
  • 2d

    v.tr. sapontâ, rezi, tignî sù Copie

    [FO] (fâ il supuart)
    una armatura regge il muro cadente = une armadure e rêç il mûr dirocât
  • 3

    v.tr. sopuartâ Copie

    [FO] (tolerâ)
    è una persona noiosa, non la reggo più = al è un stufadiç, no lu sopuarti plui

    v.tr. tignî Copie

    (rivâ a bevi une vore restant sincîr)
    regge bene l'alcool = al ten ben l'alcul
  • 4a

    v.tr. menâ Copie

    [FO] (puartâ, vuidâ)
    sa reggere la barca anche col mare grosso = al è bon di menâ la barcje ancje cul mâr grues
  • 4b

    v.tr. tignî Copie

    (spec. intal lengaç burocratic, vê une funzion par un periodi curt in sostituzion dal titulâr)
    nel governo ha retto bene la sua funzione di sostituto = intal guvier al à tignût ben la sô funzion di vicjari

    v.tr. rezi, guviernâ Copie

    [FO] (guviernâ)
    reggere un'azienda = rezi une dite
    reggere uno stato = guviernâ un stât
  • 4c

    v.tr. indreçâ, inviâ, instradâ Copie

    [FO] (sostignî cdn., dant insegnaments e precets etics, di condote e v.i.)
    reggere i giovani nel mondo della scuola = instradâ i zovins intal mont de scuele
  • 4d

    v.intr. regolâ, direzi, rezi Copie

    [FO] (di criteris inteletuâi o morâi, fâ di vuide)
    regge la sua vita su sani principi = al regole la sô vite su principis salts
  • 5

    v.tr. volê, rezi, domandâ Copie

    [TS] gram. (massime pai verps, cuant che a vuelin un complement o un câs particolârs)
    'interest' regge il genitivo della persona interessata = 'interest' al vûl oppure al domande il gjenitîf de persone interessade
  • 6a

    v.intr. tignî, rezi Copie

    [FO] (resisti a un sfuarç, a une pression e v.i.)
    il ponte non ha retto al peso ed è caduto = il puint nol à tignût il pês e al è colât
  • 6b

    v.intr. tignî, rezi, condurâ Copie

    [FO] (sorevivi a un dolôr, a un sfuarç fisic, a une cundizion avierse e v.i.)
    nessuno poteva reggere a quel freddo e hanno rinunciato alla spedizione = nissun nol podeve tignî a chel frêt e cussì a àn molât di fâ la spedizion
  • 6c

    v.intr. tignî, rezi Copie

    [FO] (sopuartâ un dolôr, no cedi, no pleâsi a un displasê)
    ha retto bene al lutto = al à tignût ben al corot

    v.intr. tignî, rezi Copie

    (resisti a une emozion)
    non mi regge il cuore = no mi ten il cûr

    v.intr. tignî, rezi Copie

    (funzionâ ben)
    dopo cinque ore di lezione la testa non mi regge = dopo di cinc oris di lezion no mi ten il cjâf
  • 7a

    v.intr. tignî, rezi, stâ sù Copie

    [FO] (jessi bon, consistent, valevul, jessi logjic, positîf)
    questo tuo ragionamento non regge = chest to resonament nol sta sù
  • 7b

    v.intr. tignî, rezi Copie

    [FO] (frontâ un confront, un paragon)
    se fanno una gara, non regge = se a fasin une gare, nol ten
  • 8

    v.intr. tignî sù Copie

    [FO] (durâ intune cundizion buine)
    speriamo che il tempo regga = sperìn che il timp al tegni sù

    v.intr. tignî, durâ, intignîsi Copie

    (durâ cence alterâsi)
    devi mettere il burro in frigo, al caldo non regge = tu âs di meti la spongje in frigo, cul cjalt no dure

locuzions

    reggere al, il confronto
  • stâ a pet, tignî il confrontCopie
    [CO] (no disfigurâ a confront cun alc o cun cdn.)
    alla sua età regge bene il confronto con le più giovani = ae sô ete e ten ben il confront cun chês plui zovinis
    • reggere il colpo
  • tignî bot, tignî pont, tignî bote, cjapâ boteCopie
    [CO] (sopuartâ une situazion negative)
    se reggerai il colpo i primi tempi, poi sarà tutto più facile = se tu tignarâs bot sul imprin, dopo al sarà dut plui facil
    • reggere il gioco
  • tignî man, tignî sù il mocul, tignî il dêt, filâ il laç, tignî il sacCopie
    [CO] (dâi seont a cdn.)
    gli reggeva il gioco = i tignive il dêt oppure i filave il laç reggimi il gioco = tegnimi man
    • reggere il mare
  • [CO], [TS] mar. (cjale tenere il mare)
    • reggere il moccolo
  • fâ lusôr, tignî sù il pavêr, tignî il moculCopie
    [CO] (favorî un moroseç)
  • fâ lusôr, tignî il moculCopie
    (jessi di plui tra doi morôs)
    • reggere il sacco
  • [CO] (cjale tenere il sacco)
    • reggere l'acqua
  • parâ de aghe, tignî la agheCopie
    [CO] (di un tiessût, jessi impermeabil)
    questa tuta regge l'acqua? = cheste tute parie de aghe?
    • reggere l'anima con i denti
  • tignî sù la anime cui dincjCopie
    [CO] (jessi tant malât ma no cedi la vite)
  • tignî sù la anime cui dincjCopie
    [CO] (jessi une vore strac)
    • reggere la candela
  • [CO] (cjale reggere il moccolo)
    • reggere la coda
  • strissinâ la panze, puartâ la aghe cu lis orelis, lustrâ lis scarpisCopie
    [CO] (vê une ande sudizionose inviers di cdn.)
    • reggere la corda
  • tignî il sacCopie
    [BU] (judâ, dâ une man, plui di dut in alc di no tant onest)
    • reggere le fila
  • tignî sù i fîi, tignî sù la brene, tignî la brene in man, tignî lis brenisCopie
    [CO] (tignî in man la situazion, soredut par daûr)
    il sindaco regge le fila dell'amministrazione comunale = il sindic al ten sù la brene dal guvier comunâl
    • reggere lo scherzo
  • [BU], [CO] (cjale stare allo scherzo)
    • reggere lo strascico
  • [CO] (cjale reggere la coda)

monolengâl

tignî v.tr.
(ti-gnî)
Vê alc o cdn. tes mans o tai braçs, o suntune part dal cuarp, o jenfri lis parts di un imprest o sim., in mût che no si movi, nol coli, nol scjampi e v.i.
sinonims
rezi, sostignî, tignî fer, tignî sù
esemplis
"Irene le tignive intal braç cheste sô pipine e mi cjalave in zito"
gjavât fûr di "Trê feminis" di Gianni Gregoricchio
"e ten tra lis mans il bussul dal cognac colôr aur che si sbacie"
gjavât fûr di "I forescj" di Alan Brusini, Gian Paolo Linda
tignî v.tr.
(ti-gnî)
Fâ che alc o une part dal cuarp o cdn., al stedi intune intune cierte posizion o situazion
esemplis
"al tignive il cjâf sbassât e i voi dibot sierâts"
gjavât fûr di "Il muc" di Roberto Ongaro
"«Al sarà ce che Diu volarà» dissè, tignint une man ferme sul stomi"
gjavât fûr di "La tiere di Lansing" di Maria Forte
tignî v.tr.
(ti-gnî)
Fâ stâ intune cierte cundizion
esemplis
"no si pues tignî un om in preson cence un procès"
gjavât fûr di "Un Friûl difarent: i 90 mhz di Onde Furlane" di Max Mauro
"tignî il cerneli vuardât dal masse soreli"
gjavât fûr di "Cjalâ plui inlà" di Josef Marchet
"tignî in fresc il formadi"
gjavât fûr di "Il burlaç" di Pieri Menis
tignî v.tr.
(ti-gnî)
Vê dentri, vê tant che contignût, sedi materiâl che imateriâl
sinonims
vê, vê dentri, tignî dentri, contignî
esemplis
"la temperadure e je aumentade, un fat che al à permetût a la atmosfere di tignî plui vapôr"
gjavât fûr di "Gotis di sience 1" di Cristina Minuzzo
" il Bank of English al ten pôc sù pôc jù 300.000.000 di peraulis, il British National Corpus e il Czech National Corpus plui o mancul 100.000.000 di peraulis"
gjavât fûr di "Corpus linguistics" di Vladimir Petkevic
"inte preson di Zagabrie ogni cele e tignive doi di lôr e jo o jeri sierât cul sicilian"
gjavât fûr di "Storie di Min" di Ivano Urli
tignî v.tr.
(ti-gnî)
Jessi o restâ in possès, vê a disposizion, vê cure di alc
esemplis
"letaris leadis cuntun nastri ros, i decrets di promozion, la crôs di cavalîr e il golâr di comendatôr e altris strafaniçs che done Cheche e tignive par ricuart dal so puar om"
gjavât fûr di "Il tesaur di done Cheche" di Pieri Menis
" dopo Messe Grande, il discors al jere inmò fer sul tesaur cjatât, che lu vevin consegnât di tignî al plevan"
gjavât fûr di "La aghe da pît la cleve" di Dino Virgili
"i bêçs par svincolâ la impoteche ju ten jo in dipuesit"
gjavât fûr di "La braide" di Pieri Somede dai Marcs
tignî v.tr.
(ti-gnî)
Risiervâ par cdn. o par une cierte destinazion
sinonims
meti vie, tignî cont, tignî di bande
esemplis
"sul cjar, siei fradis i vevin tignût il puest"
gjavât fûr di "La aghe da pît la cleve" di Dino Virgili
"tignî i sparagns par cualchi inciert"
tignî v.tr.
(ti-gnî)
Fâ cressi e fâ rindi animâi, plantis o tiere
esemplis
"si jere metude tal cjâf di tirâ sù un purcit; tignî un purcit e no vê tiere par semenâ la blave e lis patatis che a coventin par nudrîlu, al vûl dî fâ sacrificis"
gjavât fûr di "Cretevierte" di Roberto Ongaro
"pre Pieri al tignive lis âfs"
gjavât fûr di "Sul florî" di AAVV
"in Slovenie [...] si tegnin uns 50 difarentis cualitâts di vît"
gjavât fûr di "Vin o bire? in Slovenie cualitât sigurade" di Alessio Potocco
tignî v.tr.
(ti-gnî)
Vê come dipendent
sinonims
vê
esemplis
""Agnul, ca la man - dissal Snaidar - e se tu âs cûr di trainus ancjemò une sclopetade, no ti ten plui a vore!""
gjavât fûr di "L'armistizi dal '16" di Riedo Pup
tignî v.tr.
(ti-gnî)
Vê e puartâ indevant une funzion, une incjarie, une ativitât e v.i.
sinonims
vê, puartâ indenant
esemplis
"al veve une etât che nol podeve fâ altri che tignî la presidence des assembleis e dai Conseis di aministrazion, che par dut il rest lu judavi jo"
gjavât fûr di "Memoriis di politiche linguistiche" di Adrian Cescje
"gno pari e mê mari a tignivin un puest che al jere ostarie e buteghe di coloniâi"
gjavât fûr di "Sul florî" di AAVV
"si cjatave cui amîs là di Minon che ogni tant al tignive frascje cul so vin"
gjavât fûr di "Cjase di Dalban" di Maria Forte
tignî v.tr.
(ti-gnî)
Vê in vendite
sinonims
vendi, tratâ, vê
esemplis
""Che mi scusi, lui tegnial nome articui dal puest o ancje robe che e ven di fûr?""
gjavât fûr di "I forescj" di Alan Brusini, Gian Paolo Linda
tignî v.tr.
(ti-gnî)
Viodi di alc o di cdn., tratâ alc o cdn. intune cierte maniere
sinonims
curâ, tratâ
esemplis
"i plaseve lâ ator in biciclete, la sô antighe Vander tipo sport che al tignive come un spieli"
gjavât fûr di "Par stradis lungjis" di Alan Brusini
"Menie e veve vût il so dafâ cui fradis, lavâju e pontâju, che ju tignive come pipins, insegnantjur il vivi dal mont e la creance"
gjavât fûr di "Chei di Muraie" di Pieri Menis
tignî v.tr.
(ti-gnî)
Ancje cun subiet inanimât, fâ restâ tun puest (fig.)
sinonims
discjoli, stratignî
esemplis
"«Tu puedis lâ, cui ti ten?»"
gjavât fûr di "Prime di sere" di Carlo Sgorlon
"o tignarìn a cjase di vore il frut. Ti darà une man…"
gjavât fûr di "La aghe da pît la cleve" di Dino Virgili
tignî v.tr.
(ti-gnî)
Frenâ
sinonims
contignî, fermâ, intardâ, tignî a brene, tignî in brene
esemplis
"ogni moment sul puarton no fasevin altri che tabaiâ, i fruts, massime il grant, [...] cui ju tignive!"
gjavât fûr di "La ultime firme de mê podestarie" di Pieri Somede dai Marcs
tignî v.tr., v.intr.
(ti-gnî)
Restâ suntune direzion o tune cierte posizion (ancje fig.)
sinonims
tignî indenant, tignîsi
esemplis
"tignî la diestre"
"al à imbrucjade e tignude la strade maestre, la plui drete"
gjavât fûr di "E cumò?" di Josef Marchet
"bandonade chê gjarnazie, o tignìn saldo viars çampe e, tor miezegnot, o traviarsìn la periferie e o si butìn tai cjamps"
gjavât fûr di "Un dai pôcs" di Alan Brusini
tignî v.intr.
(ti-gnî)
Vê fuarce, funzionâ
esemplis
"i polmons intosseâts dal fum di miârs di spagnolets no tegnin altri"
gjavât fûr di "Ricuarts e inlusions" di Enrico Martina
"[il cavalîr] al tire lis brenis, di istint la bestie si alce sù lis gjambis daûr che però no tegnin, ducj i doi a sdrumin par tiere"
gjavât fûr di "La salamandrie tal fûc" di Carlo Tolazzi
tignî v.tr., v.intr.
(ti-gnî)
Vê consistence, fâ resistence, permeti a alc di stâ intun ciert puest o intune cierte posizion
esemplis
"breis che no tignivin plui ni clauts ni pontis"
gjavât fûr di "La tiere di Lansing" di Maria Forte
"a imblecavin fin che la tele e tignive fîl, par no spindi"
gjavât fûr di "I furlans e la culumie" di Riedo Pup
tignî v.intr.
(ti-gnî)
Vê validitât (fig.)
sinonims
stâ sù
esemplis
"il ricors de Filologjiche nol veve mani, la sô logjiche no tignive di nissune bande"
gjavât fûr di "Memoriis di politiche linguistiche" di Adrian Cescje
"chestis cjossis no son di competence dal nestri tribunâl e par chest pont la acuse no ten"
gjavât fûr di "Vieri e gnûf" di Pieri Piçul
tignî v.tr., v.intr.
(ti-gnî)
Resisti a une fuarce, a une cierte pression e v.i.
sinonims
resisti, stâ salt
esemplis
"a un ciert moment la sieraie no ten plui e i nemâi a comencin a cori"
gjavât fûr di "Gno nono" di Pieri Menis
"la cole no ten"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
tignî v.tr.
(ti-gnî)
No lassâ scjampâ fûr un contignût, spec. fluit (ancje ass.)
esemplis
"mi à domandât di imprest la pompe de biciclete che al veve une gome che no i tignive il flât"
gjavât fûr di "Par une lengate" di Pieri Somede dai Marcs
tignî v.intr.
(ti-gnî)
Sperâ che cdn., une part o une scuadre a vincin, e sostignîju
esemplis
"la direzion [...] e je stade impotente e paralizade des lotis tra la part che e tignive par Di Cjaurià e chê che e tignive par Cecot"
gjavât fûr di "Memoriis di politiche linguistiche" di Adrian Cescje
"tu tegnis pal Udin e vonde, no pe Juve o cualchidun altri. Il diaul e la aghe sante no stan dongje"
gjavât fûr di "A stâ a cjaval dal fossâl si cole dentri e si mûr inneâts" di Dree Valcic
tignî v.intr.
(ti-gnî)
Vê a cûr
sinonims
tignîi
esemplis
"ognun al tignive ae dignitât de sô glesie"
gjavât fûr di "Cjase di Dalban" di Maria Forte
tignî v.tr.
(ti-gnî)
Vê une cierte opinion, intune cierte considerazion
sinonims
vê
esemplis
"dai miei problemis tu âs dome ridût parcè che tu ju tignivis tant che robe di fruts"
gjavât fûr di "Ricuarts e inlusions" di Enrico Martina
""Us al zuri, santule; savês che o us ten par mari""
gjavât fûr di "A passe la scalmane" di Anute Fabris
"no stin po discori dai framassons. Chei, invezit che par ligjeris e par barabis, a son tignûts par int di stime"
gjavât fûr di "Ligjeris, barabis e pacifiscj" di Riedo Pup
detulis
"a tignî i dincj denant de lenghe, al è simpri un bon consei"
"a tignî i dincj sierâts in bocje, al è simpri un bon consei"
"a tignî la bocje sierade, no jentrin lis moscjis"
"ai malâts no si po tignîur il suspîr"
"al è lari cui che al robe e cui che i ten il sac"
"al è lari tant cui che al robe che cui che al ten il sac"
"al è miôr tignîlu pe brene che no alçâlu pe code"
"al è tant lari chel che al robe che chel che al ten il sac"
"al fâs mâl tant cui che al ten che cui che al scortee"
"al fâs mâl tant cui che al ten che cui che al scuarte"
"chê persone che no ten la mortificade, no vignarà mai ni buine ni brave"
"cuant che la polente e je piçule, tenti la tô fete in man"
"cui che al à fortune che se tegni"
"cui che al ten cont dal pôc al ten cont ancje dal trop"
"cui che al vûl un mangjon che al tegni un stiçon"
"daspò mangjât e bevût, une prese di tabac e ten passût"
"daspò mangjât e bevût, une prese e ten passût"
"il forment plui si lu ten e plui ben si lu vent"
"la cite rote e je chê che e ten dûr"
"la femine dal mulinâr e ten simpri un biel gjalinâr"
"miôr ten, ten che no pie, pie"
"miôr tignîlu pe cjavece che no alçâlu pe code"
"no bisugne tignî pe spine e pierdi pal cjalcon"
"no si po tignî e scorteâ"
"nol vâl tignî sierade la spine se il vin si spant pal cjalcon"
"sac forât nol ten farine"
"se il draç nol ten aghe, al reste bagnât"
"ten la puce lontan di cjase"
"une bree che no ten claut e je dome di brusâ"
torne sù
torne sù