Tu âs cirût la peraule
bilengâl monolengâl
Tu âs cirût la peraule
rimediare
torne indaûr

bilengâl

rimediare v.tr., v.intr.
  • 1a

    v.intr. justâ, comedâ, mendâ, rimedeâ Copie

    [AU] (cjatâ une soluzion, frontâ un dam)
    deve rimediare ai suoi errori = al à di mendâ i siei fai
  • 1b

    v.intr. proviodi, viodi Copie

    [CO] (suplî)
    hanno rimediato a tutto quello che serviva = a àn viodût di dut ce che al coventave
  • 2

    v.tr. justâ, rimedeâ Copie

    [CO] (fâ lâ in miôr une situazion negative)
    bisogna rimediare la situazione = i vûl justade la situazion
  • 3a

    v.tr. tirâ dongje Copie

    [CO] (parâ dongje)
    studia molto, ma rimedia brutti voti = al studie une vore, ma al tire dongje bruts vôts
  • 3b

    v.tr. tirâ sù, tirâ dongje Copie

    [CO] (vê alc di negatîf)
    il nuovo film ha rimediato una critica negativa = il gnûf film al à tirât sù une critiche negative
  • 4

    v.tr. rangjâ, fâ fûr Copie

    [CO] (tirâ fûr alc, a voltis cuntun tic di inzen e fortune)
    ha rimediato una gonna da un po' di scampoli = e à rangjade une cotule di un pôcs di scampui

monolengâl

comedâ v.tr.
(co-me-dâ)
Fâ che alc che al jere rot o disjustât o che nol funzionave ben al torni a puest
sinonims
cuinçâ, justâ, rangjâ, regolâ, sistemâ
esemplis
"il paron de oficine li che al lavorave je veve procurade [une moto Guzzi Falcone], incidentade e curumbulade, ma e veve fatis lis garis e lis veve vinçudis, duncje e meretave une seconde pussibilitât. Cussì Relio le veve comedade un pôc ae volte"
gjavât fûr di "Il svol dal Falcone" di Antescûr
"il tet, vieri come che al jere, al veve masse gotis par comedâlu e po i trâfs scuasit ducj carulîts o fraits"
gjavât fûr di "Il mâl dal mûr" di Lucio Perès
"si inzegnave a comedâ ancje svearinis e orlois, par cjapâsi un franc e passâ lis zornadis"
gjavât fûr di "Pre Pitin" di Antoni Beline
comedâ v.tr.
(co-me-dâ)
Fâ che alc al sedi miôr di ce che al è
sinonims
justâ, dreçâ, mendâ, corezi
esemplis
"cualchi senatôr de Sardegne al à presentât almancul un emendament che al comedàs il test dal dissen di leç"
gjavât fûr di "Rai e furlan: la Italie e je «una e incorreggibile»" di Marc Stolf
comedâ v.tr.
(co-me-dâ)
Fâ che un difiet si ridusi o al sparissi
sinonims
justâ, mendâ, corezi
esemplis
"l'obietîf [dal gnûf diretôr] al è [...] di meti in ordin lis competencis e comedâ lis disfunzions inte struture, che a jerin evidentis"
gjavât fûr di "Un Friûl difarent: i 90 mhz di Onde Furlane" di Max Mauro
comedâ v.tr.
(co-me-dâ)
Cjatâ une soluzion (fig.)
sinonims
justâ, rangjâ, regolâ, sistemâ, dreçâ
esemplis
"il Parlament al someave che al ves tante premure di comedâ il vulnus legjislatîf su la cuistion"
gjavât fûr di "Interviste a Amato De Monte" di Christian Romanin
"ducj i miei dubis a saressin restâts tant che prin, parcè che dute la cuistion e jere aromai imbombade di malfidence, e no si podeve plui comedâle"
gjavât fûr di "Il dolfin" di Carlo Sgorlon
comedâ v.intr.
(co-me-dâ)
Metisi in cunvigne, cjatâ une soluzion che ur ledin ben a plui di lôr
sinonims
cordâsi, justâsi, justâle
esemplis
"Pieri e Dreute, i fradis di Anzuline, a vevin tentât di comedâ cun Vigji, ma chel al jere come incjocât e al dismenteave dut [il so impegn cun Anzuline]"
gjavât fûr di "Il tei" di Maria Forte
comedâ v.tr.
(co-me-dâ)
Meti intun ciert puest, meti in ordin
sinonims
disponi, distrigâ, ordenâ, rangjâ, regolâ, rezi
esemplis
"e faseve une lave par che no cjapàs di zâl, le slargjave tal soreli su la jerbe dal prât, le comedave ben in rie"
gjavât fûr di "La fie çuete" di Maria Forte
"Nart al tirà incà la cjadree par che si sentàs il frut, e Mariute lu comedà tal so puest"
gjavât fûr di "La division" di Dino Virgili
"e scomence a cjarinâ Renato sui cjavei, po lu busse disintji: «Il gno tato la mê anime, tu, la mê lûs!». E comede i cjavei sgardufâts, e i spacuce il vistît: «Tu il gno biel, il gno tato…»"
gjavât fûr di "Tirâ sù fruts" di Meni Ucel
comedâ v.tr.
(co-me-dâ)
Fâ cuintri a cdn., a peraulis o ancje a pachis
sinonims
cuinçâ, justâ, rangjâ, regolâ, sistemâ, petenâ, costumâ, dreçâ
esemplis
"spiete che mi vegni dongje, e lu comedi ben jo chel disgraciât"
detulis
"cui che nol comede la piçule buse al comede la grande"
"dut si comede fûr che il grop dal cuel"
"dut si comede fûr che il vues dal cuel"
"si po comedâ dut fûr che la muart"
torne sù
torne sù