Tu âs cirût la peraule
bilengâl monolengâl
Tu âs cirût la peraule
riprendere
torne indaûr

bilengâl

riprendere v.tr., v.intr.
  • 1a

    v.tr. tornâ a tirâ sù, tornâ a cjapâ, tornâ a cjoli Copie

    (gugjant, tornâ a meti sul fier une maie colade o lassade a mieç)
    riprendere una maglia = tornâ a cjapâ une maie

    v.tr. tornâ a cjoli Copie

    (tornâ a sposâsi)
    riprendere marito = tornâ a cjoli un om

    v.tr. tornâ a cjapâ, tornâ a cjoli Copie

    [FO] (cjapâ, cjoli une altre volte)
    riprendere il libro per leggere di nuovo = tornâ a cjapâ il libri par lei ancjemò

    v.intr. tornâ a tacâ, tornâ a començâ Copie

    (par introdusi un discors indiret)
    smetti un attimo di parlare e poi riprendi = ferme un moment di fevelâ e daspò torne tache

    v.intr. tornâ Copie

    [FO] (tornâ a començâ a fâ alc)
    riprendere a correre = tornâ a cori
    riprendere a studiare = tornâ a studiâ
  • 1b

    v.tr. tornâ a cjapâ, tornâ a cjoli Copie

    [FO] (grampâ, cjapâ, strenzi, abraçâ o alçâ alc une altre volte , spec. par afiet e confidence)
    riprendere per mano = tornâ a cjoli par man

    v.intr. tornâ, ripiâ, tornâ a tacâ Copie

    [FO] (di alc, començâ une altre volte)
    dopo una pausa il lavoro riprende = daspò di une polse il lavôr al torne a començâ
    riprende a piovere = al torne a plovi
  • 1c

    v.tr. ripiâ, tornâ a cjapâ, tornâ a cjoli Copie

    [FO] (brancâ, brincâ, becâ)
    riprendere un malvivente = ripiâ un malvivent

    v.tr. cjapâ, tornâ a cjapâ Copie

    (rivâ a cjapâ)
    dopo la caduta il corridore ha ripreso il gruppo = dopo colât il coridôr al à tornât a cjapâ il grup
  • 2

    v.tr. tornâ a cjapâ, tornâ a cjoli Copie

    [FO] (doprâ une altre volte come traspuart)
    riprendere il treno per tornare a casa = tornâ a cjoli il tren par tornâ a cjase

    v.intr. cjapâ, ripiâ Copie

    [FO] (di veicul, vê riprese)
    una moto che riprende bene = une moto che e cjape ben
  • 3

    v.intr. tornâ a butâ, tornâ a menâ Copie

    [FO] (di plante, tornâ vivarose, infuartîsi)
    quel gelsomino era quasi morto, con la pioggia ha ripreso bene = chel zessalmin al jere scuasi muart, cu la ploie al à tornât a menâ ben

    v.tr. tornâ a cjapâ Copie

    [FO] (ricevi o cjapâ une altre volte un colp, une pache e v.i.)
    riprendere una sberla = tornâ a cjapâ un pataf oppure cjapâ un altri pataf
  • 4

    v.tr. cjoli indaûr Copie

    [FO] (cjoli indaûr alc che si è dât o vendût)
    riprendere un anello dato in regalo = cjoli indaûr une vere dade di regâl
  • 5

    v.tr. cjoli Copie

    [FO] (puartâ vie cun se cdn. che al jere stât puartât intun lûc)
    vengo a riprenderti all'uscita del teatro = o passi a cjoliti fûr dal teatri
  • 6

    v.tr. tornâ a cjapâ Copie

    [FO] (jentrâ une altre volte intune strade)
    riprendere la strada del lago = tornâ a cjapâ la strade dal lât
  • 7

    v.tr. tornâ a cjapâ Copie

    [FO] (concuistâ, ocupâ une altre volte)
    i soldati hanno ripreso il forte = i soldâts a àn tornât a cjapâ il fuart
  • 8

    v.tr. tornâ, ripiâ, tornâ a tacâ, tornâ a cjapâ Copie

    [FO] (continuâ daspò di une fermade)
    riprendere a dormire dopo un incubo notturno = tornâ a durmî daspò di un brut sium
    riprendere il lavoro dopo le ferie = tornâ a cjapâ vore daspò des feriis
  • 9

    v.tr. tornâ a cjapâ Copie

    [FO] (cuistâ une altre volte, recuperâ)
    riprendere coraggio = tornâ a cjapâ cûr
  • 10

    v.tr. tornâ a cjapâ Copie

    [FO] (di sensazions fisichis o di sintiments, penetrâ une altre volte une vore, insot, e v.i.)
    lo riprende la malinconia = lu torne a cjapâ la malinconie
    mi ha ripreso il mal di schiena = mi à tornât a cjapâ il mal di schene
  • 11

    v.tr. corezi, avertî, munî, mendâ Copie

    [FO] (costumâ, cridâ)
    riprendere il cattivo comportamento di una persona = corezi la brute condote di une persone
    riprendere uno scolaro = munî un arlêf
  • 12

    v.tr. cjapâ, cjoli Copie

    [FO] (cjapâ di un model, cjoli sù e svilupâ in formis gnovis)
    un progetto che riprende l'impianto delle case nordiche = un progjet che al cjape l'implant des cjasis nordichis
  • 13

    v.tr. cjapâ, filmâ Copie

    [FO] (riprodusi figuris cuntune cineprese o telecjamare)
    i giornalisti hanno ripreso gli scontri in piazza = i gjornaliscj a àn cjapât i scuintris in place

    v.tr. cjapâ, fotografâ Copie

    (riprodusi figuris cuntune machine fotografiche)
    questa fotografia mi riprende durante la festa = cheste fotografie mi cjape intune fieste
  • 14

    v.tr. tornâ a cjapâ Copie

    [TS] sart. (riferintsi a vistîts, rinfuarcî, o strenzi)
    bisogna riprendere l'orlo = bisugne tornâ a cjapâ l'ôr
  • 15

    v.tr. tornâ a tirâ Copie

    [TS] mar. (tornâ a meti in tension une cuarde lasche)
    bisogna riprendere il cavo della barca = bisugne tornâ a tirâ la soie de barcje

locuzions

    riprendere conoscenza
  • dâ di ca, tornâ di ca, tornâ tal so jessi, tornâ tai siei sintiments, rivignîCopie
    [CO] (tornâ a cjapâ l'ûs des sôs abilitâts percetivis e sensoriâls)
    è svenuto, ma dopo ha ripreso conoscenza = al à pierdût i sintiments, ma daspò al è tornât di ca
    • riprendere coscienza
  • [CO] (cjale riprendere conoscenza)
    • riprendere fiato
  • tirâ flât, ripiâ flâtCopie
    [CO] (polsâ un moment daspò di vê fate une fadie)
    non lasciar riprendere fiato = no lassâ ripiâ flât
  • tirâ flât, ripiâ flâtCopie
    [CO] (fâ un pocje di vacance)
    ho ripreso fiato qualche giorno al mare = o ai tirât flât cualchi dì al mâr
    • riprendere i sensi
  • [CO] (cjale riprendere conoscenza)
    • riprendere in mano
  • tornâ a cjapâ sù, tornâ a cjapâ in manCopie
    [CO], [TS] (tornâ a vê il control di alc)
    riprendere in mano la situazione = tornâ a cjapâ in man la situazion
  • tornâ a cjapâ sù, tornâ a cjapâ in manCopie
    [CO], [TS] (tornâ a scrutinâ alc spec. par mudâlu in part)
    riprendere in mano un progetto = tornâ a cjapâ sù un progjet
  • tornâ a cjapâ sù, tornâ a cjapâ in manCopie
    [CO] (cun daûr un complement che al indiche il strument tipic di une cierte ativitât, tornâ a tacâle)
    riprendere in mano carta e penna = tornâ a cjapâ in man cjarte e pene
    • riprendere le armi
  • tornâ a cjapâ sù lis armis, tornâ a bataiâ, tornâ a combatiCopie
    [CO] (tornâ a tacâ a combati)
    è finita la pace, si riprendono le armi = e je finide la pâs, si torne a bataiâ

monolengâl

cjoli v.tr.
(cjo-li)
Cjapâ alc, massime cu lis mans
sinonims
cjapâ, cjapâ sù, cjoli sù, gafâ, grampâ, racuei, tirâ sù
esemplis
"e va tal armâr a cjoli la padiele di tiere dal cicin. Le cjol e e sint che no pese. I alce la covertorie e e je vueide"
gjavât fûr di "Il cicin" di Meni Ucel
Viôt ancje: toli, tuoli, cjueli
cjoli v.tr.
(cjo-li)
Puartâ vie, puartâ alc cun se par tignîlu, par doprâlu
esemplis
"se ti covente alc, tu puedis cjoli ce che tu vûs"
gjavât fûr di "Prime di sere" di Carlo Sgorlon
cjoli v.tr.
(cjo-li)
Tirâ vie, tirâ fûr par tignî o par puartâ di cualchi bade
esemplis
"Clement, par esempli, che al leve a cjoli glerie te Tor cu lis vacjis, tornant, si fermave a Godie plen di fam e di sêt"
gjavât fûr di "I furlans e lis bestiis" di Riedo Pup
cjoli v.tr.
(cjo-li)
[CO] (zûcs) Intai zûcs di cjartis, meti une cjarte tra chês che si ten in man o tra chês che si à vinçût
sinonims
pescjâ, cjapâ, cjapâ sù, cjoli sù
esemplis
"a briscule ogni zuiadôr al met jù une des trê cjartis che al à in man, po, prime di fâ une altre zuiade, al cjol une cjarte dal mac"
cjoli v.tr.
(cjo-li)
Sielzi e comprâ
sinonims
cjapâ, cuistâ, comprâ
esemplis
"cor sù in speziarie a cjoli lis medisinis di cheste recipe"
gjavât fûr di "Cjase di Dalban" di Maria Forte
"mi coventin cinc francs par cjoli il sâl, il vueli, il zucar"
gjavât fûr di "La buteghe dal barbîr" di Pieri Somede dai Marcs
cjoli v.tr.
(cjo-li)
Doprâ come mieç di traspuart
sinonims
cjapâ
esemplis
"o voi in stazion a cjoli la coriere"
cjoli v.tr.
(cjo-li)
Ricevi, acetâ ce che al ven proferît
sinonims
cjoli sù, cjapâ, ricevi, vê, tirâ, cjapâ sù
esemplis
"il premi al varà di jessi cjolt di persone o di un fiduciari cun deleghe scrite"
gjavât fûr di "Regolament di "Zâl par Furlan"" di Aministrazion Publiche
cjoli v.tr.
(cjo-li)
Vê in possès ma no in proprietât, daûr di ciertis cundizions
esemplis
"sô pari, natîf di Braçan, al veve cjolt in afit un mulin su lis nestris roiis"
gjavât fûr di "La mulinarie" di Catarine Percude
cjoli v.tr.
(cjo-li)
Tacâ a tignî cun se alc o cdn. par puartâlu di cualchi bande
sinonims
cjapâ sù, cjoli sù, tirâ, tirâ sù
esemplis
"si va a cjoli la robe de nuvice cul cjar e i bûs ducj inrosâts"
gjavât fûr di "La aghe da pît la cleve" di Dino Virgili
"il president si scusà che nol veve tant timp par gustâ. E i tocjave mangjâ pôc e lizêr. Un elicotar al sarès vignût a cjolilu aes dôs justis"
gjavât fûr di "Il sorbet di limon" di Agnul di Spere
cjoli v.tr.
(cjo-li)
Puartâ vie alc, spec. cu la fuarce
sinonims
cjoli sù, curâ, puartâ vie, robâ, gafâ
esemplis
"[Carli il Grant] al fasè un maçalizi di chei Langobarts che a si jerin rivielâts. Altris a 'ndi mandà vie lontans, altris a 'ndi metè in preson e ur cjolè dut ce che vevin"
gjavât fûr di "Cuintristorie dal Friûl fin sot la Italie" di Josef Marchet
"cuant che a àn di preparâ un popul e fâlu deventâ sotan e fâlu ubidî simpri in dut e pardut, la prime robe che i cjolin, i cjolin la sô lenghe"
gjavât fûr di "I furlans a àn di preâ te lôr lenghe par cuistions di religjon e di dignitât" di Francesc Placerean
cjoli v.tr.
(cjo-li)
Fâ murî
esemplis
"o prei Chel là sù che mi cjoli daurman, prin che o puedi viodi i miei paîs plui progredîts di cussì!"
gjavât fûr di "Lis predicjis dal muini" di Josef Marchet
cjoli v.tr.
(cjo-li)
Di alc, impegnâ un ciert puest o un ciert timp
sinonims
tignî, cjapâ, puartâ vie
esemplis
"lis facendis burocratichis, tra bancje, pueste e comun, mi àn cjolte dute la matine"
cjoli v.tr.
(cjo-li)
Sielzi e paiâ par fâ un lavôr
sinonims
cjapâ, cjapâ sù, cjoli a vore
esemplis
"lui al veve cjolt un bon avocat, ma nol rivave a viodi lis robis avonde claris par decidi ce fâ"
gjavât fûr di "Frêt" di Agnul di Spere
"il sindic lu veve cjolt a zornade tal ufici dal lavôr e dai sussidis"
gjavât fûr di "Chei di Muraie" di Pieri Menis
cjoli v.tr.
(cjo-li)
Sielzi cdn. par une cierte funzion
sinonims
becâ, brincâ, cjapâ sù, cjoli sù, cucâ, dâ sotet, piâ, tirâsi dongje
esemplis
"al casting dal prossim reality, chest colp, o soi sigûr, a ti cjolin ancje te"
gjavât fûr di "Al prossim casting ti sielzin te" di Maurizio Mattiuzza
cjoli v.tr.
(cjo-li)
Sielzi e tignî tant che compagn sentimentâl, soredut cul matrimoni
esemplis
"jo no i volevi ben: lu ai cjolt par dismenteâti te che tu jeris sposât"
gjavât fûr di "Ombrenis sul liston" di Dino Virgili
"cheste siore e à cjatade la magne tal cjamp e le à copade, però dopo i à dite: Va là, va là, jo ti ai copade te, ma tu cjoliti mê madone!"
gjavât fûr di "Il miluç de magne" di Sandri Carrozzo
"cjolmi me, cjolmi ninine / contentine tu sarâs / une male perauline / tu di me no tu varâs"
gjavât fûr di "Cjolmi me" di Popolâr
cjoli v.tr.
(cjo-li)
Acetâ e tignî in famee
sinonims
cjapâ sù, cjapâ, tirâ dongje
esemplis
"une frute che o vin cjolte par caritât"
gjavât fûr di "Int di masnade" di Alviero Negro
cjoli v.tr.
(cjo-li)
Tratâ cdn. intun ciert mût (fig.)
cjoli v.tr.
(cjo-li)
Dâ acet a alc o a cdn. intun ciert mût
sinonims
piâ, tignî, cjapâ
esemplis
"lu vevin cjolt in fraie tra di lôr, subit che al jere tornât, come un "fi prodic""
gjavât fûr di "Tal ospedâl" di Amedeo Giacomini
"sant Pieri, inmusonât e grintôs, nol faseve altri che bruntulâ e cjoli dut par traviers chel che i diseve il Signôr"
gjavât fûr di "Lis âfs" di Catarine Percude
cjoli v.tr.
(cjo-li)
Sielzi ce fâ e metilu in vore
sinonims
cjapâ
esemplis
"a Comission e scomençà subit a cjoli decisions impuartantis"
gjavât fûr di "Zuan Batiste Cavedalis - Une vite esemplâr" di Giovanni Pillinini
cjoli v.tr.
(cjo-li)
Bevi o mangjâ, in gjenerâl o soredut cuant che si è tun ambient o cuant che si è ospits
sinonims
bevi, mangjâ, parâ jù
esemplis
"jentrait, comodaitsi! Cjolêso alc, di ce che al è: un got di cafè di vuardi, un tai di bacò?"
gjavât fûr di "Il muc" di Roberto Ongaro
"tu sâs che il miedi ti à ordenât di no cjoli ni cafè, ni licôrs"
gjavât fûr di "Un pugn di moscjis" di Pieri Somede dai Marcs
"fermiti un moment, che o lin a cjoli alc insiemi"
gjavât fûr di "Destins" di Pieri Somede dai Marcs
cjoli v.tr.
(cjo-li)
Fâ jentrâ cualchi sostance tal organisim, glotintle o in altris manieris
sinonims
gloti, parâ jù, meti dentri
esemplis
"Vigji Trep, che dopo i otante al à scugnût cjoli lis gotis, lis contave une par une fin la ultime"
gjavât fûr di "I furlans e lis medisinis" di Riedo Pup
"bisugne che si meti in jet, doman matine che e cjoli une purghe"
gjavât fûr di "Ursule" di Pieri Somede dai Marcs
"cjoli une medisine che si crôt che e funzioni al pues ativâ i mecanisims de ricompense che a molin la dopamine, un impuartant neuromediatôr che al jude la persone a stâ subit ben"
gjavât fûr di "Neurosiencis dal dolôr" di Franc Fari
cjoli v.tr.
(cjo-li)
Regjistrâ une misure
sinonims
misurâ, cjapâ
esemplis
"il marangon i cjol la misure e po i fâs il coni e jal met a strent"
gjavât fûr di "Chê de principine" di Andreina Nicoloso Ciceri
cjoli v.tr.
(cjo-li)
Pensâ che alc o cdn. a sedin un altri par vie che si somein
sinonims
scambiâ, cjapâ
esemplis
"di lontan lu vevi cjolt par so fradi"
cjoli v.tr.
(cjo-li)
Ancje in espressions retorichis o enfatichis, sielzi tant che esempli, model, argoment e v.i.
sinonims
ripuartâ
detulis
"bisugne cjoli il ben cuant che al ven e il mâl cuant che si scuen"
"bisugne cjoli l'abûs e tornâ l'ûs"
"bisugne cjoli la int come che e je"
"cjoli il ben cuant che al ven e il mâl cuant che si scuen"
"cjoli l'abûs al è tornâ l'ûs"
"cjolimi di grant e tornimi di piçul"
"cuant che il Signôr al vûl pierdi un, i cjol il judizi"
"cuant che no 'nd è, no si 'nt po cjoli"
"cui che al vûl un cjan di cjace che lu cjoli di raze"
"cui che al vûl vivi e che al vûl stâ ben che al cjoli il mont come che al ven"
"cul pôc si cjol e cul trop si fâs gnocis"
"cun zeis no si va a cjoli aghe"
"dulà che a 'nd è, si po cjoli"
"dulà che no 'nd è no si po cjoli"
"il mont al è simpri biel par cui che lu sa cjoli"
"il vin i da fuarce a la lenghe e ur e cjol a lis gjambis"
"no bisugne cjoli une gjate tal sac"
"no si cjol la ombrene par une sole ploie"
"no stâ mai cjoli une gjate intun sac"
"par stâ ben: cjoli il mont come che al ven"
"prin di lâ a cjoli il purcit, si à di fâ il cjôt"
"prin ton a soreli jevât, cjol il sac e va a marcjât; prin ton a soreli a mont, cjol il sac e va pal mont"
"si cjol lis moletis par no scotâsi"
"siroc e tramontan a menin vin e pan, buere e garbin a cjolin pan e vin"
"tant si 'nd à e tant la int si 'nt cjol"
"un bon consei cjolilu ancje di un cjalçumit"
torne sù
torne sù