Tu âs cirût la peraule
bilengâl monolengâl
Tu âs cirût la peraule
sconvolgere
torne indaûr

bilengâl

sconvolgere v.tr.
  • 1

    v.tr. savoltâ Copie

    [AU] (devastâ, ruvinâ in maniere grivie)
    l'inondazione sconvolse la città = la diluvion e savoltà la citât
  • 2

    v.tr. savoltâ Copie

    [AU] (fâ disordin)
    per cercare le sue carte ha sconvolto la camera = par cirî lis sôs cjartis al à savoltade la cjamare
  • 3

    v.tr. savoltâ, voltâ Copie

    [AU] (provocâ malstâ, spec. in sens fisic)
    questo freddo mi ha sconvolto lo stomaco = chest frêt mi à savoltât il stomi
  • 4a

    v.tr. savoltâ Copie

    [AU] (devastâ dal moment e cun violence un ecuilibri politic, sociâl, economic e v.i.)
    la guerra aveva sconvolto l'assetto geopolitico dei Balcani = la vuere e veve sconvolzût l'asset gjeopolitic dai Balcans
  • 4b

    v.tr. savoltâ, vuastâ Copie

    [AU] (ruvinâ un progjet)
    per fortuna la pioggia non ha sconvolto le nostre vacanze = par fortune la ploie no à vuastât lis nestris feriis
  • 5

    v.tr. savoltâ Copie

    [AU] (segnâ insot)
    quei tragici avvenimenti lo sconvolsero = chei acjadiments tragjics lu savoltarin

locuzions

    sconvolgere l'anima
  • ribaltâ la anime, savoltâ la anime, strassomeâCopie
    [CO] (procurâ o procurâsi un grant disorientament psicologjic)

monolengâl

voltâ v.tr.
(vol-tâ)
Indreçâ di une cierte bande o di une altre bande (ancje fig.)
sinonims
dreçâ, indreçâ, mandâ, movi, zirâ
esemplis
""No, no pues durmî, o ai tante pene" e e voltà il cjâf sul cussin par scuindi lis lagrimis"
gjavât fûr di "Il segno" di Pieri Somede dai Marcs
"jê e voltà i voi spalancâts di chê altre bande cence rispuindi"
gjavât fûr di "La aghe dal Ariul" di Maria Forte
"in Friûl - volte la telecjamare di ce bande che tu vûs - a vegnin fûr nome casermis, cjars armâts, polvarieris"
gjavât fûr di "I furlans e la television" di Riedo Pup
"Ustin le judà a dismontâ sul marcjepît po al voltà dentri cjaval e caretin"
gjavât fûr di "La tiere di Lansing" di Maria Forte
voltâ v.tr.
(vol-tâ)
Meti intune cierte posizion o in posizion contrarie (ancje fig.)
sinonims
ribaltâ, rivoltâ, zirâ
esemplis
"al cjapave la borse vueide, le voltave cu la bocje injù, le spalancave inmò une volte - che nol fos restât cualchi carantan impirât tal ravai de cusidure"
gjavât fûr di "I furlans e il muini" di Riedo Pup
"Nando si ferme e le cjale, po al volte une altre pagjine e al lei"
gjavât fûr di "Mame..." di Pieri Somede dai Marcs
"«Miôr viodilu muart» i scjampà di dî e par un moment e voltà il ritrat di lui cuintri il mûr"
gjavât fûr di "La tiere di Lansing" di Maria Forte
"il spieli al volte lis robis, e ce che al è a man drete lui lu puarte a çampe"
gjavât fûr di "Sul florî" di AAVV
voltâ v.tr.
(vol-tâ)
[TS] (sart.) Discusî e tornâ a cusî un vistît doprât, o sim., in maniere che la bande didentri e ledi parfûr e al somei mancul fruiât
esemplis
"e veve simpri cusît par dutis lis feminis e fantatis dal paîs, dai capots di voltâ ai vistiduts di bombasine di puartâ par cjase"
gjavât fûr di "Il muc" di Roberto Ongaro
voltâ v.tr.
(vol-tâ)
Convinci (fig.)
esemplis
"jê e rispuindeve che le vessin lassade in pâs. E no jerin sants a voltâle"
gjavât fûr di "Cjase di Dalban" di Maria Forte
"un pôc a la volte sperìn di voltâ la parone"
gjavât fûr di "Ursule" di Pieri Somede dai Marcs
"al jevave cuant che al voleve e, se al diseve che une robe no i lave di fâ, nissun lu voltave"
gjavât fûr di "Chei di Muraie" di Pieri Menis
voltâ v.tr.
(vol-tâ)
Presentâ un discors, un argoment, une situazion intune cierte maniere (fig.)
sinonims
ribaltâ, rivolzi, zirâ indaûr, zirâ, rivoltâ
esemplis
"al è pussibil che [...] e sedi rivade a voltâje tant ben di lassâlu ca biel che jê e partive cui bêçs"
gjavât fûr di "Ah! la provincie" di Sandri Di Suald
voltâ v.tr.
(vol-tâ)
Passâ un test scrit o orâl di une lenghe a une altre, di un nivel espressîf o di un regjistri linguistic a un altri
sinonims
tradusi
esemplis
"Martin Lutar al à voltade la Biblie par todesc in pôcs agns"
gjavât fûr di "Memoriis di politiche linguistiche" di Adrian Cescje
"baste pensâ al nestri Busiç, che al à voltât par furlan in otavis dut Virgjili"
gjavât fûr di "Friûl e furlans te Histoire de ma vie di Giacomo Casanova" di Pierluigi Visintin
voltâ v.intr.
(vol-tâ)
Cambiâ di direzion
sinonims
zirâ
esemplis
"Zac al coreve come un mat e al someave che al savès dulà lâ: a la prime crosere al voltà a drete"
gjavât fûr di "Light my Fire" di Franco Marchetta
"voltarin infin, par scurtâ la strada, a dreta, lontan dal cjampanili isolât di Sant Pieri"
gjavât fûr di "Il me paîs" di Federigo Comelli
voltâ v.intr.
(vol-tâ)
Cambiâ di aspiet, forme, sostance, nature e v.i.
sinonims
voltâsi, cambiâ, mudâ
esemplis
"une robe cussì biele no podeve durâ. E di fat no je durade; e je voltade"
gjavât fûr di "I furlans e la Vite Catoliche" di Riedo Pup
detulis
"plui si volte e plui si bruse"
"voltât il cjanton, passade la passion"
torne sù
torne sù