Hai cercato la parola
bilingue monolingue
Hai cercato la parola
seguito
Torna indietro

bilingue

seguito
  • 1

    s.m. compagnatori, acompagnatori Copia

    [FO] (grup di personis che a compagnin un personaç impuartant)
    il seguito del re di Francia era molto numeroso = l'acompagnatori dal re di France al jere une vore grant
  • 2a

    s.m.

    [FO] (grup di personis che a poin une dotrine, une idee e v.i.)
    il governo ha molto seguito = il guvier al à une vore di sucès oppure di credibilitât oppure di poie di bande de int
    la nuova proposta ha seguito tra i giovani = la gnove propueste e incuintre un grum jenfri i zovins
  • 2b

    s.m. sucès, incuintri Copia

    [FO] (favôr, agradiment)
    il nostro richiamo non ha avuto molto seguito = il nestri invît nol à vût cui sa ce sucès
  • 3

    s.m. cjadene Copia

    [FO] (sfilze di acjadiments, spec. negatîfs)
    la sua carriera scolastica è un seguito di successi = la sô cariere scolastiche e je une cjadene di bogns risultâts
  • 4

    s.m. continuazion Copia

    [FO] (continuazion di une conte, di une storie)
    il seguito ve lo racconterò domani = la continuazion us e contarai doman
  • 5

    s.m. consecuence Copia

    [FO] (par dî risultât)
    quella serie di litigi ha avuto come seguito la separazione della coppia = chê rie di barufis e à vût tant che consecuence la separazion dai doi

locuzioni

    a seguito di
  • [CO], [TS] (vedi in seguito a)
    • al seguito
  • daûrCopia
    [CO] (di une machine o di une biciclete, che a viazin suntun un tren parie cul paron, o di alc altri che un si puarte daûr intal viaç che al fâs)
    ci sono viaggiatori con bici al seguito = a son viazadôrs cu la biciclete daûr viaggiava con due camerieri e cinque valigie al seguito = al viazave cun doi camarîrs e cinc valîs daûr oppure cun se
    • cane da seguito
  • cjan di usme, cjan di cjaceCopia
    [CO] (cjan di cjace che al à di distanâ e cori daûr al salvadi)
    • di seguito
  • in rie, daurmanCopia
    [CO] (cence fermâsi, di un continui)
    ha risposto correttamente quattro volte di seguito = al à rispuindût just cuatri voltis in rie oppure une daûr di chê altre qui di seguito = chi daurman
    • e via di seguito
  • [CO] (vedi e via dicendo)
    • fare seguito
  • vignî daûr, vignî daspòCopia
    [CO] (-)
    la convocazione dell'assemblea ha fatto seguito alle dimissioni del presidente = la clamade de assemblee e je vignude daûr des dimissions dal president
    • in seguito
  • plui indenant, daspò, dopoCopia
    [CO] (intun secont timp)
    lo vedremo in seguito, non preoccuparti = lu viodarìn daspò, no stâ vê pôre
    • in seguito a
  • par vie di, daspò di, cause che, par cause di, in cause diCopia
    [CO], [TS] (in consecuence di)
    in seguito all'incidente ha perso una settimana di lavoro = par cause dal incident oppure cause l'incident al à pierdût une setemane di lavôr

monolingue

cjadene s.f.
(cja-de-ne)
Sfilze di anei di fier o sim., leâts fra di lôr, doprade par peâ, picjâ, sierâ, e v.i.
sinonimi
rutice
esempi
"la cjadene dal fogolâr"
"la cjadene dal poç"
"leâ la biciclete cu la cjadene"
"sierâ il porton cu la cjadene"
"in mancul che si sta a dîlu, al nas un cjadaldiaul e un clamâsi, e dut ator un vuacâ di cjans peâts aes cjadenis"
da "Doro" di Pieri Menis
"i bûs su la strade a scjassavin il cjâf sdrindulant lis cjadenis dal jôf e il cjaradôr si voltà come a visâsi che la sô strade lu spietave"
da "La aghe da pît la cleve" di Dino Virgili
"i galiots a vevin la cjadene tal pît e a spacavin pieris cuntun mai"
da "Prime di sere" di Carlo Sgorlon
"artiscj a stomi crot a mangjavin stope e a spudavin fûc, a spacavin cjadenis cul stomi, a tiravin curtìs cuintri une bree e cjans amaestrâts a balavin su dôs gjambis"
da "Come tai romançs" di Alan Brusini
cjadene s.f.
(cja-de-ne)
Sflize di maiis finis di metal, ancje preziôs, doprade sedi par tignî leât cualchi complement dal vistiari sedi dome par ornament
sinonimi
cordon
esempi
"lui al someave un siôr: la gjachete vierte sul gjilè a cuadrei, la cjadene dal orloi di arint"
da "Come tai romançs" di Alan Brusini
"il siôr i lasse une cjadene di aur che al meti al frut cuant che al è grant, e ancje un pôcs di bêçs che lu inscueli, e cuant che al à finît dodis agns che lu mandi là di lui"
da "Pipeta Sclagarot" di Andreina Nicoloso Ciceri
cjadene s.f.
(cja-de-ne)
Spec. tal pl., sorte di rêt di cjadenis di montâ su lis gomis dai veicui par no sbrissâ su la nêf o su la glace
esempi
"in autostrade al è oblic di vê lis cjadenis in machine o lis gomis di nêf za montadis dai 15 di Novembar ai 15 di Avrîl"
cjadene s.f.
(cja-de-ne)
[CO] (mec.) Strument di trazion o trasmission di divers mecanisims
esempi
"onzi la cjadene de biciclete"
cjadene s.f.
(cja-de-ne)
Ce che al ten leadis personis, cjossis, situazions
sinonimi
leadure, leam, leant, peant, relazion, union
esempi
"simpri plui a strent nus vuelin peâts daprûf de lôr barache; simpri plui curte a vuelin che e sedi la cjadene che nus ten saldâts ai lôr interès"
da "Che si tirin in bande e che nus lassin tirâ flât" di Josef Marchet
cjadene s.f.
(cja-de-ne)
Complès formât di plui elements leâts un cun chel altri
esempi
"il Cumierç Just e Solidari e je une relazion paritarie fra ducj i sogjets ingaiâts te cjadene mercantîl"
da "Guide par un consum just e solidâl" di Buteghe dal Mont, Luche Nazzi
"bisugnave che la cjadene di control politic de politiche linguistiche no ves anei debii"
da "Memoriis di politiche linguistiche" di Adrian Cescje
cjadene s.f.
(cja-de-ne)
Rie di personis che si judin
esempi
"i operaris a fasin une cjadene par passâsi i modons"
"«Fasìn cjadene [par passâsi aghe e studâ il fûc]! … Salvìn ce che si po salvâ…» al sberlà il predi «fin che e je aghe tal poç.»"
da "Sflamiadis" di Pieri Menis
cjadene s.f.
(cja-de-ne)
Complès di ditis de stesse proprietât
esempi
"une cjadene di ristorants"
"une cjadene di supermarcjâts"
cjadene s.f.
(cja-de-ne)
Complès di monts
esempi
"in gjenerâl il clime de mont furlane al profite de disposizion di ovest a est de Cjadene Cjargnele e de sô elevazion, che e limite la influence des fuartis corints setentrionâls"
da "La mont furlane" di Mauro Pascolini, Andrea Guaran
cjadene s.f.
(cja-de-ne)
Sfilze di acjadiments, spec. negatîfs
sinonimi
corone, filaine, filze, litanie, rie, rieste, rosari, schirie, secuence, serie, sfilze
esempi
"chest an e je une cjadene di disgraciis che no finìs plui"
cjadene s.f.
(cja-de-ne)
[TS] (edil.) Trâf orizontâl de struture dal cuviert, che e ten sù il cavalet
cjadene s.f.
(cja-de-ne)
[TS] (artes.) Leadure tes acis par che a restin in ordin
proverbi
"lis feminis si leilis pe peraule, lis vacjis pe cjadene"
Torna in Cima
Torna in Cima