Tu âs cirût la peraule
bilengâl monolengâl
Tu âs cirût la peraule
spostare
torne indaûr

bilengâl

spostare v.tr.
  • 1

    v.tr. movi Copie

    [FO] (gjavâ alc dal puest indulà che si cjate e metilu di une altre bande)
    sposta la sedia vicino alla tavola = môf la cjadree dongje de taule

    v.tr. sburtâ, movi Copie

    (movi une persone dal puest indulà che e je)
    spostare una cassa = movi une casse
    spostare uno urtandolo = sburtâ un cuntune pocade
  • 2

    v.tr. movi, cambiâ di puest Copie

    [FO] (movi un ufici, une organizazion, un element organizatîf di un puest a di un altri)
    la sede della pro loco è stata spostata = la sede de pro loco le àn movude
    spostare la fermata del tram = cambiâ di puest la fermade dal tram

    v.tr. movi, cambiâ di puest Copie

    (stramudâ cdn. di sede o di implei)
    spostare un funzionario = movi un funzionari
  • 3

    v.tr. cambiâ Copie

    [FO] (plaçâ plui indenant o plui indaûr intal timp)
    spostare l'ora della partenza = cambiâ la ore de partence
    spostare la data del matrimonio = cambiâ la date des gnocis
  • 4

    v.tr. voltâ Copie

    [FO] (determinâ cambis intes situazions)
    il suo arrivo sposta tutti i miei impegni = la sô vignude e volte ducj i miei impegns
  • 5

    v.tr. puartâ Copie

    [FO] (puartâ viers di une sfere diferente)
    ha finito per spostare la discussione sul piano politico = al à finît par puartâ la discussion sul plan politic
  • 6

    v.tr. mudâ Copie

    [TS] chim. (mudâ l'ecuilibri di un sisteme modificant i parametris che lu determinin)

    v.tr. mudâ Copie

    (dit di un element intune soluzion saline che al fâs part di une serie eletrochimiche, precipitâ un dai elements che i stan daûr inte serie stesse)

monolengâl

voltâ v.tr.
(vol-tâ)
Indreçâ di une cierte bande o di une altre bande (ancje fig.)
sinonims
dreçâ, indreçâ, mandâ, movi, zirâ
esemplis
""No, no pues durmî, o ai tante pene" e e voltà il cjâf sul cussin par scuindi lis lagrimis"
gjavât fûr di "Il segno" di Pieri Somede dai Marcs
"jê e voltà i voi spalancâts di chê altre bande cence rispuindi"
gjavât fûr di "La aghe dal Ariul" di Maria Forte
"in Friûl - volte la telecjamare di ce bande che tu vûs - a vegnin fûr nome casermis, cjars armâts, polvarieris"
gjavât fûr di "I furlans e la television" di Riedo Pup
"Ustin le judà a dismontâ sul marcjepît po al voltà dentri cjaval e caretin"
gjavât fûr di "La tiere di Lansing" di Maria Forte
voltâ v.tr.
(vol-tâ)
Meti intune cierte posizion o in posizion contrarie (ancje fig.)
sinonims
ribaltâ, rivoltâ, zirâ
esemplis
"al cjapave la borse vueide, le voltave cu la bocje injù, le spalancave inmò une volte - che nol fos restât cualchi carantan impirât tal ravai de cusidure"
gjavât fûr di "I furlans e il muini" di Riedo Pup
"Nando si ferme e le cjale, po al volte une altre pagjine e al lei"
gjavât fûr di "Mame..." di Pieri Somede dai Marcs
"«Miôr viodilu muart» i scjampà di dî e par un moment e voltà il ritrat di lui cuintri il mûr"
gjavât fûr di "La tiere di Lansing" di Maria Forte
"il spieli al volte lis robis, e ce che al è a man drete lui lu puarte a çampe"
gjavât fûr di "Sul florî" di AAVV
voltâ v.tr.
(vol-tâ)
[TS] (sart.) Discusî e tornâ a cusî un vistît doprât, o sim., in maniere che la bande didentri e ledi parfûr e al somei mancul fruiât
esemplis
"e veve simpri cusît par dutis lis feminis e fantatis dal paîs, dai capots di voltâ ai vistiduts di bombasine di puartâ par cjase"
gjavât fûr di "Il muc" di Roberto Ongaro
voltâ v.tr.
(vol-tâ)
Convinci (fig.)
esemplis
"jê e rispuindeve che le vessin lassade in pâs. E no jerin sants a voltâle"
gjavât fûr di "Cjase di Dalban" di Maria Forte
"un pôc a la volte sperìn di voltâ la parone"
gjavât fûr di "Ursule" di Pieri Somede dai Marcs
"al jevave cuant che al voleve e, se al diseve che une robe no i lave di fâ, nissun lu voltave"
gjavât fûr di "Chei di Muraie" di Pieri Menis
voltâ v.tr.
(vol-tâ)
Presentâ un discors, un argoment, une situazion intune cierte maniere (fig.)
sinonims
ribaltâ, rivolzi, zirâ indaûr, zirâ, rivoltâ
esemplis
"al è pussibil che [...] e sedi rivade a voltâje tant ben di lassâlu ca biel che jê e partive cui bêçs"
gjavât fûr di "Ah! la provincie" di Sandri Di Suald
voltâ v.tr.
(vol-tâ)
Passâ un test scrit o orâl di une lenghe a une altre, di un nivel espressîf o di un regjistri linguistic a un altri
sinonims
tradusi
esemplis
"Martin Lutar al à voltade la Biblie par todesc in pôcs agns"
gjavât fûr di "Memoriis di politiche linguistiche" di Adrian Cescje
"baste pensâ al nestri Busiç, che al à voltât par furlan in otavis dut Virgjili"
gjavât fûr di "Friûl e furlans te Histoire de ma vie di Giacomo Casanova" di Pierluigi Visintin
voltâ v.intr.
(vol-tâ)
Cambiâ di direzion
sinonims
zirâ
esemplis
"Zac al coreve come un mat e al someave che al savès dulà lâ: a la prime crosere al voltà a drete"
gjavât fûr di "Light my Fire" di Franco Marchetta
"voltarin infin, par scurtâ la strada, a dreta, lontan dal cjampanili isolât di Sant Pieri"
gjavât fûr di "Il me paîs" di Federigo Comelli
voltâ v.intr.
(vol-tâ)
Cambiâ di aspiet, forme, sostance, nature e v.i.
sinonims
voltâsi, cambiâ, mudâ
esemplis
"une robe cussì biele no podeve durâ. E di fat no je durade; e je voltade"
gjavât fûr di "I furlans e la Vite Catoliche" di Riedo Pup
detulis
"plui si volte e plui si bruse"
"voltât il cjanton, passade la passion"
torne sù
torne sù