SuperDizionari

Hai cercato la parola

strascino

Torna indietro

bilingue

strascino

1

s.m. strissinament

[BU] (il strissinâ e il so risultât)

2a

s.m. strassin

[TS] (rêt di pescje che si strissine)

gettare lo strascino vicino alla scogliera = butâ il strassin dongje de scoiere

2b

s.m. cuaiere

[TS] (rêt par ucielâ di forme retangolâr, lungje sîs o siet metris, doprade une volte par cjapâ lis cuaiis)

3

s.m. code, strassin

[BU] (part di un vistît che si strissine par tiere)

lo strascino del vestito da sposa era lungo tre metri = il strassin oppure la code dal vistît di nuvice e jere lungje trê metris

4

s.m. strissinament

[OB] (il strissinâ la vôs)

s.m. strissinament

(ornament dal cjant poetic talian antîc, che al consist intune ande dissendente de vôs suntun ritmi a pene staccato)

5

s.m.

[OB] (vendidôr ambulant di cjar, massime di cualitât scjadinte)

la bancarella dello strascino = il bancut de cjar

6

s.m. sdavàs, peçotâr

[OB] (persone mâl vistide, che no à cure di se)

monolingue

code s.f.
(co-de)

Part finâl dal cuarp di une vore di animâi vertebrâts, formade dal sprolungjament dal spinâl de schene

esempi

"al clame il cjan e chel al cor sot il barcon menant la code"

da "Il muc" di Roberto Ongaro

"si sintivin lis vacjis a rumiâ e a svintulâ il scovet de code sul stran par parâ vie lis moscjis"

da "Gnot clare gnot scure" di Pieri Somede dai Marcs

code s.f.
(co-de)

Code di une bestie macelade

esempi

"code di manç in umit"

code s.f.
(co-de)

Bestie, singul animâl dumiesti

esempi

"o soi paron dome de cjase e di un flicut di braide e o ai une sole code te stale"

da "Lis predicjis dal muini" di Josef Marchet

"une code di vacje, une code di purcit, une code di polam"

code s.f.
(co-de)

(anat.) La part finâl plui sutile di cualchi orghin

sinonimi

cûl

esempi

"cheste volte al veve riscjât une vore però. Plui di mieç pancreas — la "code" interie e part dal "cuarp" al jere lât in necrosi"

da "Tal ospedâl" di Amedeo Giacomini

"cun chei cuatri no saressis rivât nancje a bagnâ la code dal gargat"

da "Lis predicjis dal muini" di Josef Marchet

code s.f.
(co-de)

Petenadure che e da dongje i cjavei daûr dal cjâf e ju lasse vignî jù tant che une code

esempi

"fâsi la code"

"une fantate cu la code"

code s.f.
(co-de)

Part finâl di un cualsisei ogjet

sinonimi

cjaveç, cûl, daûr, font, ôr, pic, piç, poc, ponte

esempi

"la code dal avion"

"la code dal râf"

"la code de bandiere"

"une scorie cun trê codis che a finivin in ponte cuntun balin di plomp"

da "Il muc" di Roberto Ongaro

"cheste busute cuadre - al ripià l'ispetôr - e servìs par podêi impirâ dentri un cuadrinut, ce saio jo, une codute di lime, par esempli, e cun chê fâ zirâ la clâf"

da "Cretevierte" di Roberto Ongaro

"fâ plateformis di ciment armât pes provis dai canons, la plateforme e il gjet pai pilons cul fier, indulà che si poie la code dal canon"

da "Storie di Min" di Ivano Urli

code s.f.
(co-de)

Part finâl di un grup di elements, di ogjets, di personis

esempi

"in pueste e jere une file cussì lungje che chei de code a savevin za che a vevin di spietâ almancul une ore"

code s.f.
(co-de)

Rie elements, massime personis, veicui e v.i., che a son in spiete e ancje il fat di stâ in spiete e il timp che si sta in spiete in rie

esempi

"e jentrà svelte te cjase di Cosset un pôc malcuiete di pôre di cjatâ une code di int"

da "La tiere di Lansing" di Maria Forte

"«codis» di miezis zornadis devant di une buteghe cu la fam che e muardeve su la bocje dal stomi"

da "La aghe da pît la cleve" di Dino Virgili

code s.f.
(co-de)

Part zontade o conclusive

sinonimi

conclusion, fin, prionte, rionte, zonte

esempi

"forsit al dissen di leç i mancje une codute, une clausulute"

da "Pantianis di cjase e gjats di fûr vie" di Riedo Pup

"rivâ a sintî dome la code de predicje"

code s.f.
(co-de)

Continuazion tal timp o piçule repliche

esempi

"il timp, in chês zornadis li, nol mancje mai di fâ biele figure: soreli e atmosfere tividine: une codute di Istât"

da "I furlans e Sant Martin" di Riedo Pup

code s.f.
(co-de)

(metr.) Sprolungjament dal scheme metric ordenari di une composizion

esempi

"inte ultime redazion il sonet al à titul Sunt de me vite e Broili i zonte une code"

da "Doi autografs di Toni Broili framieç dai manuscrits furlans di Berlin conservâts a Cracovie" di Zorç Cadorin

code s.f.
(co-de)

Part finâl di un vistît che dispès si strissine par tiere

esempi

"la code dal frac"

"chei che a lavorin in grant tes locandis dai siorons, cu lis manecis di piel e la gjachete cu la code"

da "Lis predicjis dal muini" di Josef Marchet

code s.f.
(co-de)

Segn o usme lassade di alc che si môf

sinonimi

sdrasse, ferade

esempi

"la code de comete"

"lis scoreadis a sclopavin come sbârs e a lassavin une code ruane su la cjar de fantate"

da "Trê feminis" di Gianni Gregoricchio

"come se jê e fos une bolp o une faìne, e e lassàs une code di odôr di salvadi daûr di se"

da "Il dolfin" di Carlo Sgorlon

code s.f.
(co-de)

Complès dai efiets, consecuencis di un fat, ancje cuntune cierte durade tal timp (fig.)

sinonimi

continuazion, strassin, rie, sprolungje

esempi

"ogni tornade dai Conseis e je une barufe; e dopo la barufe, une code di polemichis sui sfueis dai partîts"

da "Barufis" di Josef Marchet

code s.f.
(co-de)

(tecn.) Prodots residuâts

esempi

"la code de lavorazion"

code s.f.
(co-de)

(tecn.) Ultime frazion di un procès di distilazion

code s.f.
(co-de)

Ancje in funzion di adi.inv., ultin di plui fîs

sinonimi

codarûl, codute

esempi

"la vuere e jere une ruvine complete, ma lis cartulinis a continuavin a rivâ. E cussì tal Setembar dal '42 mi rivâ ancje a mi, che o jeri la code de famee: disenûf agns"

da "La cartuline" di Alan Brusini

code s.f.
(co-de)

Cont lassât di paiâ

code s.f.
(co-de)

Amarantus caudatus

proverbi

"a freâi la schene al gjat, al drece la code"

"a son tancj i mus in montagne che a àn la code compagne"

"al è miôr tignîlu pe brene che no alçâlu pe code"

"al mene la code il cjan no par te ma pal pan"

"ancje il cjan cul menâ la code si vuadagne la spese"

"cuant che il mus nol à fate la code di trente agns, no le fâs altri"

"cuant che lis feminis si picjin, il diaul si petene la code"

"cuant che si crôt di ripiâsi, e je chê volte che si è su la code dal mus"

"divuardi che la cjavre e ves la code lungje"

"dome che il mus al mene la code par dibant"

"dulà che il diaul nol po rivâ al met la code"

"e clope ancje la code dal mus, ma no cole"

"e treme la code dal mus, ma no cole mai"

"freii la schene al gjat che al dreçarà la code"

"il cjan nol mene la code par dibant"

"il cjan nol môf la code se no si lu paie"

"il diaul là che nol met il cjâf al met la code, e cui che no lu cjace lu sacode"

"il mus che nol à fat la code di trente agns no le fâs plui"

"il velen al sta te code"

"intant che i litighents a tirin la vacje, un pai cuars e un pe code, i avocats a molzin"

"lauditi cjan che tu âs la code lungje"

"lauditi cjan che tu âs une biele code"

"Març al mene la code pal bearç"

"miôr tignîlu pe cjavece che no alçâlu pe code"

"miôr vuê il râf e doman la code"

"nancje il cjan nol mene la code dibant"

"no bisugne tocjâi la code al madrac"

"nome il mus al mene la code par dibant"

"ogni cjan al laude la sô code"

"ogni cjan al laude la sô code, ogni femine il so frut"

"ogni famee al è un demoni e al mene la code pardut"

"Sant Zuan nol imbroie une code di cjan"

"se il mus nol à fat la code di vincj agns, no le fâs plui"

"une femine cence grumâl a je tant che une vacje cence code"

Torna in Cima

bilingue

s.m. strissinament

s.m. strassin

s.m. cuaiere

s.m. code, strassin

s.m. strissinament

s.m. strissinament

s.m.

s.m. sdavàs, peçotâr

monolingue