Hai cercato la parola
bilingue monolingue
Hai cercato la parola
vedere
Torna indietro

bilingue

vedere , ,
  • 1a

    v.tr. viodi Copia

    (cun valôr di interiezion, par pandi maravee e amirazion)
    vedessi che cappello ha comprato! = vessistu viodût ce cjapiel che e à cjolt!

    v.tr. viodi Copia

    [FO] (percepî cui voi, cul sens de viste)
    con la nebbia non si vede niente = cu la fumate no si viôt nuie
    vedere la luna in cielo = viodi la lune tal cîl

    v.tr.

    (in espressions par finî une conversazion pandint che no interessin lis consecuencis di ce che si à contât)
    chi si è visto si è visto = ce che al è stât al reste

    v.tr. viodi Copia

    (in locuzions pragmatichis)
    lo vedrebbe anche un cieco che ho ragione = lu viodarès ancje un vuarp che o ai reson
    si vede che hai studiato più di me = si viôt che tu âs studiât plui di me

    v.tr. viodi Copia

    (des animis dal paradîs, cjalâ Diu)

    v.tr. viodi Copia

    (contemplâ une vision mistiche)
    vedere la Madonna = viodi la Madone

    v.tr. viodi Copia

    (insumiâsi)
    ti ho visto in sogno = ti ai viodût intal sium
  • 1b

    v.intr. viodi Copia

    [FO] (vê la facoltât di viodi)
    non vedo bene senza occhiali = no viôt ben cence ocjâi
    vede da un occhio solo = al viôt dome cuntun voli
  • 2

    v.tr. viodi Copia

    [FO] (sei presints a un ciert avigniment)
    vedere un film = viodi un cine
    vedere una partita di calcio = viodi une partide di balon
  • 3

    v.tr. viodi Copia

    [FO] (incuintrâ, cjatâ cdn.)
    vorrei vederlo ancora = o volarès tornâ a viodilu

    v.tr. viodi Copia

    (par saludâ)
    lieto di vederla = content di viodilu

    v.tr. viodi, miracul Copia

    (par indicâ maravee)
    chi si vede! = miracul!
    guarda chi si vede! = cjale cui che si viôt!

    v.tr. viodi Copia

    (lâ di cdn. par consultâlu)
    bisogna vedere il medico per questa febbre = bisugne viodi il miedi par cheste fiere
    vedo il commercialista per le mie pratiche = o viôt il comercialist pes mês pratichis
  • 4

    v.tr. cjalâ, passâ, viodi Copia

    [FO] (cjapâ in esam, cjalâ)
    vedere i conti = cjalâ i conts

    v.tr. cjalâ, passâ, viodi Copia

    (lei, scori)
    vedere il giornale = viodi il gjornâl

    v.tr. cjalâ, viodi Copia

    (visitâ)
    vedere una mostra = viodi une mostre
  • 5

    v.tr. viodi Copia

    [FO] (vê alc a disposizion)
    non ho mai visto tanti soldi in vita mia = no ai mai viodût tancj bêçs in vite mê
  • 6

    v.tr. viodi Copia

    [FO] (vivi di persone une esperience)
    ne ha viste tante = a 'nd à viodudis tantis
    non hai ancora visto il meglio = no tu âs ancjemò viodût il miôr

    v.tr. viodi Copia

    (sei intune cierte cundizion)
    questa casa ha visto tempi migliori = cheste cjase e à viodût timps miôr
  • 7a

    v.tr. cjalâ, viodi Copia

    [TS] (par mandâ il letôr a cjalâ di altris bandis dal stes test o in altris tescj citâts)
    vedi retro = cjale oppure viôt daûr
    vedi sopra = cjale parsore
  • 7b

    v.tr. viodi Copia

    (par dî che si acete la pontade dal aversari e che si vûl confrontâ cun lui i ponts che si àn in man)
    vedo e rilancio = o viôt e o rilanci

    v.tr. viodi Copia

    [TS] (intal poker, controlâ i ponts dal aversari)
  • 8a

    v.tr. verificâ, provâ, viodi Copia

    [FO] (viodi par meti a la prove)
    vediamo se funziona! = viodìn se al va!
  • 8b

    v.tr. viodi Copia

    [FO] (tant che inter. par pandi sfide o menace)
    te la farò vedere! = ti fasarai viodi!
    vuoi vedere che arriverà tardi? = âstu di viodi che al rivarà tart?

    v.tr. viodi Copia

    (cun fâ polemic, par verificâ un compuartament za considerât negatîf)
    voglio vedere se telefona! = o vuei viodi se al clame!

    v.tr. viodi Copia

    (par dâ fuarce, fâ cûr)
    vedrete che andrà tutto bene = o viodarês che al larà dut ben
  • 9

    v.tr. viodi Copia

    [FO] (inacuarzisi)
    avete visto come era vestito? = vêso viodût cemût che al jere vistût?
    ho visto che sei andato via presto = o ai viodût che tu sês lât vie adore
  • 10

    v.tr. cjalâ, viodi Copia

    (spec. inte lenghe fevelade par clamâ la atenzion di chel che al scolte)
    vedi, se mi ascoltassi un po' di più = cjale, se tu mi scoltassis un pôc di plui

    v.tr. viodi Copia

    (capî)
    non vedo cosa c'entri = no viôt ce che al jentri

    v.tr. viodi Copia

    [FO] (constatâ)
    vedi che non capisci! = viodistu che no tu capissis!
    vedo che sei felice = o viôt che tu sês content
  • 11

    v.tr. viodi Copia

    [FO] (stazâ, cjapâ in considerazion)
    ti vedo troppo nervoso = ti viôt masse gnervôs

    v.tr. viodi Copia

    (considerâ cdn. bon di fâ alc)
    mi vedi a giocare a pallone? = mi viodistu a zuiâ di balon?
    non ti vedo a fare il meccanico = no ti viôt a fâ il mecanic

    v.tr. viodi Copia

    (par esprimi un judizi negatîf intai rivuarts di cdn.)
    non lo vedo neppure = nancje no lu viôt
  • 12

    v.tr. viodi Copia

    [FO] (cun daspò 'di' e un infinît o pûr 'che' e un coniuntîf, fâ il pussibil par fâ une robe, ancje se e je cualchi dificoltât)
    oggi vedo di andare a fare la spesa = vuê o viôt di lâ a fâ spese
    vedi di non sporcarti = viôt di no sporcjâti

    v.tr. viodi Copia

    (ass., par pandi la volontât di rimandâ une decision)
    "Torni?" "Vedremo" = "Tornistu?" "O viodarìn"
    vedremo, per ora stiamo qui = o viodarìn, par cumò o stin chi
  • 13a

    v.tr. viodi Copia

    [FO] (figurâsi cu la fantasie)
    vedere un futuro nero = viodi un futûr neri
    vedere un'esperienza passata = viodi une esperience passade
  • 13b

    v.tr. viodi Copia

    [FO] (par pandi marum par une critiche che si pense di no meretâ)
    vorrei vedere te al posto mio! = o volarès vioditi te tal gno puest!
  • 14

    s.m. cont, viodi Copia

    [CO] (dome sing. judizi, pont di viste)
    a mio modo di vedere hai ragione = pal gno viodi oppure a gno viodi tu âs reson
    a mio vedere la situazione è migliore di quanto pensassi = par gno cont la situazion e je miôr di ce che o pensavi

locuzioni

    al vedere
  • a viodiCopia
    [CO] (viodint)
    al vedere tale scena mi misi a piangere = a viodi chê sene o ai tacât a vaî
    • avere a che vedere
  • [CO] (vedi avere a che fare)
    • avere occhi per vedere
  • vê voi par viodiCopia
    [CO] (jessi bon di controlâ di persone)
    • dare a vedere
  • fâ viodi, dâ di viodiCopia
    [CO] (fâ viodi e crodi)
    dava a vedere tutt'altra cosa = al deve di viodi dute une altre robe
    • farla vedere
  • fâ viodi, fâle viodi, fâje tignî, dâ la sonzeCopia
    [CM] (rafâsi, svindicâsi)
    te la facci vedere io! = ti fâs viodi ben jo!
    • farsi vedere
  • (forme negative di comant)
    non farti più vedere! = vami fûr dai voi e no stâ tornâ!
  • fâsi viodi, vignî dongje, vignî al viersCopia
    [CO], [TS] (mostrâsi li che par solit un al va)
    non si fa mai vedere, non sarà mica malato? = nol ven mai al viers, nol saraial mighe malât?
  • fâsi viodiCopia
    [CO] (lâ a fâ une visite mediche)
    per quel dolore dovresti farti vedere dal dottore = par chel dolôr tu varessis di lâ a fâti viodi dal miedi
  • fâsi viodi, dâ tal voli, dâ tal nâs, imparêsiCopia
    [CO] (metisi in mostre)
    è un tipo che si fa vedere troppo = al è un che al da masse tal nâs oppure che si fâs viodi masse
    • modo di vedere
  • mût di viodiCopia
    [CO] (pont di viste in rivuart a alc)
    non ha un modo di vedere molto aperto = nol à un mût di viodi tant viert
    • non avere nulla a che vedere
  • no jentrâ nuie, no vê nuie ce fâ, no vê nuie ce viodi, no vê a ce fâ, no vê a ce viodiCopia
    [CO] (no vê contats o rapuarts o relazion cun cdn. o cun alc)
    le due cose non hanno nulla a che vedere l'una con l'altra = lis dôs robis no jentrin nuie une cun chê altre
    • non poter vedere
  • [CO], [TS] (vedi non poter soffrire)
    • non potersi vedere
  • no rivâ a viodisiCopia
    [CO] (no rivâ a usâsi a une situazion, a un vistît e v.i.)
    non mi potrei mai vedere con quella gonna = no rivarès mai a viodimi cun chê cotule
    • non vedere a un palmo dal naso
  • no viodi di chi a li, no viodi plui inlà dal nâs, no viodi a une cuarte dal nâsCopia
    [CO] (sei curt di viste o ancje viodi pôc par cundizions ambientâls)
    anche con gli occhiali non vede a un palmo dal naso = ancje cui ocjâi nol viôt di chi a li c'era tanta di quella nebbia che non si vedeva a un palmo dal naso = e jere tante di chê fumate che no si viodeve di chi a li
    • non vedere da qui a lì
    non vedere l'ora
  • no fidâ la ore, no viodi la oreCopia
    [CO] (jessi seneôs di alc)
    non vedo l'ora che arrivi domenica = no fidi la ore che e rivi domenie
    • non vedere la trave nel proprio occhio
  • no viodi la trâf intal so voliCopia
    [CO] (no visâsi dai siei difiets)
    è così ottuso che non vede la trave nel proprio occhio = al è cussì taront che nol viôt la trâf intal so voli
    • non vedere oltre il proprio naso
  • jessi curt di luminarie, no viodi di là dal nâsCopia
    [CO] (viodi une vore pôc, ancje in sens fig.)
    • non vedere più in là del proprio naso
    stare a vedere
  • viodiCopia
    [CO] (spietâ cun curiositât, atenzion e v.i. che alc al sucedi, cence intervignî)
    staremo a vedere che cosa è capace di fare = o viodarìn ce che al è bon di fâ
  • vê di viodiCopia
    (in loc.pragm., al pant che si spiete alc di negatîf o strani)
    sta' a vedere che mi chiedono proprio quello che non ho studiato = âstu di viodi che cumò mi domandin propit ce che no ai studiât
    • vedere come fumo negli occhi
  • viodi tant che il fum tai voi, vê tant che il fum tai voiCopia
    [CO] (no rivâ a sopuartâ, vê in antipatie)
    non chiamarlo qui, lo vedo come fumo negli occhi = no stâ a clamâlu chi, che lu ai tant che il fum tai voi
    • vedere con i propri occhi
  • viodi cui siei voiCopia
    [CO] (assisti di persone al sucedi di un fat)
    l'ho visto con i miei occhi che la baciava = lu ai viodût cui miei voi che le bussave
    • vedere di buon occhio
  • vê in buinisCopia
    [CM], [CO] (agradî, preseâ)
    per fortuna che il professore mi vede di buon occhio = mancumâl che il professôr mi à in buinis
    • vedere giusto
  • trai dret, intivâle justeCopia
    [CM] (capî la situazion)
    in quella situazione ho visto giusto e sono scappato = in chê situazion o ai trat dret e o soi scjampât
    • vedere i sorci verdi
  • viodi lusignis, viodi lis stelisCopia
    [CO] (vê un dolôr fuart)
    quella botta sul dito mi ha fatto vedere i sorci verdi = chê vuadule tal dêt mi à fat viodi lis stelis
  • bati la lune, viodi il diaul, viodi il diaul cu la codeCopia
    (deventâ mat par problemis, cuistions, cantins o cjapâ tante pôre di no fâjale)
    in tribunale gli hanno fatto vedere i sorci verdi = in tribunâl i àn fat bati la lune per un momento ho visto i sorci verdi = par un moment o ai viodût il diaul cu la code
    • vedere il fondo
  • viodi la finCopia
    [CO] (viodi la fin di alc)
    la situazione è brutta, ma almeno si vede il fondo = la situazion e je brute, ma almancul si viôt la fin
    • vedere il sole a scacchi
  • viodi il soreli a cuadreiCopia
    [CO] (sei in preson)
    lo hanno mandato a vedere il sole a scacchi = lu àn mandât a viodi il soreli a cuadrei
    • vedere l'erba dalla parte delle radici
  • lâ sot, lâ a mangjâ il lidric pal poc, lâ a fâ tiere di bocâi, lâ sot il bâr, lâ a sintî a cjantâ i grîsCopia
    [CO] (jessi muart e sepulît)
    • vedere la luce
  • vignî a lûs, viodi la lûs, nassiCopia
    [CO] (nassi)
    il bambino ha visto la luce ieri = il frutin al à viodût la lûs îr
    • vedere le lucciole
  • [CO] (vedi vedere le stelle)
    • vedere le stelle
  • vignî lis lusignis denant dai voi, viodi lis lusignis, viodi lusignis, viodi lis stelisCopia
    [CO], [TS] (patî un dolôr fuart e imburît)
    ho battuto il gomito e ho visto le stelle = o ai petât il comedon e mi son vignudis lis lusignis denant dai voi
    • vedere lontano
  • viodi lontanCopia
    [CO] (sei prevident)
    ci si può fidare, è uno che vede lontano = o podìn fidâsi al è un che al viôt lontan
    • vedere nascere
  • viodi a nassi, viodi nassiCopia
    [CO] (cognossi cdn. di cuant che al jere piçul)
    non ti vergognare, ti ho visto nascere = no stâ a vergognâti, ti ai viodût a nassi
  • viodi a nassi, viodi nassiCopia
    [CO] (un paîs o une cjase li che al è nassût cdn. di famôs)
    questa casa ha visto nascere un grande poeta = cheste cjase e à viodût a nassi un grant poete
    • vedere nero
  • viodi neri, viodi dut neriCopia
    [CO] (jessi pessimist)
    ci sono altre soluzioni, non vedere tutto nero = di soluzions a 'nd è altris, no stâ a viodi dut neri
    • vedere per credere
  • viodi par crodi, tocjâ par crodiCopia
    [CO] (constatâ di persone se une afermazion e je vere)
    merce di prima qualità, vedere per credere! = robe di prime cualitât, viodi par crodi!
    • vedere rosa
  • viodi in rose, viodi colôr di roseCopia
    [CO] (jessi otimist)
    certi vedono tutto rosa = cierts di lôr a viodin dut colôr di rose
    • vedere rosso
  • lâ fûr dai semenâts, lâ fûr da la animeCopia
    [CO] (sei cetant rabiât)
    con il tuo comportamento mi fai vedere rosso = cun chê ande tu mi fasis lâ fûr da la anime
    • vedere tutto nero
  • [CO] (vedi vedere nero)

monolingue

viodi v.tr.
(vio-di)
Percepî cui voi, cul sens de viste, ancje cence intenzion e concentrazion precise
esempi
"a pene bonât soreli, si viôt tal cîl parsore chei trê dincj che e scusse Mont Cjanine un piçul pont neri, e un ucielut imburît come une clapade al ven jù"
da "L'ucielut de Mont Cjanine" di Catarine Percude
"tal plan grant, e jere la citât: Udin, dal biel cjistiel! Si lu viodeve là jù di adalt dai cuei"
da "La aghe da pît la cleve" di Dino Virgili
"une biele dì [Maletegne] al viôt tal bosc trê grandis magnis incolaçadis te plombe dal soreli"
da "Maletegne" di Andreina Nicoloso Ciceri
Vedi anche: vedê, jodi
viodi v.tr.
(vio-di)
Vê la facoltât de viste, ancje cu la specificazion de cualitât e precision di chest sens (ancje ass.)
esempi
"co no si viôt ben, siôr plevan, al tocje di puartâ i ocjâi"
da "Lis predicjis dal muini" di Josef Marchet
viodi v.tr.
(vio-di)
Sei presints tant che spetatôr a un ciert avigniment
esempi
"o 'nd ai viodûts tancj di concierts di musiche medievâl cjase mê ma il public di Gjermanie al è une vore plui animôs di chel furlan!"
da "La maree nere" di Checo Tam
"cui à la partide di balon tal cjâf, cui à la morose di puartâ ator su la jespe, cui à di lâ a viodi cualchi cine di ca o di là"
da "Lis predicjis dal muini" di Josef Marchet
viodi v.tr.
(vio-di)
Incuintrâ, cjatâ cdn.
sinonimi
cjatâ, incuintrâ
esempi
"nol voleve viodi sô mari ni vive ni muarte"
da "Chei di Muraie" di Pieri Menis
"tancj a gji scrivevin che orevin viodila e cognossila"
da "Catinuta" di Ugo Pellis
"tal festival de Unitât, Pino al ti cjate il Nin Clauet che al jere un pieçon che nol viodeve"
da "Amîs come prime" di Alan Brusini
viodi v.tr.
(vio-di)
Cjapâ in esam
sinonimi
scrutinâ, cjalâ, stazâ
esempi
"une dì siore Chechine e veve puartât a viodi il document a un che al saveve"
da "Mabile la Lunghine" di Maria Forte
viodi v.tr.
(vio-di)
Vivi di persone une esperience
sinonimi
cognossi, passâ, provâ, sperimentâ
esempi
"vô o sês zovin e se o vês timp a vivi a 'nd viodarês tantis in chest mont!"
da "Sul agâr" di Pieri Menis
"jo o 'nd ai viodude une par dongje, e o sai ben ce che a son lis vueris"
da "Ombris tal infinît" di Carlo Sgorlon
viodi v.tr.
(vio-di)
Figurâsi cul pinsîr, cu la imagjinazion, alc di futûr o ipotetic o cul ricuart alc di passât
esempi
"za o viôt i titui dai gjornâi: “Investigadôr, si crôt une divinitât e al cope trê di lôr!”"
da "Ah! la provincie" di Sandri Di Suald
"cuant che mi impensi o viôt ancjemò la tribune plene di siôrs e di sioris"
da "Une letare par Bepo" di Pieri Menis
viodi v.tr.
(vio-di)
Fâ une prove, une verifiche, controlâ
sinonimi
cjalâ, controlâ, scrutinâ
esempi
"o vin scomençât inalore a esaminâ cualchi câs, dome par viodi cemût che si invie la discussion"
da "Memoriis di politiche linguistiche" di Adrian Cescje
"al prove a muardi cui dincj la monede di arint par viodi se e je mate"
da "Come tai romançs" di Alan Brusini
"anìn là di Sant Pieri, a viodi se cumò che al è vuardian dal paradîs a si ricuarde dai amîs vecjos"
da "Meni Fari" di Luigi Gortani
viodi v.tr.
(vio-di)
(zûcs) Intal poker, acetâ la zuiade e controlâ i ponts dal aversari (ancje ass.)
viodi v.tr.
(vio-di)
Inacuarzisi, constatâ, notâ
sinonimi
cjatâ, inacuarzisi, visâsi, notâ
esempi
"a ogni edizion o viodìn che il festival al cres in cualitât e par numar di partecipants"
da "Suns 2013" di Arlef
"se o cjalìn la date di costruzion di cuatri di chescj palaçs a Glemone o viodìn che a son ducj avonde dongje e ator dal 1660 e dal 1760"
da "Studi da la evoluzion dal paisaç mediant i toponims" di Rino Gubiani
"a jerin soredut lavôrs che a vignivin finanziâts dal guvier canadês, che nus veve viodût cemût che o lavoravin"
da "Interviste a Manlio Collavino" di Christian Romanin
viodi v.tr.
(vio-di)
Vê une cierte considerazion, un ciert concet
sinonimi
considerâ, calcolâ, cjalâ
esempi
"voaltris, nus disin, o viodês dut neri di ca dai confins e dut biel di là"
da "Blestemis" di Josef Marchet
"a planc o jeri jentrât tal so afiet, e cussì cumò mi viodeve come un lari o un birbant che al leve vie, lassantlu di bessôl"
da "Il dolfin" di Carlo Sgorlon
viodi v.tr.
(vio-di)
Cjatâsi che cdn. o alc si cjate intune cierte situazion, ancje cun subiet astrat o inanimât
esempi
"valevie la pene che i vecjos a fasessin tancj sacrificis par viodi cumò la cjase vueide?"
da "La cjase dai contents" di Roman Michelot
"al varès podût vivi fintremai che Ricardo al fos deventât grant e lât a la universitât. Salacor lu varès viodût deventâ un miedi, un inzegnîr o un professôr famôs"
da "Prime di sere" di Carlo Sgorlon
"il Cinccent [...] al viôt un cambiament sostanziâl par ce che al inten l'ûs de lenghe furlane scrite che e disparìs des cjartis pratichis"
da "Leterature furlane" di Cristina Cescutti
viodi v.tr.
(vio-di)
Dispès cun funzion enfatiche, tal imperatîf o in formis interogativis, par riclamâ la atenzion (enf.)
sinonimi
savê, cjalâ
esempi
"mestri Cole, viodêso, al voleve vê une Italie intune altre maniere"
da "La aghe da pît la cleve" di Dino Virgili
""Par cheste reson, viodistu, ce che ti proponìn nô al va ben par ducj""
da "Trê feminis" di Gianni Gregoricchio
""Viodêt mo, Nart: jo e la frute o vin fevelât e o vin decidût di dâus une rispueste daurman…""
da "Cretevierte" di Roberto Ongaro
viodi v.tr.
(vio-di)
Ocupâsi di alc, impegnâsi par rivâ a un fin
sinonimi
cirî, cjalâ, fâ in maniere di, fâ in mût di, provâ
esempi
""Sì, sì, cuietiti! O viodarai jo ce che si po fâ, no stâ vê pôre…""
da "Il muc" di Roberto Ongaro
"al covente che [...] si viodi di meti dongje une azion istituzionâl coordenade"
da "Memoriis di politiche linguistiche" di Adrian Cescje
viodi v.intr.
(vio-di)
Vê cure di cdn. o di alc
sinonimi
stâ daûr
esempi
"o vevin di viodi dal nestri frut parcè che dispès al veve mâl di cuel e fieradis"
da "Jo e Graziella" di Mario Beltramini
"e fogolave dute la matine e po in cjarie jù a puartâ di gustâ tal cjamp; e viodi des bestiis, e lavâ e netâ e sestâ par cjase"
da "La division" di Dino Virgili
"siôr Bepo al viodeve ancje de filande di so pari"
da "Come tai romançs" di Alan Brusini
viodi v.intr.
(vio-di)
Controlâ in ce cundizions, situazion, ativitât e v.i. che al è alc o cdn.
esempi
"i spirts a tornin a viodi des lôr cjasis là che chei di famee a àn di vêur prontât aghe, par vie che i muarts a àn sêt di vite, e la aghe e je vite"
da "Il miluç de magne" di Sandri Carrozzo
""Sta cidin, tu!" I ordenà Fonso. "Va cjase a viodi de tô femine, pitost! [...] Si è fate sbati ancje di Meni [...]""
da "Tal ospedâl" di Amedeo Giacomini
viodi v.intr.
(vio-di)
Fâ in mût di cjatâ
sinonimi
cirî, cjatâ, cumbinâ
esempi
"tantis corsis, tantis oris passadis a spietâ di fûr di chês pocjis fabrichis che a vevin tornât a vierzi, par viodi di un lavôr"
da "Il muc" di Roberto Ongaro
viodi s.m.
(vio-di)
Dome sing. judizi, pont di viste
esempi
"la nestre patrie e je la tiere de int che si à; e je la int de nestre istesse lenghe, dal nestri sanc, dal nestri viodi"
da "Int di masnade" di Alviero Negro
"lis mês pôris si son sfantadis cu la prime votazion, che e je stade informâl, orientative, che e je risultade pal gno viodi plui buine di ce che o vevi pensât"
da "Memoriis di politiche linguistiche" di Adrian Cescje
proverbi
"a viodin plui cuatri voi che no doi"
"campagne tante che si po viodi, cjase tante di stâ a sotet"
"ce che si viôt no si po scuindi"
"cjace che no si viôt e je cjace mate"
"cuant che tu viodis il lôf, no stâ lâ a cirî la ferade"
"cuatri voi a viodin plui di doi"
"cui che al viôt, sint e tâs, al è segn che al vûl vivi in pâs"
"cui che al viôt, sint e tâs, al vûl vivi in pâs"
"cui che i falin tal dî il credo tal batiâlu al viôt lis striis"
"daspò viodût ducj a son mestris"
"daspò viodût ducj sa conseâ"
"Diu al è un bon infant, al viôt e nol pant, al paie ducj e no si sa cuant"
"Diu al viôt e al proviôt"
"ducj à gust di viodi mats in place ma no dai siei"
"dulà che tu viodis cinise tu disis che al è stât il fûc"
"fra l'amôr e il fum no si viôt nancje la lum"
"grant sant che al è sant jude, pecjât che in chest mont si lasse viodi di râr"
"i gjenitôrs no vuelin viodi mai i difiets de lôr prole"
"i spaurôs a viodin il diaul plui neri di chel che al è"
"il diaul co al viôt la crôs al scjampe"
"il fum si viôt dulà che a fasin fûc"
"il mulinâr al met il Signôr difûr par che nol viodi ce che al fâs dentri"
"lis robis fatis di gnot, si lis viôt di dì"
"no bisugne impaçâsi dai fats dai altris che si à avonde di viodi dai siei"
"no mai fâ un mûr se si viôt un clap cu la ponte infûr"
"no si da al mont un vuarp plui grant di chel che nol vûl viodi"
"o cuete o crude il fûc le à viodude"
"ognidun al viôt cui siei voi"
"par cognossi il biel, bisugne viodi il brut"
"passûts che si è, nissun nol ven a viodi ce che si à te panze"
"prin viôt se tu âs la cjamese sporcje po scuintiije a di chei altris"
"se si lavore tal carnevâl piçul, si viôt madracs piçui; se si lavore tal carnevâl grant, si viôt madracs grancj"
"se tu mangjis luvins e tu ti voltis indaûr tu viodarâs cualchidun a mangjâ lis scussis"
"si viôt di vidiel ce che al devente bo"
Torna in Cima
Torna in Cima