Hai cercato la parola
monolingue
Torna indietro

monolingue

çate s.f.
(ça-te)
Ognidune des gjambis di un animâl
sinonimi
gjambe, talpe
esempi
"chel cjan, daspò che al à ben vuacât e cu lis çatis raspade la tiare, al alce il music e al si met a urlâ a lunc"
da "Il cjan blanc di Alturis" di Catarine Percude
"i ai dit che e compri cuatri pontis di ale e lis çatis di un poleç par fâti un pôc di brût"
da "Un pugn di moscjis" di Pieri Somede dai Marcs
"[lis âfs] àn plenis lis çatis / di polvar di flôr"
da "Lis âfs" di Pieri Somede dai Marcs
çate s.f.
(ça-te)
Man di une persone (scherç.)
esempi
"«Cumò avonde, se no ca no si le finìs altri. Cui che al è content di butâ fûr il fiâr che al alci une çate»"
da "Il figâr dal plevan" di Pieri Menis
çate s.f.
(ça-te)
Talent, capacitât di fâ ben un lavôr, une operazion e v.i.
sinonimi
competence, cuele, cundizion, man, scuele, mistîr, art, sgrimie, inzen, momò
esempi
"al jere stât un professôr di dissegn des scuelis mediis a invoiâlu sun chê strade e a insegnâi dut ce che al saveve. «Al diseve che o vevi çate e fantasie»"
da "Il timp par ledrôs" di Mario De Apollonia
çate s.f.
(ça-te)
Mieç o segn o espression di une azion, di un interès, di un podê, di agressivitât e v.i. (fig.)
sinonimi
sgrife, man
esempi
"tu prove pense un afâr, un business, un alc che al puedi sucedi te Basse e li tu cjatarâs la çate di Florean almancul une volte su dôs"
da "Donald dal Tiliment" di Stiefin Morat
"Min al è un presonîr politic intes çatis dai Todescs e dai Ustàs"
da "Storie di Min" di Ivano Urli
çate s.f.
(ça-te)
Butade di une plante che la che e tocje tiere e je in stât di formâ gnovis lidrîs
esempi
"ma se il timp al è sut e se si à tiere lizere, si puedin ancjimò meti sot çatis di sparcs"
da "Ort e cusine" di Emilia Baldassarre
çate s.f.
(ça-te)
Complès di fueis di une plante che a vegnin sù insiemi, di un sôl poc
esempi
"cualchi çate di indivie clare cui ôrs inriçâts"
da "Cjase di Dalban" di Maria Forte
"a viodiju simpri insiemi ti pâr che chei doi a sedin vignûts sù insiemi, come dôs rosis tal zardin o dôs çatis di salate tal ort"
da "Faliscjis" di Cristina Noacco
"sentadis a curâ lis çatis di ardielut"
da "«...e là four dal nuestri chiamp...»" di Dino Virgili
proverbi
"daspò mangjâts i gjambars si supe lis çatis"
"il gjat al va tant al ardiel fin che i lasse la çate"
Torna in Cima