SuperDizionari

aleance s.f.
(a-le-an-ce)

Pat di amistât che al impegne doi o plui stâts a dâsi une man in câs di vuere o in pâs

sinonimi

acuardi, compatât, pat

esempi

"[tai secui V e VI] i diviers reams celtics a son dispès in lote tra di lôr, a voltis ta chestis vueris no mancjin aleancis jenfri siôrs britans e gjermanics"

da "Artûr jenfri mît e realtât" di Riedo Pup

"[il stât nazionâl] al à doprât il so podê in maniere agressive e contrarie al dirit internazionâl e a aleancis za strentis cun altris Stâts"

da "La fin dal Stât Nazionâl jenfri ilegjitimitât, inutilitât e paradòs, tal spieli de ipotetiche Riforme Costituzionâl taliane dal 2016" di Sandri Carrozzo

aleance s.f.
(a-le-an-ce)

Socie di plui personis, grups o partîts par rivâ obietîfs in comun

sinonimi

acuardi, cartel, coalizion, compatât, cunvigne, intese, pat

esempi

"al jere stât democristian fin che la Dc no veve svoltât viers la aleance cul Psi"

da "Memoriis di politiche linguistiche" di Adrian Cescje

"[doi notabii democristians] a ciraran aleancis par podê ribaltâ la maiorance che e comande e par creâ une gnove direzion di partît"

da "Strolic di Invier" di Riedo Pup

aleance s.f.
(a-le-an-ce)

[TS] (religj.) Inte Biblie, pat di amicizie tra Diu e Israêl

esempi

"i sclâfs a àn la bulla peade ator dal cuel, a rapresentin lis cuatri aleancis dal Testament Vieri, chês di Adam, di Noè, di Abram e di Moisès"

da "I mosaics de basiliche di Aquilee" di Giovanni Battauz, Flavio Cossar, Renato Iacumin

monolingue