SuperDizionari

monolengâl

aurî v.tr.
(au-rî)

Cjapâ aghe, soredut di une fontane, di un poç, di une cistierne e v.i., par puartâle a cjase o dulà che al covente (ancje ass.)

esemplis

"Tunine dal Fari, il prin viaç che e fâs di buinore a aurî aghe sul poç, se si cjate cu la Catinate dal Moro, almancul mieze ore di badaiade le pete dal sigûr"

gjavât fûr di "Lis predicjis dal muini" di Josef Marchet

"al scomençà a vignî par cjase, le judave te lobie a cjoli lens, a aurî aghe tal poç, a fâ fûc"

gjavât fûr di "La aghe da pît la cleve" di Dino Virgili

Viôt ancje: urî

aurî v.tr.
(au-rî)

Cjapâ un alc ancje di imateriâl (fig.)

sinonims

cjoli, cjapâ

esemplis

"invezit i miliarts a son lâts in nuie par mil e mil riuluts, indulà che ognidun al a cirût e al cîr di aurî plui che al po"

gjavât fûr di "Cuant si risolvaraie Rome a sistemâ i Julians?" di Josef Marchet

"la tradizion grafiche dai secui passâts e va tignude buine tant che materiâl li che si puedin aurî ideis pes gnovis soluzions"

gjavât fûr di "Memoriis di politiche linguistiche" di Adrian Cescje

torne sù