SuperDizionari

monolingue

aurî v.tr.
(au-rî)

Cjapâ aghe, soredut di une fontane, di un poç, di une cistierne e v.i., par puartâle a cjase o dulà che al covente (ancje ass.)

esempi

"Tunine dal Fari, il prin viaç che e fâs di buinore a aurî aghe sul poç, se si cjate cu la Catinate dal Moro, almancul mieze ore di badaiade le pete dal sigûr"

da "Lis predicjis dal muini" di Josef Marchet

"al scomençà a vignî par cjase, le judave te lobie a cjoli lens, a aurî aghe tal poç, a fâ fûc"

da "La aghe da pît la cleve" di Dino Virgili

Vedi anche: urî

aurî v.tr.
(au-rî)

Cjapâ un alc ancje di imateriâl (fig.)

sinonimi

cjoli, cjapâ

esempi

"invezit i miliarts a son lâts in nuie par mil e mil riuluts, indulà che ognidun al a cirût e al cîr di aurî plui che al po"

da "Cuant si risolvaraie Rome a sistemâ i Julians?" di Josef Marchet

"la tradizion grafiche dai secui passâts e va tignude buine tant che materiâl li che si puedin aurî ideis pes gnovis soluzions"

da "Memoriis di politiche linguistiche" di Adrian Cescje

Torna in Cima