Hai cercato la parola
monolingue
Torna indietro

monolingue

autoritât s.f.
(au-to-ri-tât)
Struture o persone che e dopre un podê o che e fâs funzions publichis
sinonimi
guvier, podê, sorestanzie
esempi
"al è necessari ubidî aes autoritâts, rispietâlis, se no ce disio no vignaressial fûr"
da "Vigji il vuardian" di Lucio Perès
"la ande des autoritâts militârs talianis no someave masse divierse di chê mostrade tal 1866"
da "La seconde Irlande" di Carli Pup
"al continue, ancje dopo de condane, a stiçâ chei altris internâts a ribelâsi e a no tignî in nissun cont la autoritât"
da "Il lunari mai jessût - Tellini te prime vuere mondiâl" di Donato Toffoli
autoritât s.f.
(au-to-ri-tât)
[TS] (dir.) Facoltât di doprâ un podê o une funzion in forme legjitime
autoritât s.f.
(au-to-ri-tât)
Influence, podê doprât di cdn. pe sô funzion, posizion jerarchiche, etât e v.i.
sinonimi
control, dominance, impuartance, influence, paronance, potence, fuarce, pês
esempi
"al à chê odeose autoritât che a àn i grancj cuant che a distudin l'entusiasim di un piçul che al zuie"
da "Cjartute" di Checo Tam
autoritât s.f.
(au-to-ri-tât)
Il gjoldi di un nivel di considerazion alt
sinonimi
concet, considerazion, innomine, nomenance, stime
esempi
"la autoritât e je une robe che plui si le dopre e plui si le fruie"
da "Lis predicjis dal muini" di Josef Marchet
autoritât s.f.
(au-to-ri-tât)
Cui che al à tante innomine o competence intun setôr
sinonimi
non, personalitât, espert
esempi
"al provà a fevelâi ancje Frau, che al jere une autoritât te Filologjiche, te Universitât e al jere president dal Olf. Nuie di fâ"
da "Memoriis di politiche linguistiche" di Adrian Cescje
autoritât s.f.
(au-to-ri-tât)
Ande di comant tal imponi la proprie volontât
sinonimi
decision
esempi
"al batè un pugn su la taule e cun autoritât al disè: «Vonde discussions [...]»"
da "La cjase di Toni" di Tarcisio Venuti
Torna in Cima