Tu âs cirût la peraule
monolengâl
torne indaûr

monolengâl

bagn s.m.
Imersion ta la aghe par rinfrescjâsi
sinonims
imersion
esemplis
"smirant fis il pêl da la aghe, ingrispât di un baviç lizêr di buere, al veve pensât che al jere dabon li che a levin a fâ il bagn di Istât"
gjavât fûr di "Cuant che l'Istât al finìs - Ogni etât la sô maravee" di Gianluca Franco
"daspò gustât a spietavin plui di dôs oris prin di fâ il bagn, tirant slavaris tal spieli de aghe"
gjavât fûr di "Istât" di Agnul di Spere
bagn s.m.
Il lavâsi dut dentri te aghe
esemplis
"e implenave la vascje di aghe cjalde, di sâl profumât, e e faseve il bagn"
gjavât fûr di "Ombris tal infinît" di Carlo Sgorlon
bagn s.m.
Pratiche terapeutiche o di benstâ cun aghis che a contegnin sostancis minerâls che a curin
esemplis
"par rintonà il so fisic, / se acete il mio consei, / no sarès cjosse miei / dei bagns par cualchi dì"
gjavât fûr di "I bagns di Betine" di Pieri Çorut
bagn s.m.
[TS] (sient.) Il meti alc intune soluzion cun chê di tratâlu, o la soluzion stesse
bagn s.m.
Stanzie dulà che si lavisi e dulà che a son i servizis igjienics
sinonims
gabinet, necessari, cabôt
esemplis
"sbolseant i soi rivât tal bagn, dulà che i ai gomitât dut"
gjavât fûr di "Kebar krossè" di Stiefin Morat
"i volarès meti un pôc di savon. Il savon al è intal bagn. Il bagn al è la puarte daspò de sô cjamare"
gjavât fûr di "Il rucjin" di Laurin Zuan Nardin
bagn s.m.
Struture balneâr, spec. tal pl.
esemplis
"al jere il 15 di Avrîl dal 1903 e al nasseve il Stabiliment dai bagns di Puart Lignan"
gjavât fûr di "La vacance a Lignan" di Elio Varutti
torne sù