Hai cercato la parola
monolingue
Torna indietro

monolingue

bagn s.m.
Imersion ta la aghe par rinfrescjâsi
sinonimi
imersion
esempi
"smirant fis il pêl da la aghe, ingrispât di un baviç lizêr di buere, al veve pensât che al jere dabon li che a levin a fâ il bagn di Istât"
da "Cuant che l'Istât al finìs - Ogni etât la sô maravee" di Gianluca Franco
"daspò gustât a spietavin plui di dôs oris prin di fâ il bagn, tirant slavaris tal spieli de aghe"
da "Istât" di Agnul di Spere
bagn s.m.
Il lavâsi dut dentri te aghe
esempi
"e implenave la vascje di aghe cjalde, di sâl profumât, e e faseve il bagn"
da "Ombris tal infinît" di Carlo Sgorlon
bagn s.m.
Pratiche terapeutiche o di benstâ cun aghis che a contegnin sostancis minerâls che a curin
esempi
"par rintonà il so fisic, / se acete il mio consei, / no sarès cjosse miei / dei bagns par cualchi dì"
da "I bagns di Betine" di Pieri Çorut
bagn s.m.
[TS] (sient.) Il meti alc intune soluzion cun chê di tratâlu, o la soluzion stesse
bagn s.m.
Stanzie dulà che si lavisi e dulà che a son i servizis igjienics
sinonimi
gabinet, necessari, cabôt
esempi
"sbolseant i soi rivât tal bagn, dulà che i ai gomitât dut"
da "Kebar krossè" di Stiefin Morat
"i volarès meti un pôc di savon. Il savon al è intal bagn. Il bagn al è la puarte daspò de sô cjamare"
da "Il rucjin" di Laurin Zuan Nardin
bagn s.m.
Struture balneâr, spec. tal pl.
esempi
"al jere il 15 di Avrîl dal 1903 e al nasseve il Stabiliment dai bagns di Puart Lignan"
da "La vacance a Lignan" di Elio Varutti
Torna in Cima