Hai cercato la parola
monolingue
Torna indietro

monolingue

brut adi.
Che al à un aspiet, une forme che no plasin
sinonimi
mostruôs, orent, oribil, teribil
esempi
"sô fie e jere brute e la fiastre invezit e jere plui che biele"
da "La fie e la fiastre" di Andreina Nicoloso Ciceri
"il viandant che al passe par lenti, al cjale chel brut arbossat e al dîs: - Butaitlu fûr, fait tantis stielis, e che al vadi sul fûc "
da "La rosade di sant Zuan" di Catarine Percude
"il murel de nêf al tapone il brut colôr dai cops vieris, al scuint il mismàs dai cjôts, dai rudinaçs, dai mussulins"
da "Il cjanâl vistût a blanc" di Josef Marchet
brut adi.
Spec. cuant che si insulte cdn., come infuarcitîf di adi. o sost.
esempi
"ven dongje chi, brute bestie che tu sês!"
da "Agne Ursule" di Pieri Menis
"Jacum, chel brut mostro, me à petade"
da "A confessâsi" di Angelo Covazzi
"va a incjocâti vie di chi brut schifôs"
da "Sante Luzie e i merecans" di Bepi Zefon
"brut di un ludro cui crodistu di menâi la viole"
da "SIP" di Laurin Zuan Nardin
brut adi.
Che nol plâs daûr di une percezion sensoriâl
sinonimi
displasevul, ledrôs, mâl, stomeôs, trist
esempi
"une brute puce di frait"
"un brut odôr di sierât"
brut adi.
Negatîf par un cualchi aspiet
sinonimi
ledrôs, negatîf, ruspi, ruspiôs, trist
esempi
"o ai di dâti une brute gnove. [...] O sin intune brute situazion"
da "Sense" di Checo Tam
brut adi.
Che al fâs mâl, che al pues jessi pericolôs pe salût
sinonimi
ledrôs, pericolôs
esempi
"Rosine e jere come saltade fûr, ancje jê, di une brute malatie che le veve marcade insot"
da "Cjase di Dalban" di Maria Forte
"cun cheste man, par cualchi dì, no podarai fâ nuie: mi soi fat un brut tai, di ca fin ca, che mi è sbrissade la sgoibe"
da "Lis predicjis dal muini" di Josef Marchet
"Sandri, ancje se al veve une brute feride, al jere fûr di pericul"
da "Sul agâr" di Pieri Menis
brut adi.
Che al è caraterizât di displasê, dolôr, disgracie e v.i.
sinonimi
disgraciât, dolorôs, ledrôs, sfortunât, trist
esempi
"un brut an si visà che chel [purcit] che al nudrive, sui cuatri cinc mês, al veve cjapât il mâl rossin "
da "A marcjât" di Meni Ucel
"l'alcul i disfave i bruts pinsîrs, ma ancje, a voltis, i strambive lis imagjins come tun fat di deliri"
da "La tiere di Lansing" di Maria Forte
"in chel an, di Vierte adore, che Zuan si indurmidì te stale e no si dismovè plui, e fo une brute Pasche"
da "Zuan Jeremie" di Riedo Pup
brut adi.
Che al vûl rivâ a obietîfs triscj
sinonimi
carognôs, cragnôs, indegn, meschin, schifôs, trist, vergognôs
esempi
"varaial brutis intenzions cun me? Jo no soi vignût cun chê di fâi la vuere"
da "Les tamossis" di Checo Tam
brut adi.
Che al è cuintri de creance, de morâl, de dignitât e v.i.
sinonimi
sporc
esempi
"ogni tant al çavariave, brutis peraulis, peraulis che no si capive, cualchi blesteme"
da "La letare de mame" di Pieri Somede dai Marcs
brut adi.
Dûr di risolvi
sinonimi
dificil, dûr, grivi, intrigôs, ledrôs
esempi
"a vore al è vignût fûr un brut imbroi"
brut adi.
Caraterizât di nûi, ploie, cundizions meteorologjichis no plasevulis
sinonimi
trist
esempi
"al nevee e al svinte… (ogni tant si sint l'aiar a businâ) Ce brute stagjonate!"
da "Gnot di Nadâl" di Pieri Somede dai Marcs
brut s.m.
Dome tal sing., il jessi contrari dal biel, ce che nol è biel di viodi
esempi
"al à un brut che al plâs"
da "La fie çuete" di Maria Forte
"par cognossi il biel, bisugne viodi il brut"
da "La foghere" di Luciano Rocco
"il secul de gjeometriche ben slissade razionalitât componentistiche des formis, dal brut artistic, dal brut pardut"
da "Viaç aes origjins dal Logos" di Adrian Cescje
brut s.m.
Persone di aspiet pôc armobic, nuie biel
esempi
"lis cjasis di ripôs che si tegnin dentri biei e bruts, mats e savis"
da "Cercandui" di Alan Brusini
brut s.m.
Dome intal sing., timp meteorologjic cun perturbazions, precipitazions
sinonimi
maltimp, nulât, ploie, trist timp, brut timp
esempi
"lis previsions a metin brut"
proverbi
"a fantate biele, brut fantat"
"al è un brut mistîr chel di fâ ridi"
"brut di piçul, biel di grant; biel di piçul, brut di grant"
"brut in fasse, biel in place; biel in fasse, brut in place"
"cu lis bielis peraulis e i bruts fats si ingjane savis e mats"
"cuant che i fruts a stan cuiets, brut segn"
"cui triscj al è brut vê ce fâ"
"di une brute scarpe no vignarà mai fûr une biele çavate"
"il diaul nol è mai tant brut che lu fasin"
"il diaul nol è mai tant brut che lu piturin"
"par cognossi il biel, bisugne viodi il brut"
"Sant Scugnî al è un brut sant"
"sorc biel in jerbe, brut in panole"
"vuardilu ben, vuardilu dut: l'om cence bêçs tant che al è brut"
Torna in Cima