SuperDizionari

monolengâl

budiel s.m.
(bu-diel)

Spec. tal pl., orghin digjestîf formât di un condot jenfri il stomi e l'orifizi anâl

sinonims

intestin, stomi, tambûr, vissar, vissare

esemplis

"si mangjave la polente fate cu la blave che e jere stade metude vie di semence o cul soròs che al ingolfave i budiei tant che zes di prese"

gjavât fûr di "Il muc" di Roberto Ongaro

budiel s.m.
(bu-diel)

[TS] (becj.) Membrane intestinâl di animâl netade e doprade par fâ robe insacade

esemplis

"sveltis lis sígnurinis / ramondin i budiei, / e su la pestadorie / la cjar e cjape il mei! / Fats i persuts, a machine / insáchin i salams, / musets, sogoi, luianiis"

gjavât fûr di "Si purcite!" di pre Zaneto

"e sarès rivade la ore di purcitâ, Vigji al varès dade une man e Guido al varès comprâz i budiei, il pevar, il sâl, lis brucjis di garoful, il spali e la uve passe"

gjavât fûr di "Purcits" di Vico Bressan

budiel s.m.
(bu-diel)

Tubul di gome cuntune valvule che si jemple di aiar par dâ la funzion di supuart e elasticitât aes ruedis dai veicui

esemplis

"butiliis di plastiche, plats vecjos, crucjis, budiei di biciclete"

gjavât fûr di "Une bombe colorade tal mieç dai confets" di Erika Adami

budiel s.m.
(bu-diel)

Protezion di latiç o altris materiâi che si met tor dal orghin sessuâl masculin tai rapuarts sessuâi, par che no sedin gravidancis no voludis o infezion di malatiis (pop.)

sinonims

profilatic, preservatîf, goldon

budiel s.m.
(bu-diel)

Passaç strent (fig.)

esemplis

"straordenarie la int intropade, in chel budiel di stradele"

gjavât fûr di "Viaç a Vignesie" di Arturo Feruglio

budiel s.m.
(bu-diel)

Persone grasse (fig.)

sinonims

socol

esemplis

"no stâ a incoconâmi tant, che o deventi un budiel"

budiel s.m.
(bu-diel)

Tant che ofese gjeneriche, cun riferiment sessuâl, ancje in imprecazions o blestemis (fig.)

sinonims

sbudielât, sborât

esemplis

"e butiti in bande mo, zio budiel!"

gjavât fûr di "Sbigule" di Massimo Govetto

detulis

"cu lis cjacaris no si jemple i budiei"

"nissun sa cetancj braçs di budiei che o vin te panze"

"pan bruntulât nol fore i budiei"

torne sù