Hai cercato la parola
monolingue
Torna indietro

monolingue

budiel s.m.
(bu-diel)
Spec. tal pl., orghin digjestîf formât di un condot jenfri il stomi e l'orifizi anâl
sinonimi
intestin, stomi, tambûr, vissar, vissare
esempi
"si mangjave la polente fate cu la blave che e jere stade metude vie di semence o cul soròs che al ingolfave i budiei tant che zes di prese"
da "Il muc" di Roberto Ongaro
budiel s.m.
(bu-diel)
[TS] (becj.) Membrane intestinâl di animâl netade e doprade par fâ robe insacade
esempi
"sveltis lis sígnurinis / ramondin i budiei, / e su la pestadorie / la cjar e cjape il mei! / Fats i persuts, a machine / insáchin i salams, / musets, sogoi, luianiis"
da "Si purcite!" di pre Zaneto
"e sarès rivade la ore di purcitâ, Vigji al varès dade une man e Guido al varès comprâz i budiei, il pevar, il sâl, lis brucjis di garoful, il spali e la uve passe"
da "Purcits" di Vico Bressan
budiel s.m.
(bu-diel)
Tubul di gome cuntune valvule che si jemple di aiar par dâ la funzion di supuart e elasticitât aes ruedis dai veicui
esempi
"butiliis di plastiche, plats vecjos, crucjis, budiei di biciclete"
da "Une bombe colorade tal mieç dai confets" di Erika Adami
budiel s.m.
(bu-diel)
Protezion di latiç o altris materiâi che si met tor dal orghin sessuâl masculin tai rapuarts sessuâi, par che no sedin gravidancis no voludis o infezion di malatiis (pop.)
sinonimi
profilatic, preservatîf, goldon
budiel s.m.
(bu-diel)
Passaç strent (fig.)
esempi
"straordenarie la int intropade, in chel budiel di stradele"
da "Viaç a Vignesie" di Arturo Feruglio
budiel s.m.
(bu-diel)
Persone grasse (fig.)
sinonimi
socol
esempi
"no stâ a incoconâmi tant, che o deventi un budiel"
budiel s.m.
(bu-diel)
Tant che ofese gjeneriche, cun riferiment sessuâl, ancje in imprecazions o blestemis (fig.)
sinonimi
sbudielât, sborât
esempi
"e butiti in bande mo, zio budiel!"
da "Sbigule" di Massimo Govetto
proverbi
"cu lis cjacaris no si jemple i budiei"
"nissun sa cetancj braçs di budiei che o vin te panze"
"pan bruntulât nol fore i budiei"
Torna in Cima