SuperDizionari

monolengâl

butâ vie loc.v.

Butâ lontan di se, ancje alc di imateriâl (ancje fig.)

esemplis

"al torne a bevi fin che a 'nd jere e po al dîs fuart: «Ah, ce bon!... ce bon chest vin...» e ti bute vie la butilie vueide che si spache cuintri une lapide pôc lontan"

gjavât fûr di "Doi pizighets e un lari" di Pieri Menis

"sù, lassìn lâ, no stin a tirà fûr storiis, butìn vie lis malinconiis"

gjavât fûr di "Vilie di Nadâl" di Pieri Somede dai Marcs

butâ vie loc.v.

Gjavâ alc che si à intor

sinonims

butâ fûr

esemplis

"al bute vie i scarfarots che al a intor e al met i stivâi"

gjavât fûr di "I stivâi di Zuan Batiste" di Arturo Feruglio

butâ vie loc.v.

Butâ o meti, soredut in contignidôrs o puescj specifics, alc che nol covente

sinonims

butâ, butâ tes scovacis, te scovacere

esemplis

"a vevin mangjât un chilo di mandarins. Nissun zeut par butâ vie lis scussis, e jê lis veve metudis tun gjornâl, e il gjornâl te borse"

gjavât fûr di "In viaç di domenie" di Agnul di Spere

butâ vie loc.v.

Spindi cence misure o cence criteri

sinonims

straçâ, stranfâ

esemplis

"a Taresie i vignive l'imbast a viodi a butâ vie cussì i bêçs"

gjavât fûr di "Trê feminis" di Gianni Gregoricchio

"«O sin tal boom», nus disevin; «tal miracul talian»! E alore, se no si compre, se no si consume, se no si strace, se no si bute vie, ce "boom" isal?"

gjavât fûr di "I furlans e la culumie" di Riedo Pup

butâ vie loc.v.

No doprâ o sfrutâ o gjoldi te maniere juste

sinonims

butâ, straçâ

esemplis

"no vuei da nissun jessi secjât, / che al bute vie dibant e timp e flât"

gjavât fûr di "La bore cuviarte" di Pieri Çorut

"jo ti ai nome te, e tu tu mi âs nome me, almancul par cumò. Duncje, no stin a tratâsi mâl. No stin a butâ vie di bessôi chel pôc che o vin"

gjavât fûr di "Il dolfin" di Carlo Sgorlon

detulis

"cui che al bute vie cu lis mans i tocje a cercjâ cui pîts"

"cui che al bute vie cu lis mans i tocje di cirî cui pîts"

"si sta mancul a butâ vie che no a cjapâ sù"

torne sù