Hai cercato la parola
monolingue
Torna indietro

monolingue

butâ vie loc.v.
Butâ lontan di se, ancje alc di imateriâl (ancje fig.)
esempi
"al torne a bevi fin che a 'nd jere e po al dîs fuart: «Ah, ce bon!... ce bon chest vin...» e ti bute vie la butilie vueide che si spache cuintri une lapide pôc lontan"
da "Doi pizighets e un lari" di Pieri Menis
"sù, lassìn lâ, no stin a tirà fûr storiis, butìn vie lis malinconiis"
da "Vilie di Nadâl" di Pieri Somede dai Marcs
butâ vie loc.v.
Gjavâ alc che si à intor
sinonimi
butâ fûr
esempi
"al bute vie i scarfarots che al a intor e al met i stivâi"
da "I stivâi di Zuan Batiste" di Arturo Feruglio
butâ vie loc.v.
Butâ o meti, soredut in contignidôrs o puescj specifics, alc che nol covente
sinonimi
butâ, butâ tes scovacis, te scovacere
esempi
"a vevin mangjât un chilo di mandarins. Nissun zeut par butâ vie lis scussis, e jê lis veve metudis tun gjornâl, e il gjornâl te borse"
da "In viaç di domenie" di Agnul di Spere
butâ vie loc.v.
Spindi cence misure o cence criteri
sinonimi
straçâ, stranfâ
esempi
"a Taresie i vignive l'imbast a viodi a butâ vie cussì i bêçs"
da "Trê feminis" di Gianni Gregoricchio
"«O sin tal boom», nus disevin; «tal miracul talian»! E alore, se no si compre, se no si consume, se no si strace, se no si bute vie, ce "boom" isal?"
da "I furlans e la culumie" di Riedo Pup
butâ vie loc.v.
No doprâ o sfrutâ o gjoldi te maniere juste
sinonimi
butâ, straçâ
esempi
"no vuei da nissun jessi secjât, / che al bute vie dibant e timp e flât"
da "La bore cuviarte" di Pieri Çorut
"jo ti ai nome te, e tu tu mi âs nome me, almancul par cumò. Duncje, no stin a tratâsi mâl. No stin a butâ vie di bessôi chel pôc che o vin"
da "Il dolfin" di Carlo Sgorlon
proverbi
"cui che al bute vie cu lis mans i tocje a cercjâ cui pîts"
"cui che al bute vie cu lis mans i tocje di cirî cui pîts"
"si sta mancul a butâ vie che no a cjapâ sù"
Torna in Cima