SuperDizionari

caratar s.m.
(ca-ra-tar)

Segn grafic, letare o simbul

sinonims

grafie, letare, scriture, segn

esemplis

"un caratar cirilic"

"un test cun caratars jeroglifics"

Viôt ancje: carater

caratar s.m.
(ca-ra-tar)

Cualitât distintive

sinonims

cualitât, marche, particolaritât, peculiaritât, proprietât

esemplis

"la verticalitât e je il caratar plui clâr de architeture gotiche"

"valorizâ la origjinalitât e i caratars che a rindin uniche la nestre tiere"

gjavât fûr di "Pai dirits linguistics in Friûl - Vignesie Julie 2008-2013" di Comitât 482

caratar s.m.
(ca-ra-tar)

Complès des cualitâts e des disposizions che a segnin la personalitât

sinonims

personalitât, tempare, temperament, naturâl

esemplis

"un caratar sclet"

"vê un caratar sierât"

"jessi fogôs, scjaldinôs di caratar"

"un caratar dificil, ruspi, prepotent. Nissun nol podeve dîi o insegnâi nuie, che jê e saveve simpri dut"

gjavât fûr di "Destins" di Pieri Menis

caratar s.m.
(ca-ra-tar)

[TS] (biol.) Particolaritât di forme, colôr, struture, composizion chimiche, funzion e v.i. tipiche di une categorie di organisims

esemplis

"la celule mari e cjape in pôc timp i caratars tipics dal patrimoni gjenetic sintetizât in laboratori"

gjavât fûr di "Recension di La scienza non ha bisogno di Dio" di Lorenzo Marcolini

monolengâl