SuperDizionari

carateristiche s.f.
(ca-ra-te-ris-ti-che)

Cualitât o element specific che al determine la individualitât di cdn. o di alc

sinonimi

caratar, particolaritât, prerogative, proprietât, tipicitât, peculiaritât, marche, aspiet

esempi

"lis impresis a àn tacât a ufrî prodots cun carateristichis ecologjichis"

da "Guide par un consum just e solidâl" di Buteghe dal Mont, Luche Nazzi

"chel che al fâs di Onde Furlane un esperiment ancjemò vitâl al è propit la sô carateristiche di jessi simpri "cuarp permeabil""

da "Un Friûl difarent: i 90 mhz di Onde Furlane" di Max Mauro

"la gravitazion e à une carateristiche universâl: doi cuarps cualsisedi che a si movin intun cjamp gravitazionâl a seguissin la stesse traietorie a la midiesime velocitât "

da "Teologjie algjebriche" di Sergio Cecotti

Vedi anche: carataristiche

carateristiche s.f.
(ca-ra-te-ris-ti-che)

Il jessi diferent, specific

sinonimi

identitât, individualitât, specificitât, nature, forme, fate, aspiet, filusumie

esempi

"il mût miôr di salvâ ancje la dignitât, la carateristiche e la identitât dal nestri popul furlan"

da "La vite no je cuintriposizion di valôrs ma armonie di realtâts complementârs" di Francesc Placerean

carateristiche s.f.
(ca-ra-te-ris-ti-che)

(filos.) Rapresentazion di concets in mût di diferenziâju ognidun cuntun segn o caratar

sinonimi

carateristiche di inerence, carateristiche di relazion

esempi

"la carateristiche universâl di Leibniz"

carateristiche s.f.
(ca-ra-te-ris-ti-che)

(fis.) Grandece fisiche che e rapresente il funzionament di un aparât, di un circuit e sim.

carateristiche s.f.
(ca-ra-te-ris-ti-che)

(tecn.) Coeficient che al sintetize ben une o plui proprietâts di une sostance o di un aparât

carateristiche s.f.
(ca-ra-te-ris-ti-che)

(mus.) Tal sisteme tonâl, la tierce note di une scjale maiôr o minôr

monolingue