Hai cercato la parola
monolingue
Torna indietro

monolingue

cime s.f.
(ci-me)
Part plui alte
sinonimi
piche, ponte, spice, spiç, pic
esempi
"alte tal cil, parsore chel cuadrut, / e lusive la cime dal Montâs"
da "Matine di Zenâr" di Enrico Fruch
"su la plui alte cime / al jeve il soreli a buinore, / ma cheste no je la ore / di bandonâ l'amôr"
da "Su la plui alte cime" di Popolâr
"su la cime dal cuel, cuintri il cîl, e viôt un biel sterp di margaritis, blancjis come la nêf"
da "Lis leiendis di Buie" di Pieri Menis
cime s.f.
(ci-me)
Ponte di un ramaç
esempi
"lis cisis a fasin un vêl di ombrene cu lis cimis intenaridis"
da "La aghe da pît la cleve" di Dino Virgili
cime s.f.
(ci-me)
Pont, moment, element, risultât e v.i. plui alt, impuartant, significatîf e v.i. (fig.)
sinonimi
colme, piche, ponte, spice, spiç, insom
esempi
"nol spiete a mi decidi ce che al fos Graaf: forsi la cime de raze umane, il fin de creazion. [...] O forsi al jere il plui misar dai oms, un danât su la tiere"
da "Sui spirts" di Andrea Stocco
cime s.f.
(ci-me)
Persone che e je cetant brave intun ciert cjamp o persone une vore inteligjente, impuartante e v.i. (fig.)
esempi
"jo, che no soi une cime di talent, ma no soi po nancje tant ocje, o ai capît subit il bergamo"
da "Florean dal Palaç, IV, 6" di Guido Antonioli
"bravo siôr Meni! / no 'nd è un compagn! / jo lu nomeni / simpri cun stime: / al è une cime"
da "Filastrocje" di Tite Çorat
proverbi
"vueli in cime, vin tal mieç, mîl sul fonts"
Torna in Cima