SuperDizionari

circul s.m.
(cir-cul)

Forme o struture o disposizion taronde

sinonims

taront, tont, zîr, cercli

esemplis

"fra un circul di vecjis çocjis di cjastinâr e je une buse plene di fueis secjis"

gjavât fûr di "Lis leiendis di Buie" di Pieri Menis

"dulà che trops condanâts in un lûc lavorin assieme, i soldâts di scorta i formin ator di lôr un circul , e abadin che nissun i vadi fûr sença ocorença"

gjavât fûr di "Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera" di Antoni Brumat

circul s.m.
(cir-cul)

Grup o associazion che si dediche in particolâr a une ativitât, soredut in cjamp culturâl, ricreatîf e sim.

sinonims

associazion, clape, socie, societât, grup

esemplis

"[Cavedalis] al veve promovût il 3 di Otubar dal '48 une leç che e proibive ai militârs di fâ part dai circui politics cence autorizazion dai superiôrs"

gjavât fûr di "Zuan Batiste Cavedalis - Une vite esemplâr" di Giovanni Pillinini

"a mi contin che al sei stât un di chei siôrs dal Circul Artistic che al si à impensât di vignî fûr cun chê… ce si puedial dî?… strambarie, di traspuartâ la fontane di place Contarene"

gjavât fûr di "Florean dal Palaç, I, 1" di Guido Antonioli

circul s.m.
(cir-cul)

Spazi o struture, ancje cuviarte ma in gjenar provisorie e itinerante, par spetacui comics, acrobaziis, e sim. e ancje i spetacui stes, lis compagniis che ju fasin e v.i.

sinonims

circ

circul s.m.
(cir-cul)

Fenomen o dinamiche che a vedin une ande che si pues descrivi come un cicli o come une parabule

esemplis

"il circul al tache a lâ devantdaûr e no je une robe che la finanziarie e podi permetisi"

gjavât fûr di "Contis sot spirt" di Raffaele Serafini

monolengâl