SuperDizionari

circul s.m.
(cir-cul)

Forme o struture o disposizion taronde

sinonimi

taront, tont, zîr, cercli

esempi

"fra un circul di vecjis çocjis di cjastinâr e je une buse plene di fueis secjis"

da "Lis leiendis di Buie" di Pieri Menis

"dulà che trops condanâts in un lûc lavorin assieme, i soldâts di scorta i formin ator di lôr un circul , e abadin che nissun i vadi fûr sença ocorença"

da "Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera" di Antoni Brumat

circul s.m.
(cir-cul)

Grup o associazion che si dediche in particolâr a une ativitât, soredut in cjamp culturâl, ricreatîf e sim.

sinonimi

associazion, clape, socie, societât, grup

esempi

"[Cavedalis] al veve promovût il 3 di Otubar dal '48 une leç che e proibive ai militârs di fâ part dai circui politics cence autorizazion dai superiôrs"

da "Zuan Batiste Cavedalis - Une vite esemplâr" di Giovanni Pillinini

"a mi contin che al sei stât un di chei siôrs dal Circul Artistic che al si à impensât di vignî fûr cun chê… ce si puedial dî?… strambarie, di traspuartâ la fontane di place Contarene"

da "Florean dal Palaç, I, 1" di Guido Antonioli

circul s.m.
(cir-cul)

Spazi o struture, ancje cuviarte ma in gjenar provisorie e itinerante, par spetacui comics, acrobaziis, e sim. e ancje i spetacui stes, lis compagniis che ju fasin e v.i.

sinonimi

circ

circul s.m.
(cir-cul)

Fenomen o dinamiche che a vedin une ande che si pues descrivi come un cicli o come une parabule

esempi

"il circul al tache a lâ devantdaûr e no je une robe che la finanziarie e podi permetisi"

da "Contis sot spirt" di Raffaele Serafini

monolingue