SuperDizionari

civiltât s.f.
(ci-vil-tât)

Complès di relazions, di normis e di culture che a caraterizin une societât

esemplis

"intune civiltât che e refude di fondâ il dirit sui rapuarts di fuarce e di domini, come che e pretint di sei deventade la nestre, no si pues acetâ la imposizion di une identitât diferente in sostituzion di chê storiche di une comunitât nazionâl,"

gjavât fûr di "Memoriis di politiche linguistiche" di Adrian Cescje

civiltât s.f.
(ci-vil-tât)

Nivel di evoluzion sociâl

sinonims

progrès

esemplis

"une vore di lôr a son de opinion che par judicâ e misurâ il nivel di civiltât di un popul baste nome stazâ e pesâ la magjistrature"

gjavât fûr di "A restin nome carabinîrs e predis" di Riedo Pup

civiltât s.f.
(ci-vil-tât)

Cuntun adietîf o une specificazion, maniere di vivi in comunitât daûr di cierts valôrs

esemplis

"jo, om di citât, che o vignivi de civiltât dal consumisim, che o vignivi da la Universitât, no jeri stât bon di capî une realtât che si fondave sui afiets plui naturâi"

gjavât fûr di "I forescj" di Alan Brusini, Gian Paolo Linda

"i valôrs e i principis trasmetûts de civiltât contadine, che e ricognòs lis diviersis figuris familiârs e no dome, ti cjape par man e ti vuide a rispietâ i elements plui impuartants de societâ"

gjavât fûr di "Interviste a Attilio Maseri" di Carli Morandin

civiltât s.f.
(ci-vil-tât)

Compuartament coret, che al va daûr dal rispiet des normis sociâls e de zentilece

sinonims

coretece, creance, buine crenace, buine educazion, educazion

esemplis

"rispuindi cun civiltât"

"[un] conflit, che i furlans no àn mai cirût e là che si son compuartâts simpri cun civiltât"

gjavât fûr di "Vuere e pâs - Il conflit linguistic in Friûl jenfri vuere cidine e pâs bausarie" di Sandri Carrozzo

civiltât s.f.
(ci-vil-tât)

Complès des carateristichis materiâls, sociâls e culturâls che a identifichin un popul, spec. in rivuart di une cierte ete, aree o fase di svilup

sinonims

culture

esemplis

"si fevelave des antighis civiltâts di Assur e Babylon, di Sumer… Iskander al cognosseve benon lis liendis di Gilgamesh. Un puint al leave la antighe civiltât dal Elam (e duncje ancje Sumer) al mont dravidic de basse Indie"

gjavât fûr di "Don Franziskus e Iskander" di Checo Tam

"la usance dal pelegrinaç e je cognossude tai popui di civiltât precolombiane de Americhe Latine, che a traviersin lis monts par centenârs e miârs di chilometris par rimpinâsi su lis spicis plui altis e sacris"

gjavât fûr di "Sant Jacum, là che al finìs il mont" di Antoni Beline

monolengâl