Hai cercato la parola
monolingue
Torna indietro

monolingue

civiltât s.f.
(ci-vil-tât)
Complès di relazions, di normis e di culture che a caraterizin une societât
esempi
"intune civiltât che e refude di fondâ il dirit sui rapuarts di fuarce e di domini, come che e pretint di sei deventade la nestre, no si pues acetâ la imposizion di une identitât diferente in sostituzion di chê storiche di une comunitât nazionâl,"
da "Memoriis di politiche linguistiche" di Adrian Cescje
civiltât s.f.
(ci-vil-tât)
Nivel di evoluzion sociâl
sinonimi
progrès
esempi
"une vore di lôr a son de opinion che par judicâ e misurâ il nivel di civiltât di un popul baste nome stazâ e pesâ la magjistrature"
da "A restin nome carabinîrs e predis" di Riedo Pup
civiltât s.f.
(ci-vil-tât)
Cuntun adietîf o une specificazion, maniere di vivi in comunitât daûr di cierts valôrs
esempi
"jo, om di citât, che o vignivi de civiltât dal consumisim, che o vignivi da la Universitât, no jeri stât bon di capî une realtât che si fondave sui afiets plui naturâi"
da "I forescj" di Alan Brusini, Gian Paolo Linda
"i valôrs e i principis trasmetûts de civiltât contadine, che e ricognòs lis diviersis figuris familiârs e no dome, ti cjape par man e ti vuide a rispietâ i elements plui impuartants de societâ"
da "Interviste a Attilio Maseri" di Carli Morandin
civiltât s.f.
(ci-vil-tât)
Compuartament coret, che al va daûr dal rispiet des normis sociâls e de zentilece
sinonimi
coretece, creance, buine crenace, buine educazion, educazion
esempi
"rispuindi cun civiltât"
"[un] conflit, che i furlans no àn mai cirût e là che si son compuartâts simpri cun civiltât"
da "Vuere e pâs - Il conflit linguistic in Friûl jenfri vuere cidine e pâs bausarie" di Sandri Carrozzo
civiltât s.f.
(ci-vil-tât)
Complès des carateristichis materiâls, sociâls e culturâls che a identifichin un popul, spec. in rivuart di une cierte ete, aree o fase di svilup
sinonimi
culture
esempi
"si fevelave des antighis civiltâts di Assur e Babylon, di Sumer… Iskander al cognosseve benon lis liendis di Gilgamesh. Un puint al leave la antighe civiltât dal Elam (e duncje ancje Sumer) al mont dravidic de basse Indie"
da "Don Franziskus e Iskander" di Checo Tam
"la usance dal pelegrinaç e je cognossude tai popui di civiltât precolombiane de Americhe Latine, che a traviersin lis monts par centenârs e miârs di chilometris par rimpinâsi su lis spicis plui altis e sacris"
da "Sant Jacum, là che al finìs il mont" di Antoni Beline
Torna in Cima