SuperDizionari

cjamare s.f.
(cja-ma-re)

Spazi di une cjase che al è separât di chei altris cui mûrs e che al comuniche cun chei altris cun puartis e coridôrs

sinonims

locâl, stanzie

esemplis

"un apartament cuntune cusine, doi bagns e trê cjamaris, che si puedin doprâ par durmî o di sale o di mezât"

"une cjasone salde, di piere, cheste dai Pascuts, di trê plans, se si met intal cont ancje il cjast. (In dì di vuê, là sù, i gjavaressin fûr almancul trê cjamaris)"

gjavât fûr di "Trê feminis" di Gianni Gregoricchio

"agne Menie invezit e veve cjolt un vasut di canele e une pivide di sclopon par meti sul barcon de cjamare là che e filave"

gjavât fûr di "Chei di Muraie" di Pieri Menis

cjamare s.f.
(cja-ma-re)

Stanzie di une cjase destinade a durmî

esemplis

"a vuere finide, par maridâsi, al varès fat la cjase te stale e tal toglât; sot: cusine, tinel e lis scjalis e parsore dôs cjamaris e une stanzie di bagn"

gjavât fûr di "Il muc" di Roberto Ongaro

"al stentave inmò a ripiâsi di une polmonite che lu tignive sierât in cjamare"

gjavât fûr di "11 di Fevrâr 1929" di Pieri Somede dai Marcs

cjamare s.f.
(cja-ma-re)

Stanzie dulà che si duar, in câs ancje cun bagn, dade a fit

esemplis

"Begot al veve poiât lis valîs te cjamare dal hôtel di chê isule incantesemade li che al varès passât lis vacancis"

gjavât fûr di "La rambe" di Fabian Ros

"e jere une cjase isolade, fûr di man, di une vedue che e fitave cjamaris par zontâsi alc ae pension che i veve lassade l'om"

gjavât fûr di "I forescj" di Alan Brusini, Gian Paolo Linda

cjamare s.f.
(cja-ma-re)

Tal pl., ognidune des dôs assembleis di un parlament a dôs cjamaris

esemplis

"l'ufici di conseîr regjonâl nol è compatibil cun chel di membri di une des Cjamaris"

gjavât fûr di "Statût Speciâl de Regjon Autonome Friûl-Vignesie Julie" di Aministrazion Publiche

cjamare s.f.
(cja-ma-re)

[TS] (tecn.) Locâl de fornâs li che si metin i modons o altri materiâl crût par cueilu

esemplis

"al jentrave, in chês cjamaris [de fornâs] in file, par cjalâ se il modon al jere ben intassât, se lis puartis a jerin ben stropadis"

gjavât fûr di "La tiere di Lansing" di Maria Forte

"i prenars a jentravin te cjamare infogade cuntun peçot imbombât di aghe sù pe muse, e cu lis sapis a gjavavin fûr il modon"

gjavât fûr di "La aghe da pît la cleve" di Dino Virgili

cjamare s.f.
(cja-ma-re)

[TS] (tecn.) Locâl di un implant o di une struture, vueit e che si pues jemplâ e sierâ, destinât a une cierte funzion

esemplis

"une struture primarie di contigniment (Primary Containment Vessel – PCV) che e je fate di une cjamare sute a forme di bulbi di açâl"

gjavât fûr di "Il disastri de centrâl nucleâr di Fukushima Dai-ichi" di Alessandro Pascolini

cjamare s.f.
(cja-ma-re)

[CO] (fotogr.) Aparât fotografic, ancje cumbinât cun dispositîfs informatics, par cjapâ iimagjins o videos

sinonims

fotocjamare, videocjamare

esemplis

"un sisteme Terrestrial Laser Scanner (TLS) integrât cuntune cjamare fotogrametriche"

gjavât fûr di "Lis Termis Romanis e la Basiliche Patriarcjâl di Aquilee studiadis midiant lis modernis tecnichis di rilevament e di rapresentazion" di Domenico Visintini

cjamare s.f.
(cja-ma-re)

[FÛ] (amin.) Orghin fiscâl e aministratîf sot de Austrie, sot Vignesie e tal Patriarcjât

sinonims

cjamare fiscâl

Viôt ancje: cjamire

monolengâl