SuperDizionari

cjamare s.f.
(cja-ma-re)

Spazi di une cjase che al è separât di chei altris cui mûrs e che al comuniche cun chei altris cun puartis e coridôrs

sinonimi

locâl, stanzie

esempi

"un apartament cuntune cusine, doi bagns e trê cjamaris, che si puedin doprâ par durmî o di sale o di mezât"

"une cjasone salde, di piere, cheste dai Pascuts, di trê plans, se si met intal cont ancje il cjast. (In dì di vuê, là sù, i gjavaressin fûr almancul trê cjamaris)"

da "Trê feminis" di Gianni Gregoricchio

"agne Menie invezit e veve cjolt un vasut di canele e une pivide di sclopon par meti sul barcon de cjamare là che e filave"

da "Chei di Muraie" di Pieri Menis

cjamare s.f.
(cja-ma-re)

Stanzie di une cjase destinade a durmî

esempi

"a vuere finide, par maridâsi, al varès fat la cjase te stale e tal toglât; sot: cusine, tinel e lis scjalis e parsore dôs cjamaris e une stanzie di bagn"

da "Il muc" di Roberto Ongaro

"al stentave inmò a ripiâsi di une polmonite che lu tignive sierât in cjamare"

da "11 di Fevrâr 1929" di Pieri Somede dai Marcs

cjamare s.f.
(cja-ma-re)

Stanzie dulà che si duar, in câs ancje cun bagn, dade a fit

esempi

"Begot al veve poiât lis valîs te cjamare dal hôtel di chê isule incantesemade li che al varès passât lis vacancis"

da "La rambe" di Fabian Ros

"e jere une cjase isolade, fûr di man, di une vedue che e fitave cjamaris par zontâsi alc ae pension che i veve lassade l'om"

da "I forescj" di Alan Brusini, Gian Paolo Linda

cjamare s.f.
(cja-ma-re)

Tal pl., ognidune des dôs assembleis di un parlament a dôs cjamaris

esempi

"l'ufici di conseîr regjonâl nol è compatibil cun chel di membri di une des Cjamaris"

da "Statût Speciâl de Regjon Autonome Friûl-Vignesie Julie" di Aministrazion Publiche

cjamare s.f.
(cja-ma-re)

[TS] (tecn.) Locâl de fornâs li che si metin i modons o altri materiâl crût par cueilu

esempi

"al jentrave, in chês cjamaris [de fornâs] in file, par cjalâ se il modon al jere ben intassât, se lis puartis a jerin ben stropadis"

da "La tiere di Lansing" di Maria Forte

"i prenars a jentravin te cjamare infogade cuntun peçot imbombât di aghe sù pe muse, e cu lis sapis a gjavavin fûr il modon"

da "La aghe da pît la cleve" di Dino Virgili

cjamare s.f.
(cja-ma-re)

[TS] (tecn.) Locâl di un implant o di une struture, vueit e che si pues jemplâ e sierâ, destinât a une cierte funzion

esempi

"une struture primarie di contigniment (Primary Containment Vessel – PCV) che e je fate di une cjamare sute a forme di bulbi di açâl"

da "Il disastri de centrâl nucleâr di Fukushima Dai-ichi" di Alessandro Pascolini

cjamare s.f.
(cja-ma-re)

[CO] (fotogr.) Aparât fotografic, ancje cumbinât cun dispositîfs informatics, par cjapâ iimagjins o videos

sinonimi

fotocjamare, videocjamare

esempi

"un sisteme Terrestrial Laser Scanner (TLS) integrât cuntune cjamare fotogrametriche"

da "Lis Termis Romanis e la Basiliche Patriarcjâl di Aquilee studiadis midiant lis modernis tecnichis di rilevament e di rapresentazion" di Domenico Visintini

cjamare s.f.
(cja-ma-re)

[FÛ] (amin.) Orghin fiscâl e aministratîf sot de Austrie, sot Vignesie e tal Patriarcjât

sinonimi

cjamare fiscâl

Vedi anche: cjamire

monolingue