SuperDizionari

cjanton s.m.
(cjan-ton)

Spazi li che si cjatin dôs liniis o dôs superficiis che a àn direzions diferentis

sinonimi

angul

esempi

"il cuadrât al à ducj i lâts e ducj i cjantons compagns"

cjanton s.m.
(cjan-ton)

Spazi di un fabricât o di une stanzie là che doi mûrs cun direzions diferentis si zontin un cun chel altri

esempi

"chê cjase là sù, ferme e prosperose, che e someave un cjistielat cui voi neris de torate sul cjanton"

da "La aghe da pît la cleve" di Dino Virgili

cjanton s.m.
(cjan-ton)

Puest dulà che alc, soredut une strade o sim., e cambie direzion a sec o dulà che si cjatin dôs stradis che a rivin di direzions diferentis

sinonimi

volt, svolt, svolte, comedon

esempi

"la cjase che e vignarà a sei propit sul cjanton tra une "avenida" e une "calle" e sarà un capitâl sigurât pai nestris fruts, pe nestre vecjaie"

da "Il mâl dal mûr" di Lucio Perès

cjanton s.m.
(cjan-ton)

Part di une superficie di alc, cjapade jenfri doi ôrs, in gjenar perpendicolârs, che si zontin tra di lôr

sinonimi

piche, pisin, ponte, spice, pic

esempi

"tal cjanton ad alt de cartuline al è segnât dulà meti il bol"

cjanton s.m.
(cjan-ton)

Estremitât laterâl di alc

sinonimi

pic, pisin, ponte, spice, code

esempi

"Jacum, cu la pipe sul cjanton de bocje, che al ties zeis, o che al infere çuculis, o che al specole"

da "Sul agâr" di Pieri Menis

"i riduçà a la frute e la frute e viodè a comparî tantis grisputis intal cjanton dai voi"

da "Trê feminis" di Gianni Gregoricchio

cjanton s.m.
(cjan-ton)

Part di un spazi plui grant

sinonimi

toc, blec, puest, lambri

esempi

"la globalizazion e je aromai, voie o no voie, un fat concret che al condizione e al impon adataments fin tal plui piçul cjanton di planete"

da "Un Friûl difarent: i 90 mhz di Onde Furlane" di Max Mauro

"vueris no 'nd jere in nissun cjanton da la Europe"

da "Il dolfin" di Carlo Sgorlon

"la sene e rapresente un cjanton di paîs"

da "L'ombrenâr" di Pieri Somede dai Marcs

cjanton s.m.
(cjan-ton)

Part di teritori in corispondence dai ponts cardinâi, direzion (ancje fig.)

sinonimi

bande

esempi

"cuatri zovins vignûts dai cuatri cjantons de Groenlande"

da "E la Groenlande e tacà a sunâ te sô lenghe" di Fabian Ros

cjanton s.m.
(cjan-ton)

Lûc fûr di man, scuindût, lontan (fig.)

sinonimi

bande, puest, buse, bûs

esempi

"cirìn un cjanton cuiet par felevâ in pâs"

cjanton s.m.
(cjan-ton)

[CO] (amin.) Sudivision aministrative dal teritori di un stât

sinonimi

regjon, provincie, teritori, mandament, distret

esempi

"a dut chest si puedin ancjemò zontâ [...] lis rivendicazions dal moviment politic ladin Zent Ladina Dolomites, nassût tal 1945 cun chê di jonzi la unitât politiche e aministrative di dutis lis valadis ladinis dolomitanis intun cjanton autonom metût adun sul model di chei svuizars e confederât cu la provincie di Bolzan"

da "La libertât di lenghe tant che dirit fondamentâl. Atualitât e complessitât dai contignûts de “Cjarte di Chivasso”" di Marc Stolf

monolingue