SuperDizionari

cjapitul s.m.
(cja-pi-tul)

Ognidune des parts, plui o mancul lungjis, di un libri, di une conte, di un scrit e v.i.

esempi

"lis primis peraulis che o ai scrit di chest libri a son stadis par furlan e a son chês dal incipit di chel che al è deventât il tierç cjapitul: e je la clamade che o ai vût cun Beppino Englaro cuant che al jere di lâ a cjoli Eluana"

da "Interviste a Amato De Monte" di Christian Romanin

"chest cjapitul lu ai scrit par cirî di dîus che alc si vuadagne e alc si piert tal fevelâ dome une lenghe o plui di une lenghe"

da "Il cjâf dai furlans" di Franc Fari

"al jevà e al cjapà sù un libri che al jere sul scabel dongje dal jet. [...] Al tornà a poiâsi jù, lu vierzè al prin cjapitul e al tacà a lei"

da "Tal ospedâl" di Amedeo Giacomini

cjapitul s.m.
(cja-pi-tul)

Part di un at, di une norme, di un contrat, di une convenzion e v.i.

esempi

"la vere part di novitât de 29 e je tal so cjapitul tierç, che al rivuarde la istruzion, la presince de lenghe furlane tes scuelis dal teritori furlan"

da "Memoriis di politiche linguistiche" di Adrian Cescje

cjapitul s.m.
(cja-pi-tul)

Timp particolâr, fase di une vite, di une storie

sinonimi

fase, periodi, dade, dade di timp, aspiet

esempi

" li, pal puar vieli, si sierave un cjapitul si vierzeve un altri, fat di zornadis lungjis e di plui lungjis gnots"

da "Aiar di cjase" di Franca Mainardis

cjapitul s.m.
(cja-pi-tul)

[TS] (dir.can.) Assemblee di cjalunis indotade di personalitât juridiche e di capacitât normative

esempi

"lu àn propit disfat e la Bole e je tremende! Parcè che e bute jù par simpri il titul di patriarcje, il cjapitul di Aquilee, i dirits di diocesi e di metropolite"

da "L'ultin patriarcje: Denêl Dolfin" di Francesc Placerean

monolingue