SuperDizionari

monolengâl

colegâ v.tr.
(co-le-gâ)

Meti adun, meti in comunicazion

sinonims

coneti, inzontâ, leâ, meti adun, meti intune, zontâ

esemplis

"no jerin stradis par colegâlu cun nissun puest e, dut câs, nissun si infidave di fâlis, lis stradis, par pôre che e tornàs une montane a sdrumâ dute la vore"

gjavât fûr di "Microrivoluzions" di Stiefin Morat

"la imprese de Transsiberiane e veve dât snait ai impresaris europeans che a cjatarin i bêçs par colegâ chê ferovie cun la Cine"

gjavât fûr di "Felix Marchi e il sium dal furlan-furlan" di Max Mauro

"çatârs che cu lis barcjis a coleghin Ruvigne a Pinçan"

gjavât fûr di "In chê dì. La zornade di un furlan dal popul cjapât dentri tal tramai de storie" di Angelo Floramo

colegâ v.tr.
(co-le-gâ)

Meti in rapuart, in relazion (fig.)

sinonims

coordenâ, corelâ, ordenâ, peâ, racuardâ, rapuartâ

esemplis

"dispès une vore di nô o coleghìn – cualchi volte in maniere masse rigjide – l'ûs de lenghe furlane a une realtât dome contadine"

gjavât fûr di "Identitât plurâl tal Friûl di Jevât" di Carlo Del Torre

"cuant che si fevele di sclopis e di revolvars [...], i furlans no puedin fâ di mancul di colegâ chei imprescj alì cui delincuents, cui brigants, cui laris"

gjavât fûr di "I furlans e lis armis" di Riedo Pup

torne sù