Hai cercato la parola
monolingue
Torna indietro

monolingue

comant s.m.
(co-mant)
Istruzion o indicazion dade cun autoritât, che e à di jessi ubidide
sinonimi
comandament, comande, disposizion, imposizion, ordin
esempi
"ce che e diseve la Baldasse al jere simpri un comant in chê cjase aromai pleade a jê"
da "Cjase di Dalban" di Maria Forte
"al marcje, al bat il tac in divise nere e al rispuint ai comants par todesc, lenghe che al cognòs ben, vint lavorât di zovin in Svuizare"
da "Mors tua, vita mea" di Checo Tam
comant s.m.
(co-mant)
Funzion, autoritât, podê di dâ istruzions o indicazions che a àn di jessi ubididis
sinonimi
control, denant, direzion, domini, guvier, podê, prin puest
esempi
"i todescs a cjaparin in man il comant ancje in Libie, ma nancje a lôr ur le drete"
da "Cuintristorie dal Friûl dal 1866 fint in dì di vuê" di Francesc Placerean
"par putrope int - par dute chê int che e vîf cu la mangjadorie burocratiche - si trate di difindi posizions di comant e interès capitâi, si trate di tignî scuindudis un grum di rognis cumbinadis in passât"
da "80 discors" di Josef Marchet
"nol veve nissune intenzion di molâ il comant che, etât o no etât, al jere ancjemò un om plen di vite e di fûc"
da "Trê feminis" di Gianni Gregoricchio
"cui che nol è al comant o che nol à vonde podê daûr la gole che al à"
da "Innsbruck Bonn e Avellino" di Riedo Pup
"dopo la muart di so pari, la farie e jere restade su lis sôs spalis di frut, par chel che al rivuardave il lavôr, ma la direzion, lis redinis, il comant espotic, tes mans di done Jacume"
da "Cretevierte" di Roberto Ongaro
comant s.m.
(co-mant)
Capacitât di controlâ une part dal cuarp, un istint, une voie, une dibisugne e v.i.
esempi
"la fam no à comant, si sa"
da ""Nocent"" di Maria Forte
"e veve vût un ictus, in seconde elementâr, intant che e jere a scuele, dibot e à pierdût la fevele e il comant de bande diestre dal cuarp"
da "Il cjâf dai furlans" di Franc Fari
"dopo nol vaì; nome che il stomi si alçave e si sbassave cence comant, che nol podeve fermâlu"
da "Dreute" di Riedo Pup
comant s.m.
(co-mant)
Sumission a un ordin, a une autoritât, a une jerarchie, a une norme morâl o di convivence e v.i.
sinonimi
dissipline, regule, ordin, rispiet
esempi
"il piês, a la Ane i capitâ cu la ete malnassude e disordenade di Menoli, di Milo Taboghe, di Dolfo dal Asin, dal Piçul de Rosse che a vevin il tîr de tristerie. Fruts cence comant e cence vergogne"
da "La aghe dal Ariul" di Maria Forte
comant s.m.
(co-mant)
(milit.) Tes fuarcis armadis, il grup costituît dal comandant e dai siei colaboradôrs o il lûc dulà che a stan
esempi
"in cjase nestre da plui di un mês o vevin il comant dai dragons dal «Gjenue Cavalarie»"
da "Une conference di padre Gemelli" di Pieri Somede dai Marcs
"considerât finît il so compit, al le al comant imperiâl a consegnâ la sô spade, ma li i diserin che al podeve tignîle, stant che al si jere compuartât cun onôr"
da "Zuan Batiste Cavedalis - Une vite esemplâr" di Giovanni Pillinini
comant s.m.
(co-mant)
(amin.) Proviodiment che al mande un impleât a lavorâ intune aministrazion diferente di chê solite
comant s.m.
(co-mant)
(tecn.) Orghin che al guvierne un dispositîf, un mecanisim, une machine
esempi
"al montà dentri [in machine] e al provà ducj i botons. Cjatât chel just, al fracà sigûr e al partì, a salts. Al rivà fint a Visepente. Po dopo al tacà a confusionâsi, a viodi dome tarlupulis, a tremâ, a sbaliâsi tai comants"
da "Pre Pitin" di Antoni Beline
Torna in Cima