SuperDizionari

confermâ v.tr.
(con-fer-mâ)

Dimostrâ la veretât o la validitât di un fat, di une opinion, di une teorie e v.i.

sinonims

aprovâ, dimostrâ, fâ bon, laudâ, ribati, certificâ, provâ

esemplis

"l'australian Raymond Dart al cjatà in Sudafriche il “frut di Taung”, po classificât come Australopithecus africanus (simie de Afriche meridionâl). E jere propit une “simie bipede” che e confermave lis ideis di Darwin"

gjavât fûr di "Evoluzion umane: la sience e mostre i segrets des nestris origjins" di Claudio Tuniz

confermâ v.tr.
(con-fer-mâ)

Afermâ, declarâ che alc al è vêr

sinonims

fâ vêr, garantî, sigurâ

esemplis

"pre Pitin nol à mai ni dineât ni confermât cheste cjacare"

gjavât fûr di "Pre Pitin" di Antoni Beline

"o confermi che si son ditis peraulis, ma si jerin scjaldâts, come che e à dite Nine… Si po ancje capîju: ur veve cjapade la rabie"

gjavât fûr di "Int di masnade" di Alviero Negro

confermâ v.tr.
(con-fer-mâ)

Mantignî cdn. intune incarghe o posizion che al veve za

sinonims

mantignî, tignî

esemplis

"Lamuela pe seconde volte al è ricognossût e confermât arbitri de sielte in vie definitive. Ae unanimitât"

gjavât fûr di "Memoriis di politiche linguistiche" di Adrian Cescje

confermâ v.tr.
(con-fer-mâ)

Lâ indevant a fâ alc, a vê une cierte disposizion, un ciert compuartament

sinonims

mantignî

esemplis

"il Comun di Tavagnà, duncje, al conferme la atenzion ae lenghe dal teritori, che e à puartât a ativâ il sportel pe lenghe furlane"

gjavât fûr di "A Tavagnà si jude il furlan" di Erika Adami

monolengâl