SuperDizionari

contindi v.tr.
(con-tin-di)

Dî alc cun sigurece, ancje cuintri de opinion di altris

sinonimi

confermâ, dî, declarâ, proclamâ, professâ, ribati

esempi

" in paîs al è dut un momò e la int e je insuride cuintri di lui. A contindin che al à cjolte la machine cui bêçs de glesie"

da "Pre Pitin" di Antoni Beline

"i oms a cirivin di difindile e di contindi che lis acusis cuintri di jê a jerin dutis bausiis"

da "Il dolfin" di Carlo Sgorlon

"O contint di jessi inocent!"

da "Vieri e gnûf" di Pieri Piçul

Vedi anche: cuntindi

contindi v.intr.
(con-tin-di)

Discuti in maniere animade

sinonimi

discuti, cuistionâ, contestâ, barufâ, litigâ, rebecâ

esempi

"intant che Toni e il funzionari a contindevin sul confin, rivà la 'Sese dute sbarlufide corint, convinte che Toni al tacàs une altre barufe"

da "La cjase di Toni" di Tarcisio Venuti

"e jere dome la voie di no contindi che i meteve in bocje peraulis cussì pôc sintudis"

da "Cjase di Dalban" di Maria Forte

contindi v.intr.
(con-tin-di)

Jessi impegnât intun scuintri, intun contrast o ancje intun confront, une gare e v.i. cun cdn.

sinonimi

contrastâ, batisi, competi

esempi

"la Cravuazie di chei agns e viodeve cuatri ideis politichis contindi e trussâsi une cu la altre"

da "Storie di Min" di Ivano Urli

contindi v.tr.
(con-tin-di)

Cirî di otignî alc in competizion cun altris

sinonimi

contrastâ, disputâ

esempi

"pe regjon o sin ca noaltris; ce covential che si fasin indenant altris di lôr a contindinus la strade?"

da "Diferencis" di Josef Marchet

"doi biei voi, e un biel sen tesaur di amôr, / tra lôr contindin di belece il vant, / brilin chei neris voi plui dal diamant, / supare il sen di perle il biel candôr"

da "I, 18" di Ermes di Colorêt

monolingue