SuperDizionari

convinci v.tr.
(con-vin-ci)

Fâ che cdn. al pensi alc cun sigurece, gjavantji i dubis sburtantlu a mantignî une cierte condote o a fâ une cierte azion

sinonims

indusi, persuadi, pleâ, pocâ, sburtâ

esemplis

"te place dal paisut si davin daûr i predicjadôrs e bergheladôrs par convinci il popul a tignî la reson o di une bande o di chê altre"

gjavât fûr di "La cjase di Toni" di Tarcisio Venuti

"Linùs al rivà a convinci Vignesie che ce che al produseve nol leve cuintri dai interès di altris industriis de Republiche fûr dal Friûl, e lu lassarin prosperâ in pâs"

gjavât fûr di "Liniis di storie sociâl e economiche dal Friûl 1500 – 1800" di Adrian Cescje

"in merit ae droghe, a son tancj di lôr svelts a convinci che nol è nuie, che ti fâs stâ ben e vie indenant"

gjavât fûr di "Sul florî" di AAVV

convinci v.tr.
(con-vin-ci)

Ancje ass., dâ une sensazion di fiducie, di scletece

sinonims

persuadi, contentâ, sigurâ, pocâ, smecâ, plasê

esemplis

"dutis rispuestis, chês di Checo, che no convincevin il procuradôr e tant mancul l'ispetôr"

gjavât fûr di "Cretevierte" di Roberto Ongaro

"al jere alc che no lu convinceve"

gjavât fûr di "L'om che al pierdeve pinsîrs pe strade" di Fabian Ros

convinci v.tr.
(con-vin-ci)

Ancje ass., dâ une sensazion di sigurece, fâ impression pes buinis capacitâts

sinonims

plasê

esemplis

"pal Udin al è un altri pont te scarsele, une altre partide in blanc e neri, cun alc che al funzione avonde ben e alc che nol convinç masse"

gjavât fûr di "Udinese - Milan 1-1" di Marc Stolf

monolengâl