SuperDizionari

cors s.m.

Il cori de aghe o di un altri fluit, il complès des aghis in moviment

sinonims

aghe, corentie, corint, corevul

esemplis

"un slac di tiere al à fermât il cors di un riu"

gjavât fûr di "La mont furlane" di Mauro Pascolini, Andrea Guaran

"il miedi nol podeve capî ce che e veve, i faseve fâ punturis e al diseve che il sanc nol veve il so cors just"

gjavât fûr di "A jerin lagrimis" di Pieri Somede dai Marcs

"a mieç di chel flus, dal cors principâl al partive un riul plui stret che al leve vie cuintri soreli a mont"

gjavât fûr di "Il drâc" di Gianfranco Pellegrini

cors s.m.

Grande strade di citât

sinonims

stradon, stradâl, viâl

esemplis

"un incuintri public tal palaç de provincie, a Gurize, in Cors Italie"

cors s.m.

[CO] (edil.) Intai mûrs, sucession di elements compagns, massime modons e pieris, metûts a pâr e a nivel su un stes plan orizontâl

esemplis

"al veve contât trê modons par cors e, stant che i modons a son di vincjecuatri, sumant ancje lis maltis, a davin la misure precise"

gjavât fûr di "Cretevierte" di Roberto Ongaro

cors s.m.

[CO] (gjeol.) Struture longjitudinâl formade di une sole sorte di cret

sinonims

filon, strât, cengle

esemplis

"dolomiis scuris e in gjenar ben stratificadis, in cors che a son pal plui tabulârs e centimetrics, cundut che a puedin jessi ancje intercalazions plui finis o plui gruessis e gjeometriis lenticolârs"

gjavât fûr di "Gjeologjie e paleontologjie ator di Preon" di Francesco Gobbo

cors s.m.

[CO] (tess.) Complès di fîi passâts inte maie di ogni liç

cors s.m.

Disvilup, procedi, sucedi di alc, soredut in progression

sinonims

ande, bot, davuelziment, direzion, evoluzion, flus, orientament, progrès, sens, svilup, tindince, trafile, viers

esemplis

"la funzion e à il so cors, e e ven la ore di don Camilo, plui lustri e plui complen dal solit, pe predicje"

gjavât fûr di "Otavari a Madone" di Meni Ucel

"la justizie e à il so cors"

gjavât fûr di "Vieri e gnûf" di Pieri Piçul

cors s.m.

Validitât atuâl

esemplis

"«Paron», i dîs il scrivant, «jo o pues nome dîus che chê cjarte alì no à plui cors. O vevis di spindile o di cambiâle prin che e las fûr di cors»"

gjavât fûr di "La vacje" di Meni Ucel

cors s.m.

Serie ordenade di lezions o di esercitazions che a àn la finalitât di insegnâ alc

sinonims

cicli

esemplis

"sul plan gjornalistic Tosoni al viôt un limit de radio chel di jessi masse "Rossi dipendente". Al inmanee cussì un cors di formazion gjornalistiche pai colaboradôrs"

gjavât fûr di "Un Friûl difarent: i 90 mhz di Onde Furlane" di Max Mauro

"propit tal 1344 a son scomençâts i prins cors da la universitât a Cividât"

gjavât fûr di "Il nestri sant: patriarcje Bertrant" di Francesc Placerean

"la Universitât dal Friûl, sotfinanziade come che o savìn, no rive a rinfuarcî i cors di prime formazion, chei che a preparin i/lis mestris de scuele de infanzie e des elementârs "

gjavât fûr di "I dîs agns de leç n. 482/99" di Silvana Fachin Schiavi

cors s.m.

Manuâl cun finalitâts didatichis che al ten dentri un complès di lezions su un argoment

sinonims

manuâl, test, libri

esemplis

"un cors di aprendiment di leture e scriture e di esercitazions di lenghe furlane par arlêfs di scuele medie publicât tal 1999"

gjavât fûr di "Memoriis di politiche linguistiche" di Adrian Cescje

cors s.m.

[CO] Flus mestruâl

sinonims

mestruazion, cors di sanc, flus, mâl dal flus, mâl solit, mês

monolengâl