Tu âs cirût la peraule
monolengâl
torne indaûr

monolengâl

covâ v.tr.
(co-vâ)
De gjaline, o ancje di altris uciei, tignî cjalts cu lis plumis de panze i ûfs o ancje i piçui
sinonims
clucî
esemplis
"[Catinuta] a gji faseva via pal dì visitis a la clocja co covava i pulissuts, e gji butava di mangjâ a li gjalinis"
gjavât fûr di "Catinuta" di Ugo Pellis
"[la vuede] ju cove, ju clame / ju mene a passon, / ur sgarfe, ur insegne / il gran il plui bon"
gjavât fûr di "La vuede" di Giovanni Battista Gallerio
covâ v.intr.
(co-vâ)
Tignî dentri vie cence che si viodi
sinonims
clucî
esemplis
"la mê [ment], intal so segret, e à continuât a covâ il ricuart"
gjavât fûr di "Trê feminis" di Gianni Gregoricchio
"o sintivi che dentri e covave une pene che la cruziave e che e scuindeve cun gjelosie"
gjavât fûr di "None Menie" di Maria Gioitti del Monaco
"Nene e alçà i voi e alore la mularie se mocà fin sot il puarton dai Fresacs a covâ tristeriis"
gjavât fûr di "Chel svampît di 'Sefut" di Maria Forte
covâ v.intr.
(co-vâ)
Stâ riparât, no viodût, no cognossût e sim. (ancje fig.)
sinonims
alberzâ, covâsi, coviglîsi, imbusâsi, intanâsi, logâ, nidiâ, platâsi
esemplis
"sot de disperazion di chei agns desolâts, e covave la voie di riscat e di voltâ pagjine"
gjavât fûr di "Pre Josef e la Patrie. Une rose fluride in plen Unvier" di Antoni Beline
covâ v.tr., v.intr.
(co-vâ)
Cjapâ un ciert puest, un ciert volum
sinonims
tignî, cjapâ, incovâ
esemplis
"chest armaron al cove unmont te cjamare"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
""Eh! cjare muîr, le sapience no cove puest: je une materie spirituâl""
gjavât fûr di "La curiositât sacomade" di Giuseppe Dondo
torne sù